المشاركة الأصلية كتبت بواسطة كوكو كورد
في النهاية والاخير ... اهل العقول براحة ..
اذا انك مصر انك ما تغير الا زيت الوكالة ... اشتر كرتون زيت من عندهم والفلتر من 13 الى 15 ريال من عندهم ..
ورح اقرب محطة وغيرة عندة ،، وعطة 10 ريال ،، وشوف التوفير اللي بيجيك بدال الزرف اللي قاعد يصير ..
بالنسبة للصيانة ... ياخي انت ادري بسيارتك .. فيها شي يوم توديها الوكالة عشان تسوي الصيانة ؟؟
فيها خراب لاحظتة ؟ فيها صوت ملاحظة ؟؟ فيها شي مقلقك ؟؟؟
ولا بس شفت مكتوب في دفتر الصيانة تعال كل 5000 خل نزرفك وانت زي الاهبل تروح ؟؟ ( الكلام عام ولا اخص احد او كاتب الموضوع مالها داعي بكرة الاقي واحد مسوي شكوى علي خخخخ )
^^ في نفس الوقت ادري سيارتك جديدة ومن حقك تخاف عليها ^^
بس بدون افراط ولا تفريط .. <<<< قريت الجملة مرة ثانية وقاعد اضحك ..
افراط يلعني تلعن والدي السيارة ثم تقول خربت علي اشياء واجد ووديتها الوكالة وقالو تكلف 8600 ريال وتبيع السيارة وتلعن اليوم اللي شريتها فية ،،
تفريط يعني محافظ ع السيارة وتحميها ومشاويرك قليلة او كثيرة وسواقتك زي جدي ومسوي ظريف واوديها كل 5000 للصيانة ،،،
الحين يوم سواقتك زي جدي ظنك السيارة جاها شي ؟؟؟ بالعقل شباب تحلون كل مشكلة ... بس اذا كان مافية عقل ،،
الصيانة للشخص العاقل اللي يعرف وش فية ووش مافية بسيارتة المفروض تكون كل 40.000 كيلو لأن فيها تغيير شغلات واجد (اتكلم عن موديلات 03-07) من زيت القير والبواجي والفلاتر ... وتطلع متها بحدود 1200 ريال <<<<<<< ازين بكثير من كل 5000 كيلو 500 ريال = 4000 ريال اذا قارنتها بـ 1200 حقت صيانة 40.000
.. بعدين 5000 كيلو في الرياض ومشاويرها يعني كل 40 يوم ودها الصيانة !! 
واللي مرة خايف على سيارتة ... كل 20.000 كيلو 
رد مع اقتباس
مواقع النشر (المفضلة)