محولات لكزس وشمعات فيلبس زينون + مسجل 6 سيدات ومكيف عادي !!

**B Useful** · 29-06-2008, 05:43 AM

السلام عليكم ورحمة الله وبركاتة ..

من امريكا .. الى ارامكس .. ثم عندي الان .. ثم اليكم ..

للبيع : حالة نادرة ..
فقط للأكوردات من موديل 03 الى 07 وبالاخص وفقط ( للستاندر و السبشل ) ما ينفع للفل كامل ..

مسجل يشغل 6 سيديات ومكيف عادي !

وهذي صورة :

للمعلومية والاطمئنان : تم تجربة المسجل بنفسي وتم تشغيلة والتأكد من سلامتة حتى حطيت فية CD ونسيتة وتم تشغيل نظام المكيف وكل شي سليم 100%

عيبة الوحيد : يوجد خدش موضح بالصورة .. في الشاشة .

^^^

واحد يسأل : ليش ما اخذ مسجل حق الفل 6 سيديات واريخ مخي ؟ الجواب : ما ينفع لان مسجل الفل كامل عندنا 6 سيديات ومكيف الكتروني لمس بتحكمين ,,, والسبشل والستاندر مكيف واحد عادي بتحكم واحد فقط .. فما يركب حق الفل على السبشل ..

---------------------------
العرض الثاني :
محولات اللكزس الاصلية صناعة يابانية ..

مع لمبات زينون فيلبس صناعة المانية نفس مقاس الاكورد العالي والواطي من موديل 2003 الى 2008 بدرجة لونية 4800 كلفن .

وهذي الصور :

العدة كاملة لشمعة وحدة :

العدة كاملة بصورة لقيتها :

توضيح صناعة اللمبة: المانية .

توضيح صناعة الجهاز : ياباني .

سعر البيع : 1600 ريال .

^^
واحد يقول لييييش 1600 ريال والسوق فية بـ 300 - 500 ريال كامل العدة والماني !!
اقول لة هذاك اللي تشوفة الماني الغرابي ابو كلب .. اللي كل 3 شهور تحترق عليك شمعة ولا محول واقعد غير وغير وغير وفي نهاية السنة تكتشف انك دافع حول 3000 على شغل صيني !! ريح مخك من البداية ترتاح في النهاية ..

---------------------

اماكن البيع : الرياض مع امكنية التوصيل لأي مكان باللمملكة عن طريق ارامكس .. بتكلفة اضافية بحدود 100 ريال .. او 10 ريال عن طريق شركة زاجل بس هالشركة سيئة في التعامل مع البضائع ولا اضمن لك انها توصل سليمة ..

لأي استفسارات اخرى اكتب ردك في هالموضوع ...

والله الموفق ,,

**Black Accord 2008** · 29-06-2008, 06:37 AM

كنت بإنتظار هالموضوع ..

ما شاء الله ... الله يعطيك العافيه .. عروض ولا أروع ..

عالعموم بالنسبه للزنون .. ماعليه كلام

وهذا مطلب الكثير من أعضاء المنتدى ..

فليبس ( الأقوى بعالم الزنون)
تويوتا ( المحول الأصلي والي موجود كثير تقليد منه )
اللون 4800 كلفن ........... واشطف الـ 460 وانت واثق

وبما اني تعقدت من سالفة الزنون أبو 500 -- وأشوا اني ماركبت للحين
وبما اني تعقدت من سالفة زنون الـ6 سلندر في الوكالة من اختلاف قطع وقواعد وحوسه
وزيادة على ذلك السعر الجميل الي صفا عليه زنون الوكاله والي يقارب حدود الـ 3000

فأنا وبإذن الله أول من يحجز طقم زنون من عندك يامصعب

عالعموم شوف الخاص عندك ..

وتحياتي للجميع ..

**اكــــ2007ــــورد** · 30-06-2008, 05:18 PM

صراحه موضوع حلو

لكن كان ودي في المسجل بس الزين مايكمل الخدش مشوه الشاشه:(
وبعدين الديكور اللي حول الشاشه مو فضي

**أبووليد** · 01-07-2008, 04:31 AM

أخوي كوكوكورد المحولات جديدة ولا مستعملة

**B Useful** · 01-07-2008, 09:58 PM

معذرة ع التاخير ..

Black Accord 2008

اوكي .. هذا طقم واحد وراح وباقي 4 اطقم في الرياض .. يوجد 4 اطقم في الغربية .
هيبة ملك

سومة طيبة .. وننتظر المزيد .

اكــــ2007ــــورد

المهم الجوهر مو المظهر .. الديكور مو فضي لا نة حق موديل 2005 وتقدر تغير لونة في محلات التخشيب ببساطة .

أبووليد
اية الاطقم جديدة مثل ما كتبت من امريكا مباشرة اليكم ..

Halo 5 9 5

والبيع لأعلى سومة

**HonDa 2o0o** · 02-07-2008, 10:05 PM

هلا بك اخوي

عادي لو اشتري منك اللمبات بس
وهل هي تركب على قاعدة شمعة موتري ( موديل 2000 ) ؟؟

وبكم سعرها ؟؟

ويعطيك العافية
.

**momo** · 03-07-2008, 08:40 AM

الزنون حلو بس سعره غووويلي شوي والميزرانيه حاليا للاسف :(

سددت كل مخالفاتي وطولت اللوحه ومادريت انك بتنزل موضوع :(

بس ان شاء الله بحاول اشتريه و اجزم عليه اذا شفته علي اي اكورد 2008 او بالاحرى

متى بيركبه بلاك اكورد او متى بياخذه علشان اشوفه واردلك اكيد

**ACCoRD.SNiPER** · 03-07-2008, 01:52 PM

السلام عليكم ورحمة اللة وبركاتة

حيا اللة مصعب

جيف حالك اخوي ان شاء اللة بألف صحة وعافية

لا يكون نسيتني ( هيثم ) احم احم :o

اسمحلي مصعب واللة ياخوك السفر والدراسة اشغلتني وايد عن المنتدى واسمحولي على القصور

بعدين تعال لا تقولي بعت اي شي من الأشيا الي عندك

تراني ماخذهم الشاشه صارلي ادورها من قرن وباخذ الزينون الاربع مع اللمبات بس ياترا البمابات يركبن على الشمعات الرياضية الي عندي وانتظر ردك واتمنى انك ما تقول بعتهم

وممكن ترسلي رقمك ...في انتظار ردك

**عطر الحكي** · 03-07-2008, 08:24 PM

ماشاء الله شي حلو بصراااااااااااااحه

اقوووووووووول

احجزلي واحد يالذيب وراح ارسلك عالخااااص

**momo** · 03-07-2008, 10:19 PM

مصعب وه لاتروح كل الاربع :(

البيع بالحبه افضل :d

**ghs** · 05-07-2008, 05:22 AM

كوكوكورد تبيع اللمبات لوحدها؟؟

**أبو عــزوز ..** · 05-07-2008, 07:42 PM

كوكو كورد .. سجل عندك طقم زنون لـ أبو عـزوز .. ;)

أخـــــــــيراً جاء الزنون اللي يلبي رغباتي ..

**B Useful** · 05-07-2008, 09:47 PM

هوندا 2000

هلا بك .. والله انت ادرى بموترك اللي عندي مقاسها 9006 وبشوف تركب على موترك ولا لا ..

ACCoRD.SNiPER

هلا بك اخوي هيثم كيفك وش الاخبار ؟ ما يصير خاطرك الا طيب .. تم الرد ع الخاص وعلى فكرة ... لمبات الزينون ماتركب عندك على الشمعات الرياضية المقاس يختلف .. اللي عندي 9006 وحقت الشمعات الرياضية H3 على ما اظن .

عطر الحكي ..

ع الخااص .

ghs

حالياً البيع الطقم كاامل واذا فية جديد بخبرك .

ابو عزوز :

هلا بك ياللي نسمع بك ولا نشوفك .. اوكي هذا طقم لك ..

المتبقي :

باقي طقم زينون واحد من اصل 5
باقي المسجل .

**__spider__** · 13-07-2008, 11:59 PM

السلام عليكم
انا ودي الصراحه با المسجل

بس ما ادري انباع هو ولا الى الحين

وفيه نااس تعرفهم يركبونه المسجل زين

الله يعطيك العافيه

**Black Accord 2008** · 13-07-2008, 11:59 PM

السلام عليكم ..

تم بحمد الله تركيب الطقم ..

وهنا صوره ..
انطباعي :- أحلى مما كنت أتوقع والحمد لله .. والنور جداً صافي وانتشاره ممتاز .. واللون يبدأ بالتدرج من الأبيض الثلجي الي هو اللون الأصلي الى الأبيض ..

وطبعاً هذا شي معروف .. بعد مدة يثبت لونه ..

ونصيحة للي مترددين وخاصة momo
توكل على الله ..

فعلاً أنا انتظرت فترة طويلة .. وكانت تستاهل ..

وياتركب زينون متل هيك يابلا .. :d

تبون الصوره ........

ادخل على البومي وتشوفها :p

http://www.hondaarabia.com/club/album.php?albumid=57

**Pink Dream** · 14-07-2008, 02:58 PM

ياليت لو تبيع الشمعات لوحدها :o

وكم راح يطلع سعرها بدون المحولات ؟

شاكر لك تعاونك سلفا ..

**ابوناشي** · 15-07-2008, 05:13 AM

أحجز لي طقم .. واذا تبيع الشمعات بس عطني خبر

أنا الان متواجد بالخبر ,, ياليت طريقه التسليم كيف ..

يعطيك العافيه

**B Useful** · 15-07-2008, 05:19 AM

هلا بالشباب ..
الباقي طقم واحد بس ..

اذا مارد بالتاكيد على طلبة اخونا pink dream 08 فتصير لك اخوي ابوناشي والبيع للعدة كاااملة ..

والتوصيل امرة هين تقريباً 100 ريال تضاف على سعر البيع والتوصيل عبر الشركات المعروفة ارامكس او فيدكس .. او اذا تعرف احد بالرياض ياخذة وتوفر على نفسك قيمة الشحن ..

__spider__
المسجل لايزال موجود والبيع لأعلى سعر .
.

**هـــوندا وبـــس** · 18-07-2008, 10:26 PM

الحمد لله تم تركيب الزينون
انطباعي عنه زي ما قال أخوي بلاك اكورد 2008

**بوعبدالله** · 19-07-2008, 09:38 PM

انا ارغب بطقم للكشافات رمز الشمعه H11 اذا موجود عندك علمنى اخوك من جدة وبالنسبة للطقم الموجودة بالغربية عند اي محل

**B Useful** · 20-07-2008, 12:54 AM

^^ الموجود فقط هو المعروض ... والطقم اللي في الغربية مع واحد الاعضاء موب محل ^^

**محمد(اار 1025)** · 22-07-2008, 10:30 AM

السلام عليكم ورحمة الله وبركاته
باختصار
شباااااااااااااااااااااااااااااااااااااااااب تراني حجزت اخر حبة من الزينون

**ملك القلوب** · 24-07-2008, 09:14 PM

السلام عليكم ....
مشكور اخوي على الأبداع هذا بس تكفى اذا كان باقي شي من الزنون خبرني الله لا يهينك ..
تراني جاهز بشتري واحد

وشكر...

الموضوع: محولات لكزس وشمعات فيلبس زينون + مسجل 6 سيدات ومكيف عادي !!

أدوات الموضوع

عرض

محولات لكزس وشمعات فيلبس زينون + مسجل 6 سيدات ومكيف عادي !!

المواضيع المتشابهه

للبيع مسجل 6سيديهات ومكيف عادي امريكي 2003-2007

للبيع انتيك k&n ومحولات vxr وشمعات فيلبس

مسجل اكورد 6 سيديات ومكيف عادي

مطلوب مسجل 6 سيديهات ومكيف عادي

مطلوب مسجل 6 سيجديات ومكيف عادي{ صوره

مواقع النشر (المفضلة)

مواقع النشر (المفضلة)

ضوابط المشاركة