تجمعات الرياض الأسبوعية

**ـبطرانـ2005ــ** · 15-03-2008, 08:57 PM

السلام عليكم

اي تجمع واي تنسيق بدون التحليه ماله طعم

ولا يهينون الباقين

Honda<<<نورت الموضوع مبطين عن دخلاتك المميزه

على العموم في انتظار منسق التجمع

التحليه
.
.
.

**شايل الظبي** · 16-03-2008, 03:26 PM

والله وانا اضم صوتي الصوت بطران 2005

**S.M.A.R.T** · 16-03-2008, 03:38 PM

تكفى يالتحليه لا تتأخر علينا في انتظارك يالغالي

امير

**أبان الطباع** · 16-03-2008, 03:49 PM

خلال الأسبوع القادم إن لم يأتي سنجد بديل له بإذن الله في منطقة الرياض وآخر لمنطقة الدمام..

**محمد بن عبد العزيز** · 17-03-2008, 01:49 PM

السلام عليكم

كيفكم ياشباب

انا ابخش بالموضوع دايركت
it's me موجود بس مخاوي ـهوسبتلـ:(

اعتذر عن انقطاعي:o

ولظروف صحيه ولتغيرات الجو انتو عارفين الجو ياهل الرياض

وقريبا سنوافيكم بمفاجأة تسركم وكل جديد يمتعكم

اعتذر مره اخرى

ورجائي الخاص
الي يبي يسال عني او يتطمن علي او ينتظرني
يراسلني على الخاص او الايميل :o

ونبدا معاكم بدايه كويسه

حاليا عندي خارج دوام وممكن ماستعديت لكم زين ;)

التجمع راح يكون في نفس المكان الي تجمعنا فيه

وشوينا فيه:p

بس الي بيفرق

انه بدون شوي وبدون اي تكليف وبدون اي احراج

المكان :مخرج 8
الزمان : يوم الاربعاء وفي وقتها راح نحدد يوم الخميس وين بيكون >>نيه كويسه
التكاليف : انا ابجيب معي الفرشات كلها عددها 4 وفيه واحد انا موصيه بيجيب فرشتين احتياط

الشاهي والقهوه والمعجات امرها سهل ولاحد يشيل شي من راسه

انا الي احدد لكم (قصدي هالمره مانبي اكل زياده واسراف في النعمه)

الشاهي بيجيبه العضو الفلاني>>>دون ذكر اسمه
والقهوه بييبها العضو الكويس>>>دون ذكر name
والمعجات فيه واحد بطل بيجيبها

وعندي كم موضوع بنتناقش فيه لما نشوفكم بس ذكروني

الوقت : بعد صلاة العشا

الاكل بيكون والعشى بيكون من قطة الشخص

لاتجيب الا فلوس عشااااااااااك

فلوس وجبتك وفلوس اكلك

ولو نجي للجد ماراح تاكلون الا المعجات والساعه11 بتطلبون عشاكم

واي خدمه انا موجود ولكن سيقل دخول الى المنتدى بحكم ضغط العمل

جوالي سأضعه هنا ياتلحق ياماتلحق

(**********)
(انتهى التجمع وتم حذف الرقم)
محمد بن عبدالعزيز

ممكن تشرفنا بطلتك الحلوه

كلمة اخيره بس ابي ااكد عليكم

التجمع يوم الاربعاء بعد صلاة العشاء
مخرج 8 (طريق الدمام تاخذر مخرج خالد بن الوليد وتطلع يسار وتروح سيده بتحصل الشباب مودجودين على اليمين)
الاربعاء يوافق 11/3/1429هـ
بالميلادي يوافق 19/3/2008م
واشم ريحة يوم الخميس بيكون فيه تجمع....:d

**S T ! N G** · 17-03-2008, 01:59 PM

^^^
يا كويس

وما تشوف شر يا دوب:d

خلاص الاربعاء تمام

**أبو الريش** · 17-03-2008, 02:14 PM

تمام

**المـــــلكـ اكـــــورد** · 17-03-2008, 02:15 PM

ماتشوف شر يامحمد
وان شاء الله على الوعد

**B Useful** · 17-03-2008, 03:22 PM

Done

I'll be there

**606** · 17-03-2008, 09:24 PM

اوكيه تم سجل عندك 606
ننتظر البقيه،،،،

**أبو عــزوز ..** · 17-03-2008, 10:21 PM

يوم الأربعاء .. صعبة استأذن من الدوام .. وخصوصاً الأربعاء الماضي مستأذن ..

لكن خبروني عن يوم الخميس .. ندز لكم ..

**الـمـسـافـر** · 17-03-2008, 10:35 PM

الاربعاء ما فيه مشكله بس حضوري متاخر عشان الدوام اطلع 9

**عـبـادي عـاشـق هـنـادي** · 17-03-2008, 11:00 PM

ان شاء الله خير

وماتشووف شر يامحمد

**B free** · 18-03-2008, 01:02 AM

ولكم باك ولكم باك <-- أقول أخلص بس

اُوكي سجل واحد ACCORD i-VTEC + واحد نفر صديق مال أنا <-- يعرفه التحلية

.. وإن شاء الله نحن في إنتضـار الـشباب ..

**Black Accord 2008** · 18-03-2008, 02:14 AM

هلا بالطيب الغالي حبيب وشوفتك منوه --->>اهداء لكل أعضاء المنتدى -- وخصوصاً التحلية

بسسسس
بسسس
بسس
بس

الأربعاء

... ليه مو خميس

لأن الأربعاء هذا مشكوك في أمره ..

عالعموم على خير ان شاء الله ..

بحاول ...اذا مامداني .. اعذروني .. وعلمونا عالخميس ..

تحياتي

**نواف11** · 18-03-2008, 02:54 AM

السلام عليكم

كيفكم شباب

انا عضو جديد واعجبتوني والله وان كان ماعندكم مانع ابي اشارك معكم في يوم الاربعاء :o

**B Useful** · 18-03-2008, 03:02 AM

^^^ يا الف اهلا و سهلا ومرحبا فيك ^^^

ماعندنا اي مانع .. الله يحيك ..

**اكورداوي2008** · 18-03-2008, 03:07 AM

اسلام عليكم
ماعندكم مشاكل لاربعاء والخمس تم :d

**شايل الظبي** · 18-03-2008, 11:02 AM

تسلم يالغالي حبيب قلبي والله ACCORD2002
أوكييييييييييييييييييييييييييييه اون ذا OK
سجل معكم ابوخالد احم قصدي ACCORD/2005
يوم الاربعاء مناسب
بس ابجيكم ان شالله من بعد الساعه 9 اول ماطلع من الاكاديميه عندكم
بذن الله

**Z U H A I R** · 18-03-2008, 12:01 PM

الشـرقيـة

بصراحة ما تحمسـون

< داخل عرض

**m6no5** · 18-03-2008, 12:52 PM

واهل الرياض ان شاء الله قدها

واهل الشرقيه ان شاء الله يسوون تجمع ويتحمسون مثل الرياض

ونتمنى اهل جده يشاركونا تجمعاتهم

**ـبطرانـ2005ــ** · 18-03-2008, 03:13 PM

انا أذا امكن تشرفت بالحظور معكم واذا ما امكن لم يمكن <<هههههههههههههههههههه

والسلام خير الختام

**أبان الطباع** · 18-03-2008, 04:06 PM

ربما أتمكن من الحضور لتجمع الرياض

**S.M.A.R.T** · 18-03-2008, 05:15 PM

طبعا انا مسافر ان شاء الله بكرا لكن لا مانع من المرور على الاحبه لالقاء التحية

ودمتم ساااااااااالمين

تحياتي أمير الهنادي

**المـــــلكـ اكـــــورد** · 19-03-2008, 12:50 AM

مرحبا بك مؤسسنا
تو مانورت الرياض :d
هههههه
في انتظاركم ...

مشاهدة نتائج الإستطلاع: برأيك أحسن مكان للتجمع الاسبوعي (لاتصوت الا اذا كنت بتحضر )

الموضوع: تجمعات الرياض الأسبوعية

أدوات الموضوع

عرض

المواضيع المتشابهه

تجمعات المنطقة الشرقية الأسبوعية

تجمعات القطيف الأسبوعية

تجمعات القصيم الأسبوعية

تجمعات المدينة المنورة الأسبوعية

سؤال استفسار عن تجمعات الرياض

مواقع النشر (المفضلة)

مواقع النشر (المفضلة)

ضوابط المشاركة