الموضوع: :: تقرير تجمع الشرقية الثاني ::

ماشاء الله تبارك الله
أسفت جداً لعدم حضوري، لكن جاء التجمع بوقت غير مناسب أبداً ، بإذن الله أحضر التجمعات القادمة وأغطيها من ناحية التصوير.
جزاكم الله خيراً التجمع رائع والتقرير ممتع، خاصة صاحب التويوتا الذي جعل اسم سيارته يرفرف عالياً بشرف!، وددت لو كنت معكم أثناء هذه الأحداث، كنت صورت معكم :p

ماشاء الله تبارك الله جميع السيارات تقف شامخة، لكن سيارة سليمان الله يحفظها له من كل شر كانت نجمة التجمع

شرفنا الزوار بحضور التجمع وشكراً للأعضاء لاهتمامهم بالحضور، أتمنى أن يكون التجمع القادم أكبر وأفضل.

الف شكر لك على المرور يا مدير
ان شاء الله نشوفك في التجمعات القادمة

وسيارة سلمان فعلاً تستحق لقب نجمة التجمع (الله يحفظها له)

B Unique مشكور على التقرير المممميز

بس ماذكرتني اني جاي ثاني واحد ؟؟؟:d

فهد الشمري (ونعم والله)

العضو اللي كان مسوي لنا قلق في موضوع التجمع . وبدا التجمع وخلص وحنا ما انتبهنا لوجوده
ليييييييييييييييييه الصمت يا فهد ؟ كل هذا حيا ؟



وسامحنا ما كنت ادري انك من اول الحضور
بعدين خلاص سبقك بها عكاشة (قصدي ولد عرب)

:d

B Unique ..
Thank u

Thank u 4 passing

;)

مشكوووور محمد على التقرير الي رفع ضغطي>>>حقووود
ياليتني معكم لكن عاد ابها الشرقيه سامحوني بس والله اتمنى اني معكم
تسلم يا الغالي على التقرير وانشا الله معاكم في التجمعات الجااااايه

العفو طال عمرك

والله ودنا ان الكل يحضرون لكن الظروف والمسافات الله يعين عليها
وان شاء الله تشرفنا بحضورك في التجمعات الجاية

ما شاء الله التجمع روووووووعه

مشكوووووووووووووور يا B Unique على الموضوووووع المتعووب علييييه

اهم شي انكم قضيتوا اوقات حلوه وتعرفتوا على بعضكم كنت اتمنى اني اكون معاكم بس ايش اسوي

ان شاء الله اذا طلعت الشرقية وفي تجمع ان شاء الله اكوون اولكم ونتشرف بمعرفتكم بس خيرها في

غيرها والحمد الله على كل حال

واشكرك مرررررره ثانيه على الموضوع الي متعوب علييه....... الله يعطيكم الصحه والعافية

الله يعافيك ولنا الشرف بحضورك طال عمرك
ان شاء الله نشوفك في التجمعات الجاية

;)

واااااااااااااااااااااااااااااااااااااااااااو تجمع رهيب ماشاء الله

تكفون انا راح اشتري اكورد باذن الله 2008 واذا راح يكون تجمع تكفون عطوني خبر قبل التجمع بكم يوم علشان استعد وجي وياليت يكون تعطوني المكان والوقت بظبط
الي ينظمون التجمع
وياليت بعد تحطون الموضوع مثبت في قسم من الاقسام علشان الكل يشوفه ويعرف
انا الصراحه مادري وشلون طريقتكم في الدعوى للتجمع بس ياليت ترسلون لي على المنتدى قبل التجمع بكم يوم او بكم اسبوع علشان اجي لهناك وياليت بعد واحد من الي ينظمون التجمع يرسلي ويعرفني باسمه علشان اذا جيت انادي بسمه وخليه يستقبلني ويعلمني ويرتبني بعد هههههههه
لاتنسون




طبعنا اغصد التجمعات الي تكون بالشرقيه الخبر او الدمام ولو بعد في فالاحساء لاني من الاحساء كان زين خخخخخخخخخخخخخ


سلام

ولا يهمك اخوي
ان شاء الله قبل ما نسوي اي تجمع بنحط موضوع في قسم المراسلين

زي الموضوع هذا
http://www.hondaarabia.com/club/thread5168.html

وللمعلومية ترانا ما نسوي تجمع حتى نعلن عنه بموضوع قبل الموعد بشهر
والتجمع هذا كان المفروض يكون في العيد لكنا اجلناه لقلة المشاركين ذاك الوقت

وان شاء الله نشوفك بالـ 2008 في التجمع الجاي

;)

ما شاء الله تقرير ولا اروع اخوي B Unique

هذي الجمعات ولا بلاش

ان شاء الله بالتجمع القادم نكون معكم

انت الاروع يا مسافر
وان شاء الله تكون معنا بالتجمع القادم

بصراحة تقرير رائع جدا .


لكن انا بقول لكم فكرة حلوة .


اذا صار تجمع جديد بهذه القوة , أنا رأح أسوي لكل سيارة من السيارات المشاركة استيكر مجاني ينحط على الزجاج الخلفي .

راح يكون الاستيكر بتصميم جديد لكل مسيرة , وبعد اعتماده من الاخوة الإداريين باذن الله راح نركبه لكل سيارة مجانا كمشاركة منا في ماتركس لهذا المنتدى العزيز .


أحس بالأسف لعدم تمكني من مشاركتكم هذا التجمع الرائع , وأسأل الله أن يوفقني لمشاركتكم في أوقات أخرى .

لكم مني كل المحبة والتقدير .


أحمد

دائماً تحرجنا بطيبتك اخوي احمد
اشكرك على المبادرة وتسعدنا مشاركتك في التجمعات القادمة

انت اللحين منا وفينا

فتنة تلك التجمعات
تقرير اثار لدي عالم الفضول والدهشة المباغتة ، تسلل الى ذاكرتي بصخبه وبركانه وزلزاله ،

توقفت هنا وهناك كي التقط انفاسي من لهيب الصور والجمل ، وتلك الروعة التناثرة بين

وريقات الكلام .

عذوبة ترتسم على المحيا ، تهتف بصوت ملائكي وتنهيدة ساكنة بين الضلوع .

اماني محلقة في السماء بين الغيوم ، تنشد عن السفوح والجبال .

قمة في العطاء والتجدد .

التقرير نثر كل احاسيسي ، كيف التقطها الآن ؟

صور اسكنت عيني

وهام على ضفاف قلبي

فاشرق مع الشمس بنور آخر

لا ادركه .

لان التقرير سرقني دون ادري

تحياتي لك أخي محمد

فعلا تستحق دون جدال

أن تكون

نائب المدير

شكرا

الله عليك يا خلود
والله العظيم ما عاد ادري وشلون ارد عليك

صح لسانك وتسلم يمينك على الرد



والله يعيد الايام اللي قضيناها سوا

ياسلااام عليك ياشويش فريد

صراحه تقرير ممتاز

ذاك اليوم مابقى احد الا ويفتر على الهوندات ويصور

ومقاطع الفيديو كيف اخذها منك ؟؟؟

اقتباس:

وغير كذا عندي عتاب لبعض لاعضاء الجدد اللي شرفونا بحضورهم . بصراحة اشكرهم على الحضور ويعلم الله اني كنت سعيد بشوفتهم لكن المشكلة انهم كانوا هاديييييييين ومستحين بشكل قاتل . وما كانوا معنا في الجو مرررررررره . ابيكم تعرفون ان الهدف من تجمعاتنا هو تجمع اعضاء وتعارف ماهو تجمع سيارات وتصوير . وترى كل الاعضاء اللي شفتونا نمون عليهم ونضحك معهم ما قابلناهم الا في التجمعات . والصداقة والاخوة اللي بيننا اللحين كانت نتيجة التجمعات السابقة


بعد العتاب نرجع لتجمعنا
وان شاء الله تكونون فهمتوا مقصدي

ان شاء الله ماتقصدني بهالمقطع

ودمتم اصحاب هوندا

مشكور على الرد يا ولد النمر
والحمدلله ان التقرير كان بالمستوى المطلوب

بالنسبة للفيديو ان شاء الله بأضيفه في الموضوع بس عطني فرصة اتفرغ له

واكيد ما كنت اقصدك بكلامي لانك ما شاء الله دخلت في الاعضاء عرض وحسيت انك تعرفهم من زمان
اهنيك على روحك الرياضية ولا تنسى انك صاحب اقتراح المسيرة

;)

لكن اعتبرها عنصريه سيارتي مالها لقطات واضحه >> بس وحده

معليش يا ولد النمر لكن منت لحالك

السلام عليكم ورحمة وبركاته

الصرااااااااااحة تجمعكم رووووووووووووووعة ياحقون الشرقية عدد ماشاء الله وتصوير روعة الصراحة

الله يوفقكم كمان وكمان وغقبالنا احنا حقون جدة في التجمع الثاني نرتقي ونكون مثلكم

منظم تجمع جدة الأول
كــــــــــافو2

وعليكم السلام ورحمة الله وبركاته

مشكور على الرد اخوي كافو ومجهودك في تجمع جدة الاول كان واضح ما شاء الله عليك
اهنيك على نجاح تجمعكم وان شاء الله نشوف منكم اكثر في التجمعات القادمة

السلام عليكم
أخي العزيز B unique
ماشالله عليك...تقرير جدا جدا رائع وكنت على انتظار

لكن والله انقهرت من البزر راعي التويوتا...والله انا مكلمه كان مامسكت اعصابي وسببت مشكلة كبيرة:d

تجمع جدا بطل صراحة... وانا اعتذر وبشدة عن عدم الحضور:( بسبب ظروف عائلية طارئة.
تحياتي

تسلم لي اخوي يحيى
ومعذور على عدم الحضور

الحمدلله نجح التجمع غصب عن خشم راعي التويوتا
وما نقول غير الله يهديه ويكبر عقله شوي

شكررررررررررررررررا فريد باشا <حينما يكون للتميز والابداع عنوان؟

العفو يا منصور

وعندما يكون للاخلاق قمة .. فهذا انت طال عمرك

والله أنكم مقلعين من جد ؛؛؛



بأذن الله التجمع الجاي بأكون أول واحد هناك ::

شكراً

:d

وان شاء الله تكون معنا

التجمع القادم في الكويت من يوافقني
انتظر موافقتكم عالخاص

تعرف ردي يابو عزوز

;)

تقرير متعــوب علــيه



واللي زينها عدد الاعضاء كان حلو



تسلم يمينك يامحمد وان شاء الله التجمعات الجاية نكون معاكم

تسلم يمينك اللي كتبت الرد
وان شاء الله نشوفك في التجمعات الجاية

اللهـ اللهـ اقفـ عاجزا ضعيفا امامـ هذهـ الكلماتـ >> اقالي بقلدك


الصراحة عندي بطاقتين شكر الاولى :

جميع كلمات الشكر والعرفان تقف عاجزة امام من اكرمنا ورحب بنا وتحمل من لا يتحملون معنا :p

اخونا محمد البيشي


والمفروض تعطون ابعد واحد جا للتجمع درع او اي شي مو مشكله ;) تشجيعا له .....



الثانية :

لاخونا ابو عزوز.. لانه رغم التعب اللي فيه ما نام ولا دقية لين وصلنا بيته لا ويوم نزلته لبيتهم كان على اتصال معي لين ما وصلت بيتنا فله مني جزيل الشكر:p


>>>>>>>>>>>>> اشوا انه نايم من يوم طلعنا من الرياض لا يوم وقفت اخذ قهوة اقوله تبي يقول لا اخاف يطير النوم... يعني ناوي النوم ومخلص

واي محاولة جحد او تكذيب لي ترا الصورة موجودة ;)



يالله على العموم لي رجعة للموضوع للرد على بعض الاتهامات << شكله ما وده يخلص ذا


مع السلاااااااااااااااااامة

تستاهلون يا عبود
انتوا اهل الكرم وقد سبقتوني به

ما انسى الايام اللي قضيتها معكم وعسى الله يعيدها من ايام حلوة



واللحين هذا ابو عزوز اللي يعلمنا بالمرجلة
امممممممممممحق !!

:p

الحمد لله ... B Unique كان متعقد مني من هالشغلة ... :p
والحمد لله انقلت العدوى نهائياً مني لأبو عزوز .... اللهم ربي لك الحمد والشكر ...

بس هذا ما يعطيك الحق انك ترقد مرة ثانية !!

تسلم يدينك على التقرير الرائع
والله كان ودي اجي بس الظرووووووف
ان شاءلله انكم استانستو بس الي قهرني راعي الأف جي الله*****
.
.
.
.
وان شاءالله نشوفكم بتجمعات ثانيه

الله يسلمك اخوي
ولا تشيل هم راعي الاف جي .. لانه ما يستاهل !!

;)

وشكر خاص لأخوي محمد B unique على كتابته التقرير والمفروض يكون انا اللي كتبته بما إني كنت المنظم لكن ما قصر تحملني وكتب عني لأن عندي شويت إختبارات ومثل مانتو عارفين آخر ترم ولازم اشد حيلي

ان شاء الله يكون التقرير بالمستوى المطلوب
ومشكور على تنسيق التجمع الناجح



شد حيلك وبالتوفيق ان شاء الله في اختباراتك يا كدش (سابقاً)

:d

بسم الله
الصراحه التجمع كان رهيب وممتع وقوي جداً
من أقوى التجمعات الي صارت ...ناجح بكل المقاييس من ناحية الترتيب والتنظيم والحضور
فيسرني ان اقدم الشكر للحضور اللي كان رائع جدا ومتعاون
و نشكر الحكومة على بذل ما بوسعها لانجاح التجمع << .

و بحمد لله تمت تغطية التجمع من قبل مشرفنا العزيز بنجاح حيث قام بتصوير كل السيارات والدبابات :p ..

و باذن الله راح نشوف تجمعات جاية ناجحه ,, و تكون افضل من كذا ,,

لحووووووووووووووووووووووول
يعني طقم باركر لازم يجون مع بعض دائماً

الوافي + م م و

:p

ان شاء الله تكون اعجبتك التغطية والدبابات
والقادم مذهل اكثر بإذن الله

بسم الله الرحمن الرحيم

والله يا شباب الي يقرا التقرير

ولا حضر التجمع يتمنى انه حاظر لو بأقسى الظررف

لكن الواحد وش يسوي

واشكر بي يونيك على التقرير الأكثر من رائع

اااااه والله اني تمنيت اني حاظر التجمع

لكن الواحد خلاص وش يسوي

((مد رجولك على قد لحافك)) <<<مضيع

لكن بإذن الله التجمعات القادمه بكون من اول الحاظرين

بـــس التقرير ناقصه

مقـــطع فديو

يطلع اوكيييييك

تحياتـــي...

كلن معذور بظروفه يا عاشق
وان شاء الله تكون معنا في التجمعات الجاية

والفيديو ان شاء الله بأضيفه بس خلني اتفرغ له

;)

يعطيك العآفيـه على هالتقرير الرائع .. صراحه سردك لـ التجمع في قمـة الروعه ..

ماشاء الله عليك ..

الله يسلمك انت الاروع
وان شاء الله يكون نال اعجابك

يعيطك العافيه أخو محمد البيشي وماقصرت على التقرير

تشرفت معرفة الأعضاء و كانت ليلة رائعة بكل ماتعنيها الكلمه من معنى

بالعربي

أنبسطت صحيح ماشاركت كثير بلاكلام مع الأعضاء (تدرون أول تجمع)
واتوقع محمد يقصدني في الملاحظ اللي ذكرها بالتقرير:d

شكر خاص لاخوي محمد للميزات اللي قالها لي بسيارتي والشكر واصل لكوكو كورد هو اللي جاب لي محمد

يعطيكم العافيه جميعا وماقصرتوا
وإن شاء الله نتقابل في تجمعات قادمه.

الله يعافيك يا راعي الهوندا
ولنا الشرف بمعرفتك طال عمرك

واتمنى كلامي ما كان جارح لك او لغيرك
بس حبيت اكون صريح معكم بما اننا اخوان

نشوفك على خير

بصراحة تقرير ولا اروع
والتجمع بصراحة حـلو حـيييييل

يسلموا عـلى المجهود الرائع

الله يسلمك ومشكور على مرورك الكريم