الموضوع: تجمعات الرياض الأسبوعية

المشاركة الأصلية كتبت بواسطة كوكو كورد

يلة شبااااااااب ،، العشا هالمرة فول وبيض ،،

مبطى ماشفتكم ،، نصحية ،، اذا احد بيروح الجزيرة لا يروح مع احد مامعة تصريح وجاي على سيارة ابوة !!! عشان لا ينلطع 13 ساعة يحتري واسطة ولا راح الجزيرة ،،،

باقي السالفة والتفاصيل في التجمع ان شاء الله

خلك يامصمص عشان تعرف مره ثانيه من تروح معه للجزيرة خيييييييخ خيييييييخ مانفهم كورة اجل << مالها دخل

المهم وش وضعكم في الويكند هذا
بانتظاااااار المنسق

^^^^^^^
ايش رايكم روضة خريم --- ولا الصمان <<< هع

خلونا على روضة خريم :d

يالله حددو من بدري

والله نفسي اطلع للبر الجو صار روعه وودي اسوي chilling out

نبي مشاركة الشباب .. اذا ودهم يطلعون والا طلعت انا للديره

الدعوه مب تسحيب اذا جاء يوم الاربعاء قالو يالله مشينا ..
الامور لازم تمشي من بدري ..
اذا مافيه اي اهتمام ممكن نأجلها الاسبوع الجاي

نقول ان شاء الله

فرج الله قريب

^^^^^^

كيف التمشي على الجسر:p

اخر رواقه:d

^^^^

الأسبوووووووع الجاااااااي .. بليز

عندي اختبار الخميس والسبت

اذا بتروحون أنصحكم تروحون التنهات

كنت فيها الاسبوع اللي راح ومنتازة

لو تروحون بأكورداتكم بتمشي عادي بس أهم شي لا تطمعون في مكان داخل :p

للي قد راحوا لها خلوكم ملازمين الشبك :d الين ما تلقون مكان يصلح لكم

بس اذا كنتوا بتجلسون الى الليل عندكم حالتين :

يا إنكم تطفون الأنوار كللللللللها أو إنكم تسرون لبيوتكم :d

لأن الحشرات هناك مزعجة في الليل


ورحلة سعيدة

أو فيه كان كويس وما فيه ولا تغريزة وحلو

على طريق التنهات للي يعرفونه

بعد الدوار الثاني ( الأخير ) قبل ما توصل البوابة اللي تجبرك تروح يمين للتنهات

بتكون فيه زي المحلات تبيع ماء فحم ...الخ

ادخلوا معها يمين يعني بتكونون وراها وامشوا الين ما تلقون لكم مكان حلو

انا ما رحت له بس أشوف الناس يكشتون فيه على طريقنا للتنهات

المكان ربيع وحلو بس اشوف الربع يرعون فيه إبلهم >> أحسن لكم يعطونكم حليب :d

8
8
8
كل الكلام اللي فوق في حالة انكم ما معكم موتر مرتفع أو بالمعنى الأعم موتر كبير:d

مع العلم اني ما أقدر أطلع :p بسبب الPY


رحلة سعيدة

فيه أماكن قريبة

مثلا طريق العاذرية

وقفوا سياراتكم جنب الخط وانزلوا رجليه الله لا يهينكم :d

وفيه مكان يقال له رشوش

وات رايح للثمامة عن طريق الدوارات

ثالث دوار روح يسار بيجيك مطعم غوزي امش الين تجيك محطة على يسارك ادخل يمين

بس فيه تغاريز حبة شوية لو تروق وتدور مكان تدخل معه المواتر الصغيرة بتلقى

وفيه مكان يقال له الزويليات

هذا وانت رايح للخرج أول ما تعدى نقطة التفتيش أول لفة عاليمين روح معها بيجيك سور طويل ( مزرعة دواجن )

اذا انتهى السور شوف اي مكان يصلح لك وواجلس :d


هذي تقريبا الأماكن القريبة اللي أعرفها وأطلع لها مع ربعي اذا كنا ما نطول



نسيت وحدة بس ما قد جلسنا فيها :d

فيه مكان والله اني مدري وينه بالضبط بس هو تقريبا داخل المطار

يمكن احد منكم يعرفه بس مشكلته انه يمكن تلقونه كله عوايل :d

تصير فيه استعراضات دبابات ومهجولين :p

بس ما انصحكم به

شباب اذا الطلعه من الصباح انا اعتذر <<< ياشيخ تراها واقفه عليك
وننتظر وش تتفقوا عليه يامجلس الأمه قصدي يامجلس منتدى هوندا خييييييييخ خيييييييييييييخ

أنا شايف مافي أحد يحمس

أخوي JoLmooD ايش فيك ترد بالتقصيد
أشوفك كل دقيقه تحط رد:(

ايه صح
ربيع لونه بيج بعد
وترا ماحد يدري عنه ولا فيه زحمه ولا ازعاج
شرايكم؟؟؟؟

^^^^^^^^^^^
ياصاحبي مااااااحولك احد ننتظر الردود باقي يومين على الخميس
اهم شي الاخلاق وحب الوطن والفله وسعة الصدر

شفت الموضوع مر عليه 24 ساعه ومااحد رد فيه:d

قلت خلني احط رد

وعلى طاري الطلعة انا عندي لكم مكان رايح يعجبكم
بس كل واحد يجيب الشورت معه والسناره:p

^^^^^^^^^^^^
لايكون بس بتودينا وادي نمار وانا مادري
خيييييييييخ خييييييييييييييييخ
بانتظار الرحله طال عمرك