مطلوب جراب لمفتاح هوندا

**محمد بن عبد العزيز** · 29-05-2009, 07:18 PM

تبي تحرجني ..:d>>مبسوط بعد

وعندي جلد احلى من هذي بس مدري وين راحت والا صورتها لك

بس بدون حديده يعني دبر لك حديده علشان يتعلق المفتاح فيها

اي خدمه طال عمرك ياصقيقي

**MaLiK1987** · 29-05-2009, 11:52 PM

~ يعطيك العافيه يا بو عزوز بس لا تنسانا هاه حبيب قلبي صقيقي إنت :d

**المباشر** · 30-05-2009, 03:42 AM

المشاركة الأصلية كتبت بواسطة محمد بن عبد العزيز

^^^
الجراب الي معك زلابه >>فاقع ضحك من جد :d

ابشر بالعوض ياصقيقي

انا طلبت كميه مادري هل هم بيجيبون والا لا .. المهم رقمي عندهم والبيانات عندهم .. وبيتصلون علي

مادري بعد سنه والا سنتين والا يومين والا شهر .. مايندرى حاول تنسى الموضوع لحد مايجيني اتصال طال عمرك:d

المشاركة الأصلية كتبت بواسطة King

أهلين علي

انا لي تقريبا ً شهرين وانا اطارد وراهم عشان الجراب

ونفس وضع محمد حطيت البيانات وأول مايوصل راح يتصلون علي

إذا تبي كمية محدده قولي

عشان اشتريها ونوصلها لك بأي طريقة تحبها

يعني أردد ياليل :d - بس جيب خلنا نخدم أهل الدمام والخبر تخبرون الرياض بعيده عنهم شوي ( ترى بزيد 5 ريال ولا 10 ريال على الجراب والزيادة حسب الأزمة العالمية )

أبشركم الرجال راعي البي أم << حركات هالرجال ;) بس طريت له اني ابي جراب قال لي يوم السبت بروح الوكالة وباخذ لي واحد ( تبي أجيب لك وياي ) قلت له ياشيخ أنت صقيقي أي والله جيب ياخي ذبحني المفتاح كل يوم اذا بطلع المحفظة من جيبي لازم يتشدخ ( يطيح ) في الأرض لين يقول بس في يوم شكلي بشوفة متناثر في الأرض الشريحة في جهه والغطاء في جهه

**MaLiK1987** · 30-05-2009, 08:04 AM

ذبحني المفتاح كل يوم اذا بطلع المحفظة من جيبي لازم يتشدخ ( يطيح ) في الأرض لين يقول بس في يوم شكلي بشوفة متناثر في الأرض الشريحة في جهه والغطاء في جهه

* تدري قاعد أفكر أمس

العالم يكيسوا مراتب

يكيسوا أرضيه

جت على مفتاح ؟ :d

أحس كل ما يطيح المفتاح كنه واحد صاقعني كف أنقهر يرحم أمك دافع 1300 ريال مو لعبه

**المباشر** · 30-05-2009, 10:19 AM

المشاركة الأصلية كتبت بواسطة MaLiK1987

* تدري قاعد أفكر أمس

العالم يكيسوا مراتب

يكيسوا أرضيه

جت على مفتاح ؟ :d

أحس كل ما يطيح المفتاح كنه واحد صاقعني كف أنقهر يرحم أمك دافع 1300 ريال مو لعبه

المشكلة ماعندك الا هو يعني اذا أنكسرت الغطيان اللي برى يبيلك غطأ جديد وعاد وين بتحصل :d بتركب حق التجاري

مشكلتة اذا طاح مايطيح ويوقف الا لازم مرتين أو ثلاث شدخات في الأرض - والله كم مرة أجلس أطالع في المفتاح وهو يتدحدر في الأرض والقهر اذا كان واحد ماشي ومايدري الا شايت المفتاح ومطيره لك بعيد << واحد من الشباب بغيت اذبحة في مطعم ماكدونالدز

خل هالجراب يحفظه شوي قبل لا يجي يوم ونقول ياليت :d

**King** · 30-05-2009, 09:19 PM

نسيت اقول حاجه

انا كلمت الموظف عشان الجراب وشرح لي كل شيء !

طبعا ً هم يطلبونه من برا بس من وين مدري ! وبكم مدري ! ( بحاول أعرف )

طبعا ً يقول الكمية إلي راح تجي هي 50 حبه

طبعا ً سعره هو 22 ريال

وانا مااعتقد اني لو رحت بشتري الكمية كلها

لأن يقول عليه طلبيه كبيرة لدرجة انه خلص اول واحد , مع ان فيه لنوعيات سيارات ثانيه !

**المباشر** · 31-05-2009, 06:21 AM

منور اخوي كنج ياحبيب قلبي

اذا على كذا ردد ياليل شكلها بتطلع في طاش ماطاش هالسنة اذا عليه طلب مثل كذا

انا أنتظر الرجال يطق لي واحد من الدمام من الناغي وشكلي خلاص أهم شي يحفظ المفتاح لي

واذا حصل ويوم واحد صار يبيع الجراب بالمنتدى راح نشتري منه ذاك الوقت يمكن تفرج والأنتظار يقل << أبد مايلمح ولا شي :d