حبيبي صاحب الموضوع أنا بأقولك عن تجربة ......
صاحب أخوي الصغير زيك أولى ثانوي معاه لكزس IS 300 موديل 2007 قسم بالله السيارة لونها أصلا لؤلؤي صار عليها كتابات باللون الأسود غير السب و الكلام البذئ إللي عليها و القزاز يتكسر عليه كم مرة حتى الكفرات يفكون مسمار الهوا و يتركون الكفرات تنسم . هذا غير العين إللي تصيبه و هو ماشي بالشارع أجل أهله دافعين الـ 140.000 لولد عمره 17 سنه .
و سوا بها حادث أكثر من 4 مرات و هو معاه تصريح مؤقت و كل الحوادث هو ما كان فيها غلطان . كله هذا من العين .
الولد كره السيارة لدرجة إنه نزلها الصناعية و أهله صلحوها و تركها بالبيت و صار يجي بكامري 2007 .

بالنسبة لك أخوي أقول إن تاخذلك من السيارات الصغيرة و العملية إلين تتخرج من الثانوية و بعد الثانوية طق لك بانوراما مو أكورد .
يعني الللحين شوف الانسر الرياضية شكلها حلو و جديدة و قوية و فيها مواصفات جيدة بس طبعا ما توصل للأكورد .
أو خذلك سيفيك و ركب لها بدي كت و ألعب فيها إلين تتعب .

إذا اللحين إذا أهلك الله يحفظهم أشترولك أكورد V6 فل كامل فبعد الثانوية لو جيت تشتري سيارة فالأكورد ما راح تملى عينك لازم سيارة أغلى و وقتها ماراح تلتفت إلا للكزس و مثيلاتها .
و بعدين ترى أنا لما كنت ثانية ثانوي و لأني كنت زاحف الزحف الأليم بالدراسة أهلي قالولي أنجح بجيد جدا و نجيب لك ألتيما فل كامل طبعا و قتها سنة 2005 كانت الألتيما حلم الشباب و نجحت و جابوا السيارة لكن و الله ما سقتها هذيك السنة إلا شوي , وقالولي هذي السيارة بتكون حافز لك عشين تجيب مجموع 3 ثانوي .
طبعا بس كلام و أول ما بدأت 3 ثانوي كنت آخذ السيارة و على المدرسة طبعا ألتيما 6 سلندر و فل كامل و قير عادي 6 نمر و قوة دعس و برضو ما سلمت من عيون الشباب .
مرة تنسرق علي الالنيكل حق الشكمان , و مرة المرايات ألاقي و حدة طايحة و طبعا أنواع الخدش بالمفاتيح على السيارة .
فإنت لو تأجلها شوي لبعد التخرج يكون أفضل و يمكن و قتها تكون نزلت الأكورد بنافيجيشن و تشتريها و تصير أحسن واحد .

بالنسبة لمواصفات الأكورد 2008 .

محرك 6 سلندر و سعته 3.5 لتر بقوة 294 حصان إجماليا ( المعلومة هذي من كاتلوج الوكالة ) .
طبعا كشافات و جنوط ودلع و جلد إنت بتاخذ 6 سلندر .
مكيف لمس و شاشة معلومات أمامية .
طبلون مرقم إلى 260 لكن الفصلة عند 220 كلم .
مسجل من 6 سيديهات ويدعم امتدادت الـ Mp3 .
مرايات خارجية تنطوي كهربائيا .
رشاش لتنظيف الأنوار الأمامية .
و كثير من المواصفات .

تحياتي .