أما أنا ياحبايبي ,,
فكانت عند الوالد سيارة IMPALA
ماأدري إذا كنتو تعرفونها
هي تشبه الكابرس
وأخذتها لما تعلمت السواقة وكانت قوية حتى الوالد وجعه قلبه لما باعها لأنها مشت مشاوير موب صاحية :d
وبعدها أخذت اللي ماتنذكر إسمها سوناتا 2000 :p
وأعوذ بالله من كلمة سوناتا لأنها ورتني الويل وسواد الليل
وأنصح أي واحد من بعد اليوم لايفكر ياخذ كوري
ياخي عمركم شفتو سيارة تطفي بعد ماتغسلها
لا أكيد ماشفتو :(
عمركم شفتو سيارة يتبدل لها قير وعكوس وزنجير وتصليح مكيف خلال 4 شهور
بعد أكيد ماشفتو
ياعالم شفتو مرة سيارة إذا مشيت مسرع فيها مظبوطة وإذا خففت تنطفي بطاريتها
يالربع جننتني هالسيارة والله جننتني
لكن اللحين وقبل أربع شهور إرتحت من بعد ماشريت أكورد 2008 ذهبي
والله يوفقني فيها ;)