الموضوع: مشكلة أكزوز سيفيك 2004

أخواني محبي هوندا
السلام عليكم

عندي مشكله في الاقزوز الظاهر انو تشقق ولا أيش ماني متأكد المهم صوت المكينه مع المشي صار عالي أعتقد انو عيب تصنيعي في السياره لاني مغيرو قبل سنتين في الوكاله.
هل في حل للمشكله هدي ؟
وشاكر لكم جميعا

اخي الكريم
اعتقد مشكلتك تنحصر في جاسكيت الفرن بجوار المحرك و لا علاقة لها بكاتم الصوت (الاكزوز ) او الشكمان كما يسمى ممكن تتاكد بنفسك لضغط علة دواسة البنزين و تقرب قماشة من ناحية الفرن تجد الهواء يزيد و لا عيب مصنعي و لا شيئ تغير الجاسكيت و تصير تمام

فعلا يوجد عيب في الاقزوز للسيفيك بها الموديل ودايم ينشعر واللحام مايجيب فيه عادة بس الغريب انك مغيره قبل سنتين بس عموما حاول تتفحصه وتاخذه لورشة عشان يتاكدون ان الخلل من نفس القزوز واذا تاكدت غيره بنوع رياضي امريكي وانساه والله يوفقك .

صادق فيها عيب مصنعي من التجربه ومن المضاربات مع الشركه ومن الشباب ملاك هذا الموديل ومن المنتديات الامريكيه ...
العيب المصنعي في الهدرز ودبة التلوث والسبب ان الهدرز صغير والدبه الي بعده ( التلوث ) ترجع الهوا علي الهدرز او تكتمه وبالتالي تزداد الحراره فيه ويتشقق ويطلع الصوت الي تقول عليه بوريك صور من سيارتي

الحل انك تكبر الهدرز تشتري واحد رياضي بي 400 ريال كان ينباع في جده تايلندي التصنيع وتلغي دبة الرصاص وتسوي بدالها ماسوره علي الاقزوز علي طول هذا أفضل حل ويعطيك بور زياده طبعا وهذه صورتو



اذا مالقيت الهدرز ممكن انك تشتري حق 2002 وكمان تلغي دبة الرصاص وتسوي بدالها ماسوره علي الاقزوز علي طول وتتاكد انك تركب الحساس حق الهدرز عشان لايطلعلك شك انجن كان عندي صوره بس ضيعتها





وهذه صوره لمن تلغي دبة الرصاص وتسوي ماسوره بدالها ( داون بايب )

ممكن لو سمحت صورة للهيدر من فوق الموتور بعد التركيب علشان أعرف ازاي أركب الحساس وياريت لو تعرف حد ممكن يركبة في مكة او جده والتكلفة تقريبا كام ؟ ووقت قد أية ؟ مع العلم انا عندي هيدر جديد اخو اللي في الصورة بالضبط ومشكور جدا علي مجهودك وكتر الله خيرك.

جاتني رسالتك ورديتلك عليها والاسعار حسب المحل بس غالبا اقل من 100 سعر تركيب الهدرز
اما الماسوره لازم تفصيل والتفصيل غالي يكون ما ادري كم بالضبط بس انا سويت الاقزوز كامل 2.5 انش بي 1200 ريال