الموضوع: مشكلة المكيف,, سيفيك 2007

السلام عليكم ورحمة الله .. رمضان كريم بدون مكيف وفي عز الرطوبه فالدمام :p

المشكله:
المكيف قبل شهر كان حار إذا وقفت او امشي بطيء.. لكن لما امشي فوق الـ100 يبرد !!! << هذا فالماضي .. اللحين لو امشي طبلون مايبرد مره
ملاحظاتي:
1- الكمبرسر ماصار يشبك ويفصل مثل زمان
2- فتحات المكيف "داخل السياره" ليست متساويه فالبروده .. الفتحه اللي يمين المسجل ابرد فتحه !! سبحان الله
3- فحصت السياره امس قالولي عندك الثلاجه فيها تهريب ولازم تتغير وعلبة الفريون لازم تتغير وايضا بلف المكيف يتغير << طبعا حسبتها عالسريع إذا بشتري القطع من الوكاله بتكلفني مع تعبية الفريون وزيت الفريون أكثر من 3000 بدون شغل اليد <<< ههههههههههه والله لو اعيش بدون مكيف.

ياشباب احد مرت عليه المشكله هذي او عنده معلومه يفيدنا ..

أنا توه مصادفتني مشكلة المكيف صار يطلع هواء حاار

صار عندي البكره والرمان خربانه ومروحة كمبرسور خربانه والفريون فاضي

كلفني كلها 900 ريالا مع شغل اليد مع الفريون مع القطع وكاله

لكن المروحه اخذت تايواني 190 ريالا لأن الوكاله 900 ريالا

نا عندي نفس المشكلة و الوكالة قالولي عالأقل 2000 ريال

طلعت ولا رجعتلهم طالما ان المكيف يشتغل بالمزاج الحمد الله لما يخرب يصير خير

بالنسبه لمشكله طلع حللللها بسييييييط ..

طبعا فحصت عند 3 ورش .. اثنين قالوا كمبرسر ضعيف لازم يتغير .. ومحل رد كاب قال ثلاجه وبلف مكيف وعلبة فريون ..
فالأخير دلني احد اقربائي على محل يثق فيه ... لما رحتله وشكيتله الحال قالي الورش نصااابين يستغلون الحر ويطلعونلك خرابات اهم شي يسرقونك باي طريقه ..

وقام الذيب وعبالي فريون وقالي توكل على الله .. قلتله خلاص مابتفحص؟؟ ما بتغير شي ؟؟ .. قالي مشكلتك فريون مخلص بس ههههههههههههههههه ..
بس ماقول غير حسبي الله على الورش النصابين .. المشكله رمضان ويكذبون خخخخ ما فكروا ..

ملاحظه : الفريون حق ford أصلي بـ250 ... وغيرت فلتر مكيف لأنه قديم بـ130 .

وشكراً لتعاونكم.