هل حصلك موقف طريف او محرج ؟؟ اذا تفضل...

**ثــلــج مــشــوي** · 22-02-2008, 10:29 PM

السلام عليكم ورحمه الله وبركاته

وش اخبار محبي هوندا الموقرين :d

شفت المنتدى نايم اليومين ذي وجا ببالي ذا الموضوع;)

هل حصلك موقف محرج او مضحك ؟ :d

الي عنده مواقف لايحرمنا منها ;)

.......
..................

راح ابدا بموقف لي :

انا كنت بمحل بلياردو وتنس:d

وقاعد العب تنس ومتحمس :p

وكان قدامي ناس يلعبون بطاوله ثانيه وانا من زود الحماس ضربت بالكوره بأقوى ماعندي

ابي اكبس بقوه ;) لكن ماضبطت الوزنيه وراحت الكوره سيييييده (فاصل اعلاني : روووح سييييده سيييده وخذ يمين تالي يمين:d) عدنا المهم يووم رااحت سييده كانت قويه وجت براس الي قدامي

المشكله كان محلق شعره 1 ولا 2 انا مت ضحك وانحرجت خلااااص كل الي بالمحل يضحكوووون

وانا انحرجت واضحك وهو يضحك المشكله ان الكووره كااانت قوويه ويقول ايييي :d

اعتذرت منه وكان متفاهم ولا الحمد لله ماجاني شي

يالله ياشباب ننتظر مواقفكم ....لحد يقولي مكرر

**هـ ن ط 425 badoory** · 23-02-2008, 09:49 AM

خخخخخخخخخخخخخخخخ
اثرك انت اللي ضاربني

ماتعرف تلعب تنس أنت :p

**ثــلــج مــشــوي** · 23-02-2008, 03:34 PM

:d

وش جاب البلياردو :d

اقولك تنس :d

اما كوره بلياردو

بيموت :d

شاكر لك مرورك يالغالي

**فقير الحظ** · 23-02-2008, 04:11 PM

ماشالله فكرة الموضوع حلوهـ ..:d

انا قبل كم اسبوع دخلت الصف وكنت ناسي الكتاب بالسياره يعني جايب كتاب ثاني ... قالي المدرس لك 3 دقايق تجيب الكتاب ولا بسجلك غايب

واروح السياره ركض وكان جمب باب المخرج صف يعني نص متر بين البابين ومن الحماس درعمت على الصف ولا استوعبت ماشي ومكمل لييييين وقفت عند طاولت المدرس << الله لا يعمينا
الاستاذ قطع شرحه وقاعد يناظر والطلاب يطالعون كانت الحصه الاولى يعني محد رااايق لحد
والله قلتله معليش:o وطلعت يوم طلعت واسمعهم يضحكون :d وبعد كل الي صار سجلني المدرس غايب

ــــــــــــــــــــــــ
ــــــــــــ
ـــ
ـ

ومره ياطويل العمر كنت طالع من المدرسه ايام ثالث ثانوي واوراقي عند واحد من الشباب صافطني مدري وين راح المهم يوم شفت سيارته ذاك اليوم وادز وراه وازعج اهله تكبيس يوم صفط واشوف الوجه غير ولوحة السياره غير قالي عادي عادي
^^^^^
دايم هالموقف يصيرلي :o

______________
________
____
_
ـ

بس هذا الموقف خطيييييير مره قطعت اشاره ووراي سوناتا سري ويلحقني ويكبسلي وانا اغمزله واستهبل عليه احسبه خويي لان خويي كان مركب براقات مثل الي بالدوريه السريه وأحده واستهبل عليه وادبل بريكات بوجهه يوم اشوف بالمرايه الا هو فتح اللمبه الي داخل وخويه يأشر بيده وقف على جمب ونقزوني للحجز :o

طولت عليكم :d

مشكووور نيترووو على الموضوع الكويس ننتظر باقي الاعضاء

**ثــلــج مــشــوي** · 23-02-2008, 05:50 PM

^^^^^

:d

تشكرات على ردك ياحلووو

اما مواقفك انت تحفه...:d

اجل درعمت على الفصل :d

ولا حقت السريه :d:d:d:d

مشكور ياافقير الحظ على المرور;)

**AL5FY** · 23-02-2008, 07:32 PM

لي باك

**ثــلــج مــشــوي** · 23-02-2008, 07:58 PM

^^^^
ننتظرك;)

**The Stig** · 23-02-2008, 08:56 PM

ونقزوني للحجز

هع هع هع هع هع

ذكرتني بسالفه شبيه صارت لي ...

المهم ساذكرها لاحقا

**The Godfather** · 24-02-2008, 01:39 AM

انت دخلت مغارة علي بابا المتروسه بالذهب يوم اني انا دخلت الموضوع :d عندي موقف يخليك تضحك لين باجر

الله يسلمكم :
مره من ( المرار ) <<< دايم واحد يقولها بالمسنجر :d و قصده مره من المرات خخ

كنت نايم و الوقت كان ظهر ... و انا توي نايم عقب سهر يومين... و يرن التلفون :
انا : الو
المتصل : الو ... هذا تلفون بابا مهمد <<< هندي يسأل عن محمد
انا : لا غلط
و صكرته على طول و بحكم اني غارق بالنوم

مره ثانيه يرن
انا : الو
المتصل : بابا .. هذا جاخور في هرامي ياخد اغراز <<<< الهندي طلع حارس جاخور صاحبه اسمه محمد
انا ( و بنبره حاااده ) : غلط غلط ..... و صكرت التلفون

و يرن التلفون مره ثالثه
انا فتت التلفون و سمعت صوت الهندي صكرته على طول

و يرن التلفون مره رابعه
انا ( و بصراخ ) : انت ما اذيتنا ... كل شوي متصل .. اذا اتصلت مره ثانيه راح اييك الجاخور و اكسر التلفون على راسك
و اصكر

و يرن مره خامسه :
انا على طول ايدي على زر اغلاق التلفون اللي فوق التلفون ... و انا قاعد اصكر التلفون طاحت عيني على الرقم ... و لا هذا رقم شركة قدمت عندهم علشان وظيفه مؤقته ( الكلام بالصيف اللي فات )

و يتصكر التلفون

و انا اللي اصحصح من النوم و اشغل التلفون و اقابله انتظره يرن

ربع ساعه الا الشركه داقين
انا : الو ( و بطريقة محترمه و بصوت رسمي :d )
المتصل : استاز عقيل ؟ <<<< لبناني
انا : اي نعم
المتصل : احنا شركة **** .... انت قدمت عندنا علشان وظيفه مؤقته ؟
انا : اي نعم <<< ووجهي :d
المتصل : بخاف تكسر التلفون على راسي هههههههه <<<< يحاول يستظرف

انا : لا هذا كان اخوي و بالغلط رد عليك حسبك واحد ثاني مزعجنا <<<< و يصرف نفسه

المتصل : بس حبيت اقولك إنا ما قبلناك بالوظيفه <<< وصوته مسوي :o
انا : عاد هذا اللي بروح له طاير و بخلي النعال تنقض على وجهه ( و انتو بكرامه )

<<< و تخترب الاخلاق

و يصكر التلفون على طول الاخ

طبعا وقتها كنت سهران و حدي دايخ ..... و عيوني حمر من التعب .... و الحبيب داق يستظرف دمه

ملاحظه : الكلام اللي بالاحمر هو الاحراج اللي بالموقف بس و تقريبا هو الوقت الوحيد اللي اتذكر اني حسيت بالاحراج وقتها

**ثــلــج مــشــوي** · 24-02-2008, 03:19 PM

^^^^^
:d:d

مشكلتك مشكله انت...:d

انا مستحيل انام والجوال عاام

**accord05** · 24-02-2008, 03:21 PM

88888
والله اني مثلك مستحيل ونص

**ثــلــج مــشــوي** · 24-02-2008, 03:32 PM

^^^^^
طيب ماعندك موقف تتحفنا به:d

**S.M.A.R.T** · 24-02-2008, 04:12 PM

طيب انا اتذكر موقف صار لي في ثالث ثانوي

واحد من الشباب الله يذكره بالخير تأخر ما جا الا الحصة الثانية ......:(...... يوم دخل واستـأذن من المدرس وسمح له قلت انا بصوت عالي (((((( بدري ؟؟ )))):d

......... وكان معاي في ذاك الوقت واحد اسمه خالد الله يذكره بالخير ........ المهم الأستاذ طالع في خالد وقاله وش دخلك انت يا خالد تقوله بدري ولا متأخر:p

؟؟؟ انت مسؤول عنه

؟؟؟ انت ولي امره

؟؟؟ انت وانت وانت

وووو
وكل الفصل جالس يضحك

ههههههههههههاااااااااي

والله كل ما اتذكر الموقف اضحــــــــــ:dـــــــــــك

بس صراحة خالد هذا طلع نشمي وسنايدي ولا قال ولا شي الى يومك هذا

تحياتي امير الهنادي

**ثــلــج مــشــوي** · 24-02-2008, 05:43 PM

^^^^

:d:d

ههههههه

الله يرجك اجل بدري :d

لا خالد سنايدي :d

ههههه والله موقف محترم:d

**The Stig** · 24-02-2008, 06:04 PM

احم احم احم وصل عاشق

الموووووووووهم نخش بالسولافه على طول :

في يوم من الايام كان الوالد الله يسلمه مسافر ... وكلمني في ليله قال الساعه عشره الليل توصل الطياره ... قلت له اوكيه ... قال تعال بالسياره الكبيره ... ( يعني البرادو ) :d

انا جيت بطلع الساعه عشره لاني قريب من مطار الملك فهد بالدمام ..

وصل الوقت وطلعت بنطلق ,.. وجا وراي اخوتي الصغار ... قلنا الله حيو اركبو

انطلقت ...

في الطريق كان قدامي كورولا يمشي 80 والله 80 وانا وراه ...

وتعرفون الكورولا نازل بالارض والبرادو رفيييع ؟؟

الانوار صايره جالسه معاه هع هع هع

صار يضرب يمين يسار وبريكات وحركات ...

صبرت عليه شوي لكن الصبر خلص :p ... والله وارص الموتر واتعداه ... وصرت قدامه .. وانا اقول في نفسي .. ها كبس الحين اذا فيك خير ...

الهيبه تفرض نفسها هع هع هع

الموهم انطلقت ,,, ومشيت وراح الكورولا ومروق على اغنيه الاماكن وماشي ... الا رجعت السياره تكبس ورايي ... قلت لا حول الله ,.

مافي الا يمين يسار بريكات حتى المساحة الخلفيه شغلتها ورشيت مويه ههههههههههههههههههه

الموهم ... واذا باخوتي يقولو شرطه

وانواع الخققان وعلى طول اضرب اشاره ووقف على اليمين <<<< اخس يالمحترم

اول مانزلت وانواع الارتباك والاستماره ضاعت والحاله صعبه ...

كانت المحادثه ..

انا / السلام عليكم

الدوريه / الرخصه والاستماره

انا / تفضل طال عمرك >>> اذا كانت حاجتك عند الكلب تقوله ياسيدي

الدوريه / تتحدى الحكومه انت ؟.

انا // اعووذ بالله انا اتحدى الحكومه .؟ المشكله الدوريه السيفتي اللي فويق ازرق اصفر ازرق اصفر ماكان شغال

الدوريه / لا و تدق يمين يسار يعد !!!

انا / يالطيب ترى ماكان قصدي .. قلت لك سوء تفاهم ..

الدوريه / انا اراقبك وانت تضايق الكورولا @

انا / ههههههههه اما هذي قويه .. هو كان يمشي 80 وانا وراه كيف اضايقه !

الدوريه / والله ثم والله لو ما الاطفال معاك بالسياره كان وديتك الحجز وضربتك كم طراق

والله وراحت الهيبه ياعاشق هع هع هع

انا / اكيد مافي شي اقوله هع هع هع

الدوريه / خذ ويلا روح ,,, لاحول ,,, احححححححح <<<< صوت كفرات اللومينا !

والنهايه في بطن الشاعر ;)

**يامطنش** · 25-02-2008, 01:09 PM

انا صارلي موقف اخوي اشترى كورولا 2005 اسود على ايماها جديده المهم اخذت السياره ورحت

مطعم جنيه في البديعه والله ياعندهم شورما على كيف كيفك على فكره نقلوه من مكانه وكل المحلات الي هناك

نرجع نزلت اخذت عشاء وكل شي من قرادة حظي وقف جنب سيارتي كورلا اسود هي وسارتي توام
انا ما كنت مركز فتحت الباب وركبت الا ذاك الصوت العجيب يقولي ترى ذيك سيارتك انت غلطان

تخيلو السياره فيها حرمه وانا ركبت :d بس الحمدلله تداركت الموضوع ونزلت لسيارتي ونحشت

زين الحرمه طلعت عاقل وما صرخت كان نص ضروسي طايحه

**S.M.A.R.T** · 25-02-2008, 03:10 PM

يووووووووووووووووووووووووووه والله من جد ورطه
هههههههههه

ثانكس

امير الهنادي

**ثــلــج مــشــوي** · 25-02-2008, 05:35 PM

طووووووط طووووووووط

اجل تتحدى حكومه يالقوي:d

ترا انا راعي الكورلا:dههه

والله موقف لاتحسد عليييييه:d

________________________________

يامطنش ...,

:d

موقفك هذا دايم يصير :d

وصارلي مره

كنت مودي اهلي لجيان الي بالظهران...

وجيت احتريهم ...

المهم شفت الباب الي ورا انفتح

وانا يوم انفتح مشيت وماشفت الي قدامي ...

وصارت فيه حرمه امريكه بتمشي وخويتها كانت بتركب معي

وصقعت الي تمشي من قدااام لكن بشويش:d

وقامت تسفل بالانجليزي

عاد انا قمت اسب بالانقلش سبات اليمه ودزيت:p

___________

المسافر:d

ممنوع التصيد على الاعضاء في موضوعي:d

______________

اشكر مروركم الكرييييييم وماقصرتووووا