قررت اشتري مازدا 6

**هوندا كونكورد** · 04-03-2007, 06:05 AM

قررت أبيع الأكورد و أشتري مازدا 6 شو رايكم؟

هل المازدا 6 أقوى من الأكورد 4 سلندر 2006؟

بالنسبة للمواصفات فالاخبار وصلتني ان المازدا تتفوق على الاكورد من ناحية المواصفات

فشو رايكم انتو؟

جزاكم الله خير الجزاء

**دحوم** · 04-03-2007, 10:08 AM

والله براحتك بس تأكد انك جالس تنزل لمستوى تحت ماترتقي فوق لو انك قايل افالون او لكزس او شيء من ذا الكلام كان معقول لكن مازدا والله هذا رايك الشخصي وانت حر .

**هوندا كونكورد** · 04-03-2007, 01:04 PM

المشاركة الأصلية كتبت بواسطة دحوم

والله براحتك بس تأكد انك جالس تنزل لمستوى تحت ماترتقي فوق لو انك قايل افالون او لكزس او شيء من ذا الكلام كان معقول لكن مازدا والله هذا رايك الشخصي وانت حر .

والله ما ادري شقول لك

المصيبة احب شي اسمه مواصفات انا الاكورد اللي عندي سياحي تعبان من ناحية المواصفات مليت منه معظم المواصفات اللي ف سيارتي موجود ف المازدا 3 مش 6

فما بالك فمواصفات مازدا 6 لو اشتريتها فل المواصفات؟

المواصفات جدا ضرورية بالنسبالي

شكرا لك

**عمور** · 04-03-2007, 11:23 AM

والله المازدا 6صراحه رهيبه

بس ما اعتقد احسن من الاكورد

**هوندا كونكورد** · 04-03-2007, 01:05 PM

المشاركة الأصلية كتبت بواسطة عمور

والله المازدا 6صراحه رهيبه

بس ما اعتقد احسن من الاكورد

المشكلة ان واحد قال انها اقوى من الاكورد فقلت مواصفات و قوة بنفس الوقت

شكرا لك

**دكتور هوندا** · 04-03-2007, 11:37 AM

المازدا فاسده .

مسوين شركه و متعبين انفسهم على الفاضى , و الشعار طول عمره يتغير , مره على شكل ام و مره طير يطير و مره دواوير داخله في بعض . قصدهم نوع من انواع التحديث و التطور , وش من نوعه .

على الاقل تحمل اسم ياباني .

**الطبل** · 04-03-2007, 08:37 PM

اخوي باعطيك الخلاصة

انا كان معاي مازدا 6 2004 2,2 اللو-ن - احمر - هاتشباك
قير عادي - جنوط 17 انش ( فاشله )
تكيف الكتروني - سيدي واحد فقط -

كانت مجنونه سرعة هي اربع سلندر واروح على اللومينا 6 سلندر سلام سلام
وتمشي الطبلون 240 براااااحة

هذا الكلام في اول 8 شهور والله
هدوء ورساوه على الخط ولكن لاتقاااااارن ابدااااااا بالاكورد

وداخلية الشباب منجذب اليها عشان لون الاضائة احمر
والديكور فضي

والحين اعطيك العيوب
( بسم الله )
عين القط الي في الشارع تهز الديكور الداخلي كاملا وبدون مبالغة
مكيف في الصيف ماينفع ولابريال الفاصل الاكتروني يطول ويعطيك هوا حار ورطب بين كل فصلة.
اذا ارتفعت الحرارة نص العزم يطيح - يعني حدك قومتين ورا بعض
الحين للمشكلة الاكبر الي هي سبب خلتني انقلب بالسيارة ( الى وهي الانحراف السريع عند المنعطفات )
اذا اخذت منعطف مسرع ماتزحف السيارة بل تحذف على طووول والهوندا والله ماشالله ماسوتها
ارسى بكثيييير .
والدركسون ثقيل (اوكي عشان ممكن نقول انها رياضية )
و...و....و....و....., وش اقولك وش اخلي
وانت حر
الهوندا على الخط تسحب وتطوفه بالراحة
في المنعطفات ارسى

والمازدا بعد التغير الثالث يطيح العزم
وكانت لوحتها ( ل ك و 165 ):p :p

**الطبل** · 04-03-2007, 08:45 PM

و اذا تبغى صورتها انا جاهز
وبعد الحادث ايضا انا جاهز

**FOXDIE** · 04-03-2007, 10:46 PM

لالالالالا ما توقعتك تنزل للمازدا انا اقولك شي لا تاخذ بكلام الناس خذ بما انت تقوله وتحس فيه...
مستحيل تكون المازدا 6 افضل من الأكورد ...
روح شوف الأكورد 6س سلندر فل اوبشن كيف وبتعرف الفرق...
انا اقول اذا تبي تغير خذ لك ليجند 2007 تراها حلوة او شي ارفع...
وانت وحر في خيارك وسلامي...

**و ق ا 177** · 05-03-2007, 12:09 AM

لا وكيل
لا مكيف
عند البيع مافي سعر
والمثل يقول (المازدا فاسده)
انت حر...

**BLK** · 05-03-2007, 11:08 PM

حلوة ...

سعر الفل كامل 80000

لا تنسى تاخذ السيدان

جنوط 17 عدسات جناح رياضي جلد سيدي ام بي 3 كاسيت كل شي حلوووو فيها

**م م و السعوديه 5 5 7** · 06-03-2007, 08:07 AM

خلاص خذ لك مازدا واذا جيت تبيعها
بعد اسبوعين تلقاني منتظرك في المعارض;) .
(يكفيك كلام الطبل <<<واحد مجرب).

**دحوم** · 06-03-2007, 08:23 AM

انا اقولك خذلك اكورد 6 سلندر وتوكل على الله بعد كذا راح تعرف وش معنى اكورد لما يصير معك التوب من الاكورد واختارلك اسود او لؤلؤي .

**يامطنش** · 06-03-2007, 12:33 PM

طيب يا خوي دامك شاري سياره جديده وبتخسر اصبر شوي تنزل اكورد 2008 بشكل جديد بي مواصفات جديده خذلك وحده المازد قسم بالله ام المشاكل اول سنه حلوه لاكن تفرج بعدين
المشاكل ما فيه سعر اذا تبي تبيع اذا لقيت اصلان احد يبغها قطع الغيار نار السلف 1600 ريال
المازد صراحه ما انصحك فيها لني اعرف اثنين معهم مازدا يشكون منها ونت حر

**اكوردي 2004** · 06-03-2007, 09:19 PM

اسمع عزيزي ...المازدا شف كم واحد معاه سياره من هالشركه

وبعدين تعرف ليش مااحد يبغاها...

اذا كان الله فاتحها عليك ....اشر افالون ولا اكورد فل كامل

واذا خربتها اشر لكزس الجديده(وارسل لي رساله على الخاص

نجربها انا وياك;) ).

وتــــــــــــحـــــــــــــــــيـــــــــــاتــــ ـــــي :d

**ابو فارس** · 07-03-2007, 02:12 PM

يأخوان ليش تذمون في السيارة و الله ان المازدا من أروع السيارات التي اقتنيتها من ناحيت القوة بصراحه اعتقدي هي المنافسه الوحيده للأكورد
و الله اني مستخدمها اربع سنوات كارها كر الحمير وانت بكرامه ولا اغير فيها إلا فحمات و زيت حرام تذمون في السياره لمجرد اسمها مازدا
أما من ناحيت السعر البيع صحيح الكلام انه يطيح قيمتها بس بعتقادي إلى راح يشتريها جديده راح يستخدم مش رايح يبيع إلا اذا جاه ظرف يخليه يبيعها

جربوا السيارة قبل ما تحكمو ا عليها

تحياتي