السلام عليكم ورحمة الله وبركاته

شباب نزلت ذا الموضوع علشان ودي نشوف الشباب وش طاحت بيدهم مواتر قبل الهوندا بصفه عامه
وفي حالتي الأكورد


وانا رح أبداء الموضوع

أول ما تعلمت في الديره على يد الوالد طبعا الموتر كان كبسوله

وبعدها الشايب عطوه العمل حقه إيكو <===== مشي الحال

وطبعا انا مافي غير فشخ وأقرب مخطط وعلى البيبان<======== الرصيف يشكي منه:p

وأول موتر طاح بيدي ((يعني موتري الخاص))
فورد 89 قراند ماركيز وطبعا ذا الكلام في الثانويه
<======== حق الطعات
الله يذكر أيامه بالخير كان الخليقه يخافون مني
ويا ويله اللي قلك يكشح ولا يلحم راس مالها ضغطت فرامل وأشيل له الوجهيه وانا ممكن إذا مرة حكه بسيطه
<========= أيام الله يذكرها بالخير
ولا عند الدوار واحد يقعد يستهبل ويمشي بطيء اعطه بوسه في الصدام الخلفي:d
سويت فيه جنان مو طبيعي أي مضاربه أي طعه الفورد لازم يكون حاضر أي واحد من خوياني حاقد على واحد اروح ادعم السياره <==== نذل
ومافي غير تحميل ركاب:d
وكنت مكتمه كامل من جد إرهابي
وشريط فهد بن سعيد و ساريه السواس و عيسى الأحسائي

و أنا عرضته قبل كذا في موقع جده بويز
وهذا الرابط

http://www.jeddahboys.com/vb/showthread.php?t=13014


وبعته قبل سنه تقريبا والله إني متندم على بيعته نظيف ماشاء الله مكينه تدي والله متندم وعاش معي 5 سنوات وهو كان حق عمي وانا شريته منه

وبعدين أخذت هايلوكس الشايب 95 وهو أشترى جمس <======= حركات يالشايب;)

وأخيراً رسيت على الأكورد2006 أنا أفداها وصراحه ما أفكر أشتري موتر بعدها أبدا --ماشاء الله تبارك الله--

<========== يلعن ابو النقزه من هايلوكس لأكورد:d

يالله نشوف باقي الأعضاء وش طاحو فيه

ونرجو من الجميع المشاركه خلونا نتونس شوي ..

مع التحيه