1- وش رايك بالمنظم .. والتنظيم الي صاير..؟
مايحتاج الرجل المناسب في المكان المناسب
2- سؤال يتبادر بالذهن .. بالله عليك كنت متوقع ان التجمع يطلع كذا ويكشف المخفي عن الاعضاءبصراحة لا كنت متوقع كم عضو بس ماشاء الله تفأجأت بكثرة المشرفين ويوم الخميس هوندا وسي في ار .
3- مارائيك بالتجمع بصفه عامه ..؟
والله من اروع التجمعات اللي حضرتها ماتشوفني جيتكم ثلاث مرات .
5- وش المفيد في التجمع .. كونت صداقه .. صلحت سيارتك .. استغليت الفرصه ..
يكفي اننا الموقع الوحيد اللي يسوي تجمعات مثل كذا فهذا بحد ذاته انجاز عظيم ، واكيد الصداقة مطلوبه خاصة مع ناس محترمين واخلاق عاليه الحمدلله الطيب منهم وفيهم
6- وش رايك بتجمع ثاني لمدة 3 ايام .. بس بعد الصيفيه:d .. هل توافقني والا يبيلها جلسه ..
والله اوفقك مايبغالها كلام يامحمد يعني بالله وش عندك في الرياض غير هالكلمة (عوائل) يعني تروح لأي محل لازم تسحب اهل معاك في كل زمان ومكان وإذا طلعت مع الشباب ياكافي يامقهى يادوران والمرور السري وراك ، إذا ذكرت هذ الكلام وغيره اقول يازين التجمع وايامه سوالف ووناسه للصباح ، بصراحة التجمع منفس للشباب سو اللي تبغاه مااحد يقدر يقول لك شيء ، اسبح ، العب بلاستيشن ، العب كورة ، صور ، سولف واضحك وخل ابتسامتك على شفاتك مادام انك في تجمع هوندا ، نظام وستايل غير ، تجمع له معجبينه وله ناسه وحضوره من قبلي اكيد .
7- انت متضايق ان التجمع هذا صار بدون تصوير سيارات .. او ان العالم ماهتمت بالتصوير..
والله بالنسبة للتصوير للسيارات ماكنت مأيده بسبب ضيق المكان وتعرجه فهالمره مااهتميت بالتصوير كثير للسيارات اقصد .
8- اعضاء ماتخيلتهم بالشخصيه هذي.. اذكرهم ..
والله تقريبا اكثر الاعضاء شفتهم من كثر مااجي التجمعات فأسمح لي مااقدر احدد وبالنسبة لشخصياتهم معجبتني مادام انه مسبوقة بإحترام واخلاق وادب .
9- كم عدد الي تعرفت عليهم ... وليه تعرفت عليهم .. >>ناشب ;)
إن شاء الله نقول كلهم ، لأن كل واحد فيه ميزة معينة تميزه عن العضو الاخر ، إما بطريقة كلامه ، او الضحكه اللي ماتفارق وجهه .
10- من العضو الي فاقدينه .:o. واذكر اسمه .;). ولو موجود هالعضو .. بتنشب له ..
كوكو كورد (خيرها بغيرها مالحقنا عليك) ، وبطران 2005 (ماشفته) ، شايل الظبي (ماطولت معنا)
بالنسبة للتجمع من وجهة نظري افضل تجمع حضرته لحد الآن والسبب كثرة الاعضاء وحضروهم من كذا منطقة (مالكم عذر يااهل) يالعضو اللي تشوف الموضوع وتقول ياليت جرب انت مره تجي التجمع صدقني ماراح تلاقي إلا كل احترام وتقدير من الشباب والتعامل الراقي اللي يليق بمقامك السامي ، خل منك الحياء (ليش انت بنت) أو مااعرف احد(تعرف وكون صداقات) أو مشوار(اعضاء جو من جدة وانت اقرب من كذا) أو مشغول( كيف مشغول والتجمع يحضر له قبل بشهر اواكثر نسق وقتك) ، سعة الصدر راح تلاقيها في كل عضور ، الاستمتاع بالوقت وتحول عقرب الساعة إلى عقرب الثواني من قوة الفرفشة والوناسة الزائدة عن المعقول ، كل وسائل الترفيه موجودة حتى البلوت وش تبي اكثر من كذا ، راح تعيش التجمع لحظة ملصقة بثانية ، راح تدخل وانت مذهول من الإستقبال وراح تخرج وانت مخذول(كيف انا فوت علي التجمعات السابقة) .
كلمة واحدة (جرب) واحكم فالتجربة خير برهان على كلامنا ودمتم بخير .
تحياتي اخوكم دحوم .
رد مع اقتباس
مواقع النشر (المفضلة)