الموضوع: تجمعات الرياض الأسبوعية

^^^^^^^^^^
وهل يخفى القمر <<مالها دخل
ترى يمكن اجيب من برى معي 2 او 3
يمكن يعرفهم محمد بن عبدالعزيز;)

المشاركة الأصلية كتبت بواسطة محمد بن عبد العزيز

لاتغمز لي :p

انا ماعرف احد .. واللي اعرفهم تراهم معزومين يوم الخميس :p

وشغل الواسطات مب عندنا انت الي بتكي بالقروب مب هم
انت الي معنا بالمنتدى مب هم
انت الي نعرفك هنا مب هم

فـ نصحية مني لك
تعال لحالك افضل لك
لو بتجي معاك شخص او شخصين وانت ناوي ع الثالث
بتسولفون وتسحبون على الاعضاء ولا كانكم جايين تتعرفون او تستفيدون

.....

بقية الاعضاء

اللي بيجي حياه الله الي مب جاي الله يسهل دربه

شغلة التغلي والتميلح والتسحيب ترا ماتحرك ساكن
بس راح يقل تقديرك عندنا
مثال: واحد كان غاثني باتصاله وكل شوي وين مكانكم وين محلكم وخذ ياتوصيف وفي الاخير يشطف ويناظر ويدق بوري..عرفت انه هو الي تو اتصل علي دقيت عليه قال ابرجع لك طبعا(جاي مع مجموعه اشخاص) فـ الي معه شافو العدد كبير هونو .. ومن بعدها ماتصل .. وماطقينا له خبر صحيح انه اشغلني باتصاله بس الحمد الله ماتعرفت عليه
(لها الدرجه كل الي بالسياره يستحون مع انهم اكثر من 3 )

مثال : 2 من الشباب ماشاء الله عليهم حياويين
معاهم سيفك من الموديلات الحديثه جلسو بجمب بعض انت فلان ايه انا فلان حياك انا فلان الي بالموقع وحياك وسواليف وسواليف وساحبين على الشعب
وبالاخير قامو مع بعض وراحو لسيارتهم ويتفحصون هذا عنده كذا وهذاك عنده كذا وبعدها رجعو وقريبين من الجلسه
واحد يقول للثاني وش رايك اقول لهم انا ابمشي ابروح لاهلي اجيبهم
وانت قل لهم انك مشغول ونروح نتقابل باخر الشارع ونتكي مع بعض
القهر والغبنه انهم بجمب الجلسه يعني نسمعهم
(وش المهزله ذي لها الدرجه ماعجبهم الوضع يعني يبون الوضع كله سكوت والا نوقف بجمب سياراتنا)

برضو اقول الحمد الله ماطورت علاقتي معهم

.........

علشان كذا الي بيستحي والا شغل من تحت التحت مانبي

الحمد الله جلستنا مافيها اي خراب
نظامنا
اللي يدخن يقوم من الجلسه
مافيه احد يجي ويرفع على صوت المسجل بلا اغاني بلا بطيخ
ماعندنا اشخاص نفسيات

قروب الرياض افتخر اني تعرفت عليهم
والحمد الله سافرنا معهم داخل المملكه وخارجها
عشنا مع بعض .. ساعدنا بعض .. كلنا يد واحده
الله لا يفرق بينا
تبي تنظم للقروب اكسر الحيا
تبي تخش مع القروب خليك واثق من نفسك

وراح يتضح الامر من الي يردون
بيجي او لا .. وبعدها ماراح يصير له اي اهتمام :p

قروب الرياض
عددهم (30 شخص)
فيهم الخير والبركه

واترك بصمتك بالتجمع

اعصابك ياكابتن من مضيقك اطقه
يلعن ام القهر الخميس عندك ولا يضيق خلقك
وسجل انشالله باذن الواحد الاحد 31 ولا يهمك