الموضوع: استفسار عن العكوس

انا اليوم صارت معي المشكلة هذي في العكس اليسار ..:d

هوندا اكورد 2007

لفيت يمين طلع صوت طقه .. بعدين لفيت يسار طلع صوت طقة .. بعدها يوتير وماامداني اديور الا وقفت بنص التقاطع طلع صوت طقه مرهـ تعور القلب وثقل الدركسون وصارت تطلع صوت احتكك شوي وابكي من الصوت خخخ ..:(:d

المهم رحت للوكالة فوق سطحة لان السيارة خلاص ماتمشي مرررهـ حتى اذا شغلتها تطق طق طق طق << علينا توضيح .. قالي نغير لك العكس كامل كلة قلت وبكم .. قال 2400 او 2300 احدى السعرين هذي ..

يسار فقط ..

قلت طيب وخر .. واخذها للصناعية القديمة اليرموك .. واحد من الشباب وصفلي ايها الله يجزاهـ خير..

واروح قال نغيرها لك القطعه شغل اليد 100 ريال .. وانت عليك القطعه .. قلت الوكالة يقول اغيرها كامله ..

قال لي احفظ اربع كلمات قلت زين قال 1_ راس 2_ عكس 3_خارجي 4_يسار :d

قال سوري عندهـ ملكع .. قال يابو احمد الروس كثيرة اي راس تبي ههههههههه حسيت المصري توهق ماعرف يرد خخخخ:d

وامر محل جنبهم وقال القطعه بـ1000 اصلي .. وفيه تجاري صيني وياباني ..

قلت عطني اليباني وسعرهـ 240 ريال ..

وكلفتني يعني 340 ريال ..

وارجع للبيت واتندم اني ماغيرت العكس اليمين .. احس فيه مشكله بعد دقه خفيفه ..

وبكرة ان شاءالله وانا عندهم اركبها ..

تمشيية حالي كم شهر الين اركب اصلي .. وسلااااااااااامتك .. هذي كل القصة ..

بالنسبة للسيفيك .. ماادري عنها .. بس للاحتياط وعشان مايعورك قلبك مثلي اليوم ..
حاول تسوي تشيك عليها كل فترهـ تشيك ..

وقال لي ابو احمد المشرف حق الورشة .. قال بعض الشباب ياخذ اللفات على سرعه وهذا تأثر على العكوس .. لان الاكورد دفع امامي ..

لو خلفي مو مشكلة ..

وتحياتي للجميع