اول سياره استخدمتها كامري 2002 مصفوقه بعين على الكهرب غيرت لها بثلاث شهور 3 بطاريات وشيكة على الدينمو مافيه مشكله وكرهت السياره من عقبها وقلت للوالد ببيع السياره وجحد فيني مبسوط على الوقفه حقت السياره ويوم تخلص البطاريه انلطع اسبوع اسبوعين لين مايعطيني فلوس خخخخخخخخ ومن بعدها ابتدا مسلسل الكرف الدولي لين ما جا اليوم المنحوس وانا امشي 180 طحت بمطبه وانا لاف وينكسر علي الجمبين الايمن وتهج فيني واتقلب اربع قلبات يحبهن قلبك بس طلعت من السياره مغبر وتراب بفمي وعيوني واذاني وبعض الرضوض اللي ماحسيت فيها الا اليوم الثاني والباقي سليم والحمدلله:d :d

وثاني سياره كابرس 2000 التي زد استخدمته عقب ماستخدمه الوالد كرفته سنه وعقبها طق عندي الدفرنش وسفرته على المعارض خروج بدون عوده:d

وثالث سياره ونيت جي ام سي موديل 98 دبل فور باي فور لونه ابيض كفرات بوالين وعليه دبة صوت وانواع الارهاب:d للحين موجود يالبا قلبه

ورابع سياره مازدا 323 موديل 99 حقة مؤسستنا استخدمتها 6 شهور و للحين موجوده ولكنها تشتكي من استخدامي الحنين عليها :d :d

وخامس سياره اكورد 2006 يالبا قلبها