مهازل المرور ما تنتهي.. تخيل تكون ماشي في امان الله بشارع وتحصل قدامك تفتيش و يوقفك العسكري ويآخذ اثباتاتك ويقول لك انزل من السيارة ويفتح الباب ويسحبك وانت منخرش ما تدري وش السالفة وتقوله خير عسى ما شر.. يرد عليك بكل برود بالقسم تعرف السالفة
يفتح باب الدورية وقول لك اركب وانت ترفض ويعلى صراخكم فيجون خويانه العساكر ويركبونك بالقوة ويسحبونك للتوقيف كأنك مرتكب جريمة دولية وانت ما تدري.
مهزلة صح؟ولما يدخلونك للتوقيف تلقاه زحمة فوق 50 واحد بغرفة صغيرة واغلبهم نفس حالتك مسحوبين ما يدرون وش السالفة
وبعد كم ساعة يطلعونكم بعد توقيع تعهدات على بياض, واذا تكلم احد قالوا له توكل ولا بنرجعك للتوقيف. والأدهى والأمر سيارتك يآخذونها للحجز ولما تروح عشان تطلعها يقولون لك رح دور على راعي السطحة حاسبه وخذ منه المفتاح.
مهزلة صح؟
وبعد ما تتصل على السوداني راعي السطحة تلقاه قاعد بجحره آسف قصدي بيته وتطلب من انه يجيك يقولك يا زووووووول ما داير الدوام خلص تعال لي انتفتضطر انك تسبه علني عشان يتكرم ويجيك. ولما يجيك وتحاسبه وتاخذ المفتاح تروح لحوش المرور تلقاه مليان سيارات الي وقفوهم ذاك اليوم وسيارتك ورى اخر شي ومقفل عليك حول عشر سيارات فتضطر انك تاخذ كل المفاتيح من السوداني عشان تحرك السيارات الي قدامك بنفسك وتطلع سيارتك مثل هذي اللعبة
وفي اليوم الثاني تفتح الجريدة وتلقى ذاك الخبر المكتوب والملفق تلفيق على كيف كيفك (شيلني واشيلك) والخبر يقول مرور الجبيل الصناعية يلقي القبض على اكثر من 100 حدث قاموا بالتجمهر بالمنطقة الفلانية التي شهدت اعمال تفحيط ومع كم كلمة مدييح كاذب ... تقلبها براسك وتكتشف انك مريت بشارع شهد اعمال تفحيط وانت ذنبك انك شاب منحوس مر بهذا الشارع بوقت غير مناسب.. لكن مو هنا المشكلة, المشكلة ان الشارع صغير و بمنتزة يعني ما يأهل للتفحيط ابد ابد لكن ما نقول الا الشكوى على الله.
قمة المهازل
رد مع اقتباس
مواقع النشر (المفضلة)