للبيع حساسات

**salamify** · 14-12-2010, 01:16 PM

مساكم الله بالخير..

عندي حساسات لونها أبيض لؤلؤي مشتريها من الأخ كاكاشي والحين ناوي أبيعها..

عدد الحساسات: 4 حساسات مع شاشة صغيرة تبين لك المسافة
لونها: أبيض لؤلؤي
تركب على سيارات هوندا وفرصة للي يبي يركبها عالأكورد عشان تكون مثل الفل أوبشن..

السعر المطلوب: 150 ريال غير قابل للتفاوض
مكان البيع: يفضل للمنطقة الشرقية واللي يبيها من برى راح أشحنها للمنطقة اللي يبيها المشتري على حسابه..

أخير الصور:

**.. Monster ..** · 14-12-2010, 01:35 PM

انا بأخذها ..

بس اهم شيء طريقة تركيبها كيف .. يحتاج تقطيع اسلاك وتجريح والا لا ..؟
ووين مكانك بالشرقيه بالضبط يمكن اخلي ولد عمي يستلمها منك يد بيد

**salamify** · 14-12-2010, 02:00 PM

المشاركة الأصلية كتبت بواسطة .. Monster ..

انا بأخذها ..

بس اهم شيء طريقة تركيبها كيف .. يحتاج تقطيع اسلاك وتجريح والا لا ..؟
ووين مكانك بالشرقيه بالضبط يمكن اخلي ولد عمي يستلمها منك يد بيد

والله يا أخوي ما أدري عن كيفية التركيب ولكن ما أعتقد إن فيها تقطيع أي أسلاك وأنا سبق وشفت أكثر من موضوع بالمنتدى عن تركيب الحساسات واخرها موضوع لعضو إسمه Ebra على ما أظن وفيه شرح وافي عن التركيب..
ومكاني بالدمام وحاضر لك يا غالي..

**كوكو2009** · 15-12-2010, 03:43 AM

اخوي كلها الاربعه تركب ورا ؟؟ بس بالصوره مبين انو فيها شاشه يعني ممكن تكون 2 ورا تطلع صوت بس ..و2 قدام تطلع بالشاشه ؟؟
اذا كانت كلها الاربعه وراااا!!
وهل فيه امكانيه ترسلها لى جده وحق الشحن على ..عن طريق الزاجل؟؟؟
رد لى على الخاص

**salamify** · 15-12-2010, 12:51 PM

المشاركة الأصلية كتبت بواسطة كوكو2009

اخوي كلها الاربعه تركب ورا ؟؟ بس بالصوره مبين انو فيها شاشه يعني ممكن تكون 2 ورا تطلع صوت بس ..و2 قدام تطلع بالشاشه ؟؟
اذا كانت كلها الاربعه وراااا!!
وهل فيه امكانيه ترسلها لى جده وحق الشحن على ..عن طريق الزاجل؟؟؟
رد لى على الخاص

بخصوص التركيب ما عندي خبر عنه ولكن الأخ كاكاشي كان مركبها كلها الاربعة عالصدام الخلفي وطالعة مثل الاكورد الفل كامل.. وبخصوص الشحن عادي اخوي ممكن ارسلها لك عن طريق زاجل بس ارسلي بياناتك عالخاص عشان اتفاهم معاك..

**salamify** · 16-12-2010, 12:32 PM

بعد اذن صاحب الموضوع هذا رابط لتركيب الحساسات:
http://www.hondaarabia.com/club/t41621/

**أكـورد 2009** · 16-12-2010, 12:44 PM

تبيـع بـ80 لأن صدقني ماخد مثلهـا بـ120

**salamify** · 16-12-2010, 01:19 PM

المشاركة الأصلية كتبت بواسطة أكـورد 2009

تبيـع بـ80 لأن صدقني ماخد مثلهـا بـ120

عزيزي.. أنا منزل من سعرها اللي اشتريته مراعاة مني لأعضاء المنتدى تجي تقولي محصل مثلها بـ 120؟؟ وتقولي لي ابيعها بـ 80 ريال يعني تبخسني سعر غرضي؟؟ أجل اذا ما عليك أمر روح للي أخذت من عنده الحساسات وخله يبيعك بـ 80 ريال..
أخوي لعلملك الخاص اسعار مثيلاتها في السوق بـ 200 الى 250 ريال والحساسات انواع كثيرة وموديلات مختلفة فرجاء خاص عدم بخس السلعة وأنا حدي فيها 150 ريال وأقل من كذا ما راح أبيع..

**أكـورد 2009** · 16-12-2010, 02:46 PM

لا تبخسني ولا ابخسك انا عطيتك سعري وإنت بكيفك

الله يوفقك في البيعه اللي تسرك

**salamify** · 16-12-2010, 03:15 PM

المشاركة الأصلية كتبت بواسطة أكـورد 2009

لا تبخسني ولا ابخسك انا عطيتك سعري وإنت بكيفك

الله يوفقك في البيعه اللي تسرك

لا تبخسني؟ انت قايل بلسانك شاري الحساسات اللي عندك بـ 120 ريال يعني لو فرضنا انك ما تبي تبخسني السعر راح تقول نفس السعر او قريب منه اما 80 ريال فأعتبره بخس للسعر مع كامل احترامي لك من 150 ريال الى 80 وش أسميه؟

وفوق ذلك يا عزيزي السعر ثابت وغير قابل للمساومه وربي يوفقنا ويوفقك يا غالي..

**salamify** · 18-12-2010, 03:52 PM

ما أحد له خاطر فيهم؟!

**acura RL** · 03-01-2011, 08:34 AM

رقم جوالك اخوي على الخاص ..

**aziz666** · 03-01-2011, 02:57 PM

طيب أنا أبشتري منك حبيبي لكن عندي سؤال بالله عليك قبل كل شيء

أنا موتري أسود الأكورد ..... هل أقدر أرشها أسود الحساسات وماتخرب ...!!

أو هل عندك لون أسود بتفيدني فديتك

شكرا لك ورقمي لك ع الخاااااص