قصة اختياري للهوندا (أول موضوع رحبوا بي)

[أبوراكان الهنداوي]

السلام عليكم ورحمة الله وبركاته وبعد

يسعدني الانضمام لنادي ومنتدى محبي هوندا في العالم العربي وبالأخص بلدي المملكة العربية السعودية وبالأخص الرياض لأستفيد وأفيد في هذا المنتدى الرائع فكرة وتصميما وقبل ذلك أعضاء

أنا أبوراكان الهنداوي من سكان الرياض وبالتحديد شمال الرياض

سيارتي هوندا أكورد موديل 99 الفئة نص فل Ex يعني اوتوماتيك وفتحة بس بدون جنوط والمراتب مخمل

حينما أعود بذاكرتي للوراء وقصة اختياري للهوندا أستشعر ذكريات جميلة عشتها في بداية تخرجي وبحثي عن سيارة الحلال :o

ولقد حلمت فترة باقتناء لكزس es300 خصوصا حينما نزل عليها عرض وكان سعرها 85 ألف فقط لموديل 99 وهو اول موديل نزل منها وكانت حركة تسويقية من عبداللطيف جميل وهجم الناس على فروع تويوتا لكزس لشرائها لكنهم ذلونا بسالفة الحجز ودفع العربون ثم الانتظار الطويل :(

وقلت عربون ندفع أهم شي افتك من الغمارتين الي سبب لي ارتجاج في المخ ودفعت لهم شيك بخمسة آلاف ريال في تويوتا لكزس المروج وانتظر وانتظر . . . وانتظر !! ولكن ..

وذات يوم جميل اتصل عمي وكنا نبحث عن سيارات في وقت واحد وقال انه جرب الهوندا موديل 98 حقت خويه وانها ممتازة وقال خلنا نروح لوكالة هوندا نشوفها ، وفعلا ذهبنا لوكالة هوندا في شارع العليا ( المقر القديم والذي أصبح الان سوبر ماركت السنبلة ) وتوكل على الله واشترى عمي وكان يوم سبت وأنا حضرت المال المطلوب (71200) ريال ومريت عمي يوم الاثنين ورحنا سوا لوكالة وهو اخذ سيارته الجديدة وأنا اشتريت سيارتي ولكنها ما طلعت بعد يومين زي عمي لكنها تأخرت واتصلوا علي الوكالة وأبلغوني بالتأخير وسألتهم بغضب لييييييش ؟؟؟ فقالوا : رح سدد قسايمك يا حبيبي بعدين تعال

وفعلا ذهبت لتسديد القسيمة التي وقفت بحلقي وكانت واحدة فقط ولم أستلم سيارتي إلا يوم الأحد وأثناء استلامي لها شاهدت موديلات 2000 توها مصفوفة داخل المعرض وشاهدت السيارة التي من نفس فئة سيارتي وقد نزل فيها مثبت سرعة وانقهرت بس معليش مالك الا المكتوب يا ولد ..

والحمدلله السيارة الان ماشية وأمورها زينة ماعدا بعض الملاحظات والتي سأتطرق لها في موضوعي التالي إن شاءالله وساجعله في صفحة المشاكل الفنية للاستفادة من خبرات الاخوان هناك ..

وكل عام وأنتم بخير

[Classic Design]

حياك الله وبياك بين أهلك و أخوانك

إلا العربون حق اللكزس وش صار عليه

[محجوب]

قصة حلوة وزين اللي توفقت وشريت هوندا ...... خليتني ألحين أتذكر قصة شرائي لسيارتي ....... يا محلا الذكريات

على العموم الله يعطيك خيرها ويكفيك شرها <<<< بدري والله:d ....... وحياك معانا في منتدى نادي محبي الهوندا ;)

[zeyad]

لو اني مكانك كان ماطرالي افوت لكزس واروح ل هوندا

موضوعك احس فيه غبار وذكريات لا تنسى مشكور اخوي على الموضوع

انا قصتي في اختيار الهوندا حطيتها في موضوع بس انا غيير انا تبهذلت مع الكامري وقلت ابي افتك
وشريت الهوندا تصبيره ولا انا كنت خلاص صامل ابي لكزس وسمعت ان لكزس فيها عيوب مصنعيه
قلت انا الحين مطفشان من عيوبي اورح اشتري لي موتر بهاذا السعر وفيه عيوب الى اروح لهوندا ومافيها ولا عيب صادفني

[أبوراكان الهنداوي]

الأخ كلاسك ديزاين

أشكر لك تفاعلك ومرورك وأما عربون الكزس رجعت وسحبته بعد ما طلعت الهوندا وجلس الموظف يحاول معي ويقردني بس جحدتهم خذيت الشيك وشققته من البطرة > > الله يرحم ايام أول !!
وانا ما انتبهت اني ما علمتكم وش صار على العربون الا بعد ما خلصت المقال بس قلت خل نشوف أعضاء المنتدى يمشونها لي والا يسألون :d بس صرتوا صاحين ماشاالله تبارك الله ما تفوت عليكم هالحركات ..


الأخ محجوب \ شكرا على الدعوة الحلوة بعد الزحمة ولا مانع انك انت تعطينا قصتك ، ، ترا الذكريات تجيب بعضها ..


الأخ زياد . . المالك الا المكتوب وانا اخوك والحمدله اللي جمعنا في

نادي هوندا