أكيد الوكاله
وبي التوفيق
سلام الله عليكم ورحمته وبركاته
كيفكم يا جميع أعضاء النادي عساكم بخير
أبدأ بطرح مشكلتي طلعت لي رجة قوية في السيارة فرحت ورشة وقالوا إحتمال كبير تكون الرجة من كراسي المكينة فإلى الحين ماسويت فيها شي
والرجة كل شوي تصير أقوى فقلت ماراح أسوي شي الين اشوف حقين الخبرة اللي هم إنتم فرجاء أفيدوني الله يجزاكم بالجنة
المطلوب:
1ـ على مين تصليح السيارة أنا ولا الوكالة (يعني كيف أعرف إنها عالضمان ولا لا؟)
2ـ من وين أشتري كراسي المكينة الأصلية طبعاً غير الوكالة لأن أسعارهم غالية (طبعاً أنا في الرياض)
3ـ وين أصلح السيارة أفضل في الوكالة ولا ورشة (إذا كنتم تعرفون ورشة في الرياض شغلها مضبوط فتكفون)
4ـ بس خلاص خلصت (كثر خيركم إذا جاوبتوا على اللي فوق)
:d
أكيد الوكاله
وبي التوفيق
و عليكم السلام ورحمة الله وبركاته يا هلا وغلا يا مرحبا بك
فـعلا ... المشكلة هي من كرسي من كراسي المكينة يبي له تغيير و السبب في ذلك ( ضعف كراسي المكينة لموديل الجديد للسيفيك )
*اولا سيارتك كم ماشيه ؟!
للأن الضمان السيفيك لين 60 الف و تكون السيارة على الضمان اذا كنت متابع معهم أولا بأول و يكون كتيب الضمان فيه كل صيانه عملتها الوكالة
* كرسي المكينة في الوكالة مع التركيب راح يطلع عليك 840 ريال
* من قبل اسبوع كانت عندي هذي المشكلة و فـضلت الوكالة على الورشات على شأن اذا صار فيه اي غلط تتحمله الوكالة
و الحمدلله السيارة رجعت مثل لول
اي سؤال حنا حاظرين يا بعدهم
أول شي ربي يعطيك الصحة والعافيه يابو الريش إنت وشرقاوي هاوي على الرد
ثاني شي
أنا ماني متابع مع الوكالة نهائياً ولاقد رحت لهم علشان كذا أنا ما أدري
ثالث شي
راح يطلع لي 840 ريال مع كرسي واحد ولا كرسيين إذا كان كرسي واحد فأي كرسي اللي على يمين السائق ولا اليسار وكم راح تجلس السيارة عندهم
رابع شي
طيب غيرت الكراسي وبعدين وش يضمن لي إنه ماتنكسر مره ثانية خاصة إنها تكسرت بدون حادث ولا مطب لاقدر الله
خامس شي
معليش طولت عليك يطولي بعمرك
أول شي ربي يعطيك الصحة والعافيه يابو الريش إنت وشرقاوي هاوي على الرد
ثاني شي
أنا ماني متابع مع الوكالة نهائياً ولاقد رحت لهم علشان كذا أنا ما أدري
ثالث شي
راح يطلع لي 840 ريال مع كرسي واحد ولا كرسيين إذا كان كرسي واحد فأي كرسي اللي على يمين السائق ولا اليسار وكم راح تجلس السيارة عندهم
رابع شي
طيب غيرت الكراسي وبعدين وش يضمن لي إنه ماتنكسر مره ثانية خاصة إنها تكسرت بدون حادث ولا مطب لاقدر الله
خامس شي
معليش طولت عليك يطولي بعمرك
اهـا اجل دامنك منت متابع معهم الضمان ما راح يشملك للأسف
و بالنسبة للكرسي والله ما عندي علم و لكن اعتقد انه راح يكون اول ما تفتح الكبوت يصير الكرسي على يسارك هو التعبان
راح اصور الي تم تبديله القديم - بعد قليل -
و مثل ما قلت لك تعتبر كراسي المكينة لهذا النوع من السيفيك ضعيفه مقارنة بالموديلات السابقة
يعني انا موتري ماشي 45 الف و ظهرت لي المشكلة
و بعض الأشخاص مشو فيه 60 الف و ظهرت هذي المشكلة
مش شرط تكون من حادث او من مطب
و يشرفني اني اجاوب على كل اسئلتك خيو الراقي
أخوي أنا صارت سويت صيانة الـ 80 ألف كيلو قبل حوالي شهر وطلعت عندي مشكلة في كرسي المكينة الأيمن وأعتقد كل السيفيكات فيها هالمشكلة وشيء واضح إنها عيب مصنعي ولكني للحين وكالتنا مو معترفه فيه خصوصا إن سيارات كثير إشتكت منه وواضح إنه مو سوء إستخدام ومثل ما ذكر أخوي أبو الريش سعره مع التركيب 840 ريال وبدون تركيب حوالي 593 ريال..
طيب ياحبايبي
الحين عرفنا بكم الشغل والتغيير عند الوكالة
السؤال اللي يطرح نفسه من أعلى برج في العالم
كم راح تجلس السيارة عندهم وهم يصلحونها (نص يوم أو يومين أو ثلاثة أو....)؟
وفيه سؤال توه واصنلي بكم أعبي الفريون في الوكالة وكم راح تجلس عندهم؟
هلا أخوي أول شي أنا سيارتي مشت 100 الف بعدين انكسر الكرسي اليمين وطلعت فيه رجه فتره وأنا أعاني منها لكن الحمد لله غيرته وموديل سيارتي 2006 وشكل هذا عيب مصنعي لكن أنصحك نصيحه أبعد عن الوكاله والله انهم حرميه ياخي خذها في المخ تدفع 840 على كرسي والله لو ايش ما ادفع وبعدين الكرسي في الوكاله غالي شوي
طبعا أنا رحت الوكاله قلت لهم علموني محلات معتمده لقطعكم قال عندك النعماني والله وأروح له وبعد المكاسر وحب الخشوم:d شريته منهم 470 ريالا بعدين أعرف الصناعيه في الشفاء محل شغله مظبوط ركبه لي ب 70 ريالا طلع علي كل شي 540 ريالا وفرت 300 ريالا في مخباي فأنا أنصحك تبعد عن الوكاله وشوف الحين الحمد لله لي فوق الشهرين مركبه الحمد لله السياره سليمه 100% وبتوفيق أخوي.
شكله كرسي المكينه
أنا قالي واحد في الوكاله ان كراسي المكينه للسيفيك مش قوية
عالعموم أنا غيروا لي كرسي المكينه الايمن في أقل من يوم ( و أكيد على حسابهم )
وديت السياره الصباح الساعة 8 و استلمتها الساعة 3 الظهر
مواقع النشر (المفضلة)