سفك 2002-2005
كلها زي بعض نفس المكينه 1,5 ليتر اقل من 80 حصان
فيها عيب مصنعي ( الهدرز ) بعد فتره لازم يتشقق ويسير صوت المكينه عالي
الشركه تتجنب الاعتراف بهذا العيب
من ناحية المكينه ان شاء الله مافي الا هذه المشكله وحلها تغير الهدرز ( تركب رياضي ) وتشيل العلبه الي بعدها وتخليه يزبطلك ماسوره جديده ( اقزوز )
البدي ضعيف طبعا زي باقي الياباني واقل كمان الحل تفط الصدمات وتلاقي اسفنجه في العامود الي ورا الصدام تركب زيها حديد
اغلب السيارات الامريكيه يجي بدل الاسفنج حديد
استهلاك الوقود عالي بالنسبه لسياره 1.5 لتر والسبب ان السياره ثقيل بتزيد استهلاك الوقود وزنها 1400 كيلو
اعتقد الشباب راح يخالفون واكيد لانهم ماجربو سياره 1.5 ووزنها خفيف جربو بعدين احكمو ....
الداخليه ( الديكور ) مشابه للقديم لاكنه ممتاز مايتكسر بسهوله
اليايات الخلفيه والمساعده لازم تتغير بعد استهلاك 3 سنوات والسبب ان الضغط علي الجزء الخلفي اعلي من الامامي بكثير
رغم ان السسبنشن الي ورا من افضل انواع الموجوده في هوندا مقارنة بالقديم والجديد
لايوجد رساوه في السياره في اللفات ذات السرعه العالية
طبلون السياره 190 كلم

انا ما اقلك كذا عشان لاتشتري لا بالعكس السياره بشكل عام كويسه للشخص العادي الي يستعملها استعمال نظيف
والعيوب هذه اغلب 70% من الناس ماينتبهولها لاكن انا شخص معدل وفصفصت السياره مسمار مسمار وبيدي وفي البيت
عشان كذا متاكد 100% من المعلومات وغير كمان ان فيه كثير من الاشخاص في امريكا لقو نفس العيوب بالضبط

فيه نوع يجي مواصفات خاصه مايختلف فيه الا المكينه بدل 1.5 الي 1.7 والطبلون ليزر بس ...

تحياتي ......