الموضوع: تجمعات الرياض الأسبوعية

^^
تعرف جامعه الامير سلطان ؟؟

اذا صرت هناك دق على محمد بن عبدالعزيز

وحيااك الله

المشاركة الأصلية كتبت بواسطة Honda*2008

ما اعرف شي

يعني يبيلك توصف لي من الشفااا

ما ادل شي

شووف يابعدي

تمسك الدايري او طريق الملك فهد لييييين توصل طريق الملك عبدالله

اذا جاي من الملك فهد كل وجهك كانك رايح للاستاذ وتقريبا بعد 4 كيلو او اكثر شوي بتحصل سور كبير فيه اوادم يمشون

ادخل من بعده يمين وسيد اول اشاره تعداها يجيك حرف T لف يمين وعاد هم هناك ان شاء الله

اذا جاي من الدائري

اطلع مخرج 10 وخل وجهك كانك رايح للعليا والعيال امش طبلون لين تحصل السور الي تكلمنا فيه فوق :d

إن شاء الله الخميس القادم ;)

وإن شاء الله نتشرف بمعرفتك

المشاركة الأصلية كتبت بواسطة عطر الحكي

ماشاء الله مشرف الاكورد


ومشرف في قسم التجمعات:d




على العموم بنتظار المشرف العزيز محمد بن عبدالعزيز

:d عادي مو مشكلة اصير إلي تبيه

اهم شيء نتجمع

وين فيه طيب ؟ :o

والشرف لي يابعدي :o

ننتظر المنسق :d << ومير يكشت به

^^^
كل الطرق تؤدي الى روما و روما قريبه لم الثمامه :d

نقول ان شاء الله الخميس نجتمع
في
الثمامه
او
التقنية
او
مخطط مركز الملك فهد الثقافي
او
العدد يحكم يكون فيه تجمع او لا
..

اصوت للثمامة لأن الأجواء جدا ً ممتازة

^^

تابع الموضوع طال عمرك

إذا كانت الثمامة بعيده على بعض عيال النيدو << قديييييم :d

نخليها مركز الملك فهد الثقافي مو مشكلة اهم شيء نتجمع ولو عدد بسيط !

^^ الثمامة ( وصخة ) تعرف وش يعني ( وصخة ) ..! او باالاحرى مكب نفايات !! ويمكن بعد نسميها المكان اللي صار اغلبة اسوار او عقم ..!

قاعد على قواطي .. ولا بقايا فحم ولا بقايا رز ..! غير قوارير مشروبات التفاح << غير الجمس اللي مطلع معة كيلو لحم << غير السيجار الكوبي والثمامة تتميز بهذة الاشياء المقززة بصراحة ..

نبي مكان نظيف وراقي نجتمع فية .. نبي نحس اننا متميزين عن باقي الناس اللي ما تعرف الا الثمامة ويتركون وصاختهم وراهم ويرجعون من المرة الجاية بنفس المكان ...

غير تفكيركـ .. يتغير مجرى حياتكـ .. غير الثمامة .. واستمتع بأم دكة ، واستمع بالخرارة ، واستمتع بالعالم النظيف ..

^^^
من الي بيجيك بالخراره والا بام دكه والا بنساح

الاماكن هذيك قريبه لم اهل الجنوب ومافيه من اهل الجنوب الا اشخاص على عدد الاصابع

والثمامه فيها امكان زي ماتفضلت وفيه اماكن نظيفه

صحيح ان السياره هي الي بتمشي ومافيه احد بيجي على رجليه .. بس يبقى ان العجز مسيطر

اليوم اثنين وعلى الثلاثاء ان شاء الله نبدا نقرر وين نحط
بس نشوف الشباب وش يبون على اي مكان

(لازم تبعد عن المدينه علشان يطلع لك جو كويس)

التقنيه - الثمامه - طريق التخصصي بزاوية جامعة الامام

[center]

المشاركة الأصلية كتبت بواسطة محمد بن عبد العزيز

^^^
من الي بيجيك بالخراره والا بام دكه والا بنساح

الاماكن هذيك قريبه لم اهل الجنوب ومافيه من اهل الجنوب الا اشخاص على عدد الاصابع

لكي تكون عظيماً لابد ان يساء فهمكـ

موب قصدي خل نروح الخرارة ولا ام دكة .. الله اكبر يالمواتر اللي بتوصلنا هناكـ ..
قصدي الثمامة شي تالف وخلوة لأهلة ..

فية مكان خوقاااقي جداً ... عند سد وادي حنيفة فية جلسات رايقة وانارة والمكان محد يجية ... <<< .. اذا صرت فاضي بروح وياك عشان نستكشف المكان ..

^^^ أثر مشكلة الموقع يطلع Error عندك بعد ياجوزيف >> احسب عندي بس >> يالله زين الموت مع الجماعة رحمة

وش سالفة حجز الناصريه >> نفر ملقوف