الموضوع: وش السيارات اللي أمتلكتها قبل الهوندا؟؟ نرجو المشاركه من الجميع

سلام عليهم...

قلبت المواجع وانا اخوك....:(
قبل الهوندا كان معي هايلكس 2004 كانت اول سياره اخخخخخخ يازمن...
قعدت معي حول ثلاث سنين (ايام الثانوي كلها)
وحدث ولاحرج من اللي جاها مقاومات وترهيم وشغل عدل بس الحمدلله ماجاها تفحيط لاني ماكنت افحط;)
جاها من التطعيس والمجاكر ما الله به عليم وقبعت عليها كم مره بس كان الهلي معي معي زي الفل ما اذكر اني غيرت فيه الا الزيت والفحمات والكفرات والسيفون وديته مره او مرتين للوكاله
اشهد اني الهلي سياره
وبعدها تخرجت من الثانوي وقعد معي الهايلكس ترم وانا في الجامعه وكنت احتري موديل 2007
ونزل 2007 وكنت ناوي التيما سته سلندر قير عادي ناوي مجاكر وتفقيع بس مانزلت قير عادي قالو اوتو بس
وشارو علي كثير من العيال والاهل بالاكورد وتمت الشريه بحمدلله
وماتندمت عليها صبوره وحقت كرف
وتطرح الاتيما السته سلندر اوتو;):p
والله يبارك لي فيها
ودمتم سالمين

السلام عليكم ايه والله قلبت المواجع
(((((( والله من الافلام اللي بجي )))))
بسم الله
1-اول سياره تعلم فيها كبسوله حقت ابوي والله ياهو قيره ثقيل
وكنت صغيرون كان عمري 14سنه
2-ثاني شي طبعا توني ماشريت سياره وكنت اسرق سيارت اخواني ونقزها بالسكينه :d
ددسن وماركيز هع هع مره صادني اخوي وانا البق الموتر عند الباب
<<< تراه ماجاه تهزيء ذاك اليوم
هههه ويقول اخوي وانا اقولك وشفي البنزين ينزل الربع وانا مفلله هع هع هع
3-ثالث شي تم وبحمد الله شراء سيارت الاحلام
فلفو 87 حقت الشرطه قديم تذكرونها
بس ياهي قويه
<<< تراه ماكان يحط علبتين زيت كل ثلاث ايام
والله ياهي دخنه:p
تطعيس-تفحيط-وانواع القشعات بس حديدها اوكيه
4-شريت ددسن موديل 90 والله انه موتر
5-بعدين شريت جمس 83 قير عادي شكمانين 450 المكينه
6-شريت اكسنت 2001 انواع التنطيل عليه
7- بعدين شريت برميرانيسان 2001
8 واخيرا اكورد 2004 ياحبيلها
واسف على الاطاله
سلملم