الموضوع: مطلوب قفل جنوط هوندا

الوكآلة وشوله حاطينهآ

امممم

طيب

• وش صناااااعتها
• وهل كل طقم له مفتاح خاص >> يعني شريت طقمين هل مفتاح يفتح الكل
• وكم سعرها

المشاركة الأصلية كتبت بواسطة كوكو كورد

صناعتها ..

فية صناعة صينية وفية مصنوعة في موزنبيق وفية المصنوع في جزر القمر وفية امريكي ..
اسعارها بين ٤٠ الى ١٥٠ ريال حسب الجودة ..

اكيد كل طقم لة مفتاح خاص فية زي مفاتيح السيارات ..

يعطيكـ الف عااااافية

اتوقع ان الافضل الامريكي

بس وين احصلها

محلات الكفرات بالغرابي موجود فيها الي تبيه سعره 95 ريال

^^^^^^^
حتى تنزرف بكل سهوله إلي بالغرابي دمار أحتمال تنزرف وأحتمال يخرب لك المسمار ويصير بايز وكذالك أنه يصدي بسرعه إذا حصلك خذ من الوكالة أضمن حتى لو كان غالي .

كل اللي بالسوق صيني ياعيوني

واللي معي له سنه وعليها زي العسل

أنا عارف أن كل إلي بالسوق صيني لكن أحتمال أنت أخذت شيء نوعه ممتاز لكن لو تروح للغرابي وخصوصا لمحلات الكفرات وتقوله عندك مفتاح للجنوط هذي علطول طلعه لك غير لو كان شيء أصلي وماخذه من الوكالة راح يلقي صعوبة في فك المسمار أو يحصل مفتاح لها .

لي 8 شهور حاجزها من الوكاله
وألى يومك هذا كل مايدق جوالي أفرح , ومايطلعون هم خخخ

أذا حصلتها في الوكاله عطنا خبر

رح لمحلات هنكوك الكبيره وصدقني ماراح تندم وبنص سعر الوكاله

السلام عليكم ورحمة الله وبركاته

أخواني معليش استفسااار بسيط واعذرووني ولا تلوموني لأني غشيم بهالشي والله
اللحين القفل اللي تتكلمون عنه وش فايدته؟؟
وكيف شكله ؟؟؟
ووين يركب ؟؟؟؟

انا اللي فهمته انه يحمي الكفرات والجنوط من السرقه ؟! ولا وش المقصد
ولكم مني خالص الشكر والتقدير

^^^

القفل يحمي الجنوط من السرقة كل جنط تركب عليه قفل ويكون بديل للصاموله وله مفتاح خاص عشاان تفتحه ان شاء الله فهمت

^^
سبقتك :d

أخوي يعطيك الف عافيه

فهمت

بس سؤال
اللحين لازم المفك يكون معي صح ولااا لاأأأأ

طيب الحلو اللي بيسرقها اذا لقى عليها قفل وش بيسوي >>>>بيكسر القزاز
ثم يفتح الشنطه
ويأخذ المفتاح صح ولا لا او المفك الخاص فيهم
ولا وشلووون
سامحوني بس والله توني اعرف بسالفه القفل

ولك يسلموووووووو يالغالي

عمووما بكرة ابنزل السيارة للصيانه 40000الف والله اعلم وش بيسوون فيها عاد ما ادري دايم اخوي يوديها انا هالمرة اللي بعملها

وبالمرة بشوف القفل

مشكورين حبايبي