السلام عليكم

اخي الفاضل اذا انت شاري سيارة مستعملة يفضل انك تغير الاشياء الاستهلاكية في السيارة لانك ما تعرف صاحبها القديم ايش كان يسوي

غير زيت المكينة + فلتر زيت المكينة + فلتر الهواء + زيت القير + الفحمات

بالنسبة لزيت القير ما عليك من كلام الوكالة انه يخرب ، قلهم انا ابغاكم تغيرونه وبس ، افضل شي انك تركب زيت هوندا للقير ثلاث علب تكفي

المتعارف عليه ان زيت القير العادي تغيره كل 100 ألف ، وزيت الأوتو كل 40 ألف

ولكن لا ياخذك الوسواس ، اذا شفت السيارة تعشق اوكيه ولا فيه تأخير في التعشيق يعني الزيت ممتاز وتقدر تشوف مقياز الزيت علشان تشيك اذا كان ناقص وتشوف لونه وريحته ، بالعادة اذا كانت فيه ريحة يعني القير معدوم يبغالك توضيب

اللي يسأل عن الفلتر ، نعم يوجد فلتر ، ولكن انا استغرب ان الوكالة ما يغيرونه والحالة الوحيدة اللي يغيرونه فيها هي لما توضب القير

سيارات كثيرة لما تغير زيت القير تغير الفلتر معاها ولكن ليش الهوندا كذا ما ادري!!!! انا بس ادعو ان القير ما يصير فيه شي بسبة عدم تغيير الفلتر

بالتوفيق