الموضوع: أول موضوع لي ... عن سيارتي

السلام عليكم ورحمة الله وبركاته..

بعد ما يقارب الـخمسة شهور على انضمامي الى هذا المنتدى الرائع والأخوي..نادي محبي الهوندا...وبعد ان وصلت مشاركاتي الى ما يقارب السبعين مشاركة كلها ردود وبس(قبل لا يهكر المنتدى:(...شر لا يعود)....
اقدم لكم اول موضوع لي في هذا المنتدى وهو عن سيارتي الاكورد السبيشل 2004<<<طيب وبعدين ..خير يعني:p

المهم لا نطول عليكم في المقدمة...

معاكم محجوب ولد ابو محجوب(طبعا هذا النيك نيم)
ولدت في مدينة******** في دولة******* ******* ******** في المنطقة *******
اخذت سيارتي الاكورد من سنتين وتقريبا نصف وما مشيتها للحين الا 75000 كم

ومن اول اسبوع صارت السيارة عندي..بدأت اعدل فيها(طبعا طالب ثانوية على قد الحال)

وبين كل كام اسبوع...يا اني احط شي وللا اشيل شي

من ضمن اللي حطيته بالسيارة:

جناح ...قطعة ستيل(فوق اللوحة مباشرة) ... زنون...تخشيبة ...تلبيسة جلد ...كنداسة ثانية ...جنوط 18 (هذي احطها واشيلها حسب الرغة ;)خخخخخخخ) ... صبغت الكليبرات باللون الاحمر ...غيرت الوان الطبلون الداخلي باضافة الاحمر(مثل الكوبيه) ...تهبيط خفيف بأسبنشنات رياضية ..نسافات قدام و ورا (بس اللي قام تكسرو من التهبيط والمطبات) ...أنوار عدسات(هذي مثل الجنوط) ...سستم صوت خفيف(سماعات وامبليفاير) ...

ولأني احب السرعة والقومات حطيت لي فلتر رياضي (هو ما يزيد القوة:p) لكن يحمسني لما ادعس البنزين واسمع صوتهوالحمد لله سيارتي نشيطة وراح تشوفون في الفيديو

اعتقد ان هذا كل شي...بس يمكن نسيت بعض الحاجات الخفيفة

والحين تفضلو الصور...بس كما ذكرت سابقا..السيارة عندي من اكثر من سنتين ..لهذا الصور هي عبارة عن كوكتيل من جميع هذي المدة دون تحديد ..حتى في وحده منهم تبان قديييمة...اول ما اشتريتها يمكن بعد اسبوعين والتصوير بالباندا
:p

تفضلوا..في المرفقات

في صور زيادة في الردود اللي تحت

نرجع لموضوعنا...بما اني احب سيارتي واعتني فيها ودايما اصورها...وبما اني احب السرعة والقومات بعد....سويت قبل يومين فيديو عن هالحاجتين ...الفيديو فيه عدة صور للسيارة وبعدين فيه قومتين مع اكورد 2005 عليها فلتر مثل اللي عندي..الاولى من الصفر والثانية من الاربعين والتصوير من السيارة الثانية.....على العموم هو اول تجربة في مجال الفيديو بالنسبة ليي...انا اشوف انه يستاهل التحميل مع كبر حجمه النسبي تقريبا 4.6ميجا ...كل واحد على راحته

مركز حمل ، مركز تحميل الصور ، مركز تحميل الملفات - تحميل الملفات


وبهذا اكون خلصت اول موضوع لي بحمد الله وبفضله...ما راح اقول ان شاء الله ما طولت عليكم لأني طولت مررررررررررررررررررة...راح اقول اسمحوا لي على الاطالة واللي عنده ملاحظة على السيارة او على كلامي لا يبخل ........ والسلام خير ختام

المجموعة الثانية من الصور

المجموعة الثالثة من الصور

المجموعة الرابعة والاخيرة وهي عبارة عن صور قمت بتعديلها تعديلات خفيفة...تقدروا تسموها ((تصاميم))

مع اني ما اداني اللون الزيتي على الاكورد
لكنك ما شاء الله ابدعت فيها بشكل مو طبيعي

اهنيك على ذوقك في التعديل
واهنيك على التصوير الاحترافي



يبيلنا نسوي لك مجله اسبوعية
عشان نتابع كل جديد في سيارتك

شغلات حلوة مرررررة ..
لكن سؤال ..
السيارة اللي يسار منو سيارتة .. ;) -جهة الراكب-

ماشاء الله تبارك الله ,,
اذكر سيارتك مضبوط ايام تجمع الشرقية ,,
كانت ماكلة الجو وعلى لسان الكل ,,,
يعطيك ربي خيرها ويكفيك شرها ,,,