بخصوص السير في الامطار

**Daniel alves** · 23-01-2008, 08:43 PM

السلام عليكم

كيف الحال يا هنداويين انشأ الله تمام

ما أطيل عليكم

عندي استفسار عن المشي بالسيارة أثناء وبعد الامطار

وللمعلومية انا أتكلم من جدة

لأنه عندنا بعد ما تنزل أمطار على جدة ، كلها تغرق بالمياه والمستنقعات

السؤال هل تضر المياه بالسيارة أم لا ؟واذا كان الجواب نعم ليش؟

ويعطيكم العافية

تقبلو تحياتي

**bdllmr** · 23-01-2008, 09:04 PM

بالنسبة للسير في مياه الأمطار أنصحك انك ما تمشي فيها لأنه يأثر على الكهربا وتوقف السيارة فجأة وبلمرة وما ترد تشتغل مر ثانية،بصراحة ما استوتلي لكن السالفة استوت لواحد من الربع مشى في الاماكن المتجمعة فيها مياه الامطار ووقفت سيارته ووداها الوكالة وقالوله ان قيمة التصليح حوالي 8000 درهم !!!!!! وان الضمان ما يغطي الأعطال الميكانيكية والكهربائية عند الغمر الكلي أو الجزئي في المياه ويوم ودا السيارة للوكالة في الراشدية في دبي قاله العامل انه مب سيارته الوحيدة اللي فيها هالخراب وهناك حوالي 50 سيارة بنفس الحالة......

**Daniel alves** · 24-01-2008, 04:54 AM

يا ساتر

مشكوووور أخوي bdllmr

على مشاركتك في موضوعي

وياليت الشباب يعطونا رأيهم في الموضوع

**و ى ل السعوديه 8 5 5** · 24-01-2008, 05:07 AM

حاول انك تبتعد عن المويه...

وحاول انك تمشي بهدوء...

لا تقعد ترش على الناس والعالم...

**The Godfather** · 24-01-2008, 05:26 AM

انا واحد بالمطر اذا الشارع فاضي ما امشي اقل من 160
احب المطر و المشي بالمطر

بس وخر عن السيارات المرتفعه بعد المطر ... تشوف انواع الحصى جاي لك

بالنسبه للاضرار

وخر عن المستنقعات ... اول اذا انت مركب شوته رياضيه احتمال تسحب ماي و تدخله على المكينه باقل غمره بالماء

اما اذا انت على شوتة الوكاله ... وخر عن الماي العميق اللي ممكن يدخل على المكينه و تروح المكينه بخبر كان

و دير بالك على كهربة سيارتك

بالنسبه للهوب ... ممكن ينغمر بالماء و هو حار من بعد فرمله طويله ... و هذا يسبب تبريد سريع للهوب و بالتالي الى تموجات فيه ... و هذا يؤدي على رجفة بالدركسون مع كل بريك بعد ذلك و ما تروح الا بخرط الهوب او تبديله

هذا اللي انا اعرفه ....

اذا في خطأ يا شباب صلحو لي ....

و اكيد فيه اشياء كثيره اخرى الشباب ان شاء الله يفيدوك فيها

( انا واحد اخلي التواير تــــــــــروح * نقشتهم بالمطر من كثر التشفيط )

**Daniel alves** · 24-01-2008, 11:11 PM

المشاركة الأصلية كتبت بواسطة BLACK_ACCORD

انا واحد بالمطر اذا الشارع فاضي ما امشي اقل من 160

احب المطر و المشي بالمطر

بس وخر عن السيارات المرتفعه بعد المطر ... تشوف انواع الحصى جاي لك

بالنسبه للاضرار

وخر عن المستنقعات ... اول اذا انت مركب شوته رياضيه احتمال تسحب ماي و تدخله على المكينه باقل غمره بالماء

اما اذا انت على شوتة الوكاله ... وخر عن الماي العميق اللي ممكن يدخل على المكينه و تروح المكينه بخبر كان

و دير بالك على كهربة سيارتك

بالنسبه للهوب ... ممكن ينغمر بالماء و هو حار من بعد فرمله طويله ... و هذا يسبب تبريد سريع للهوب و بالتالي الى تموجات فيه ... و هذا يؤدي على رجفة بالدركسون مع كل بريك بعد ذلك و ما تروح الا بخرط الهوب او تبديله

هذا اللي انا اعرفه ....

اذا في خطأ يا شباب صلحو لي ....

و اكيد فيه اشياء كثيره اخرى الشباب ان شاء الله يفيدوك فيها

( انا واحد اخلي التواير تــــــــــروح * نقشتهم بالمطر من كثر التشفيط )

يعطيك العافية

**S.M.A.R.T** · 24-01-2008, 11:59 PM

انا على المثل المشهور <<<<<<<<<<<<<<<< ابعد عن الشر وغنيلو

تحياتي

**امبراطور الاكورد** · 25-01-2008, 10:01 PM

زي ماقالوا الاخوان

**nasa_city** · 25-01-2008, 10:56 PM

انصح بأن تبتعد عن المياة العاليه
وأنصحك انك تبتعد عنها قبل انك تجرب على نفسك وتعلمنا وتكون انت قدوتنا

سيارتك بين يدك لاكن فكر في شي
البي ام دبليو والبانوراما شفناهم طافيين في الامطار لما يدخلو في مياه عاليه
فبلاش تجرب مدى قوة التحمل وتكون سيارتك هي الضحيه
:(

**HONDA The Power of Dreams** · 26-01-2008, 02:51 AM

أنا بأعطيك عن واقع تجربة

مع اكورد مشيت بها في المويه لكن بعمق قليل جداً لكن الحمد لله ماجاها شي

لكن عندي سيارة ثانية مشيت فيها في سيل يمكن ارتفاعه نص متر السياره مشت معي تمام لكن اول ما طفيتها ما اشتغلت الا بعد 4 ساعات لان المويه دخلت على البواجي وراحت فيها

لكن صدقني ماتأثر مره الا اذا كان المستنقع كله تراب وقمايم الله يكرمك .. واذا جاء مطر ثاني بأزيدك معلومات

لكن انصحك تبعد عن المستنقعات ...
لكن وقت الضرورة مامعك الا خير

تقبل مروري