الموضوع: كما وعدتكم .. تجربتي الشاملة والكامله لأكوردي 2008 فل [ بالصور والفيديو ] .. !

سالخييير جميعاً !

عقب مادفعت القروش وكلش دقوا علي الوكاله عشان اجي استلم الموتر !

هذي صوره الكيلوات قبل لا امشي من عند الوكاله ! :d

.
.

طبعا اول ماطلعت رحت للبنشر على طول لأن الموتر مثل الحصى من تحجير الكفرات

ابو عابد فالح يدحي الكفرات هوا .. لكن البنزين على الـ E

هنا تشوفون مقدمة الموتر مع مقدمه ابو هنود اللي جاء يوزن الهوا !

.
.

وهنا نشوف مؤخرة الموتر مع مؤخرة الهندي صديقي .. واللي اشغلن بكم شاري المركب الراهي ! :d

.
.

والحين نبي ناخذكم بجوله سريعة لشكل السياره من الخارج !

.
.

.
.

هنا نشوف إنه تشبه الآي إس من لكزس .. أو لا ؟ :d

.
.

وهنا نشوف إنه تشبة الـ 460 من لكزس .. ولا وش رايكون ؟ :d

.
.

مرايات مع إشاره مدمجه وقابله للتسفيط !

.
.

وهنا نشوف مع ورى بهالزاوية به شبه من الأفلون !

.
.

وهنا نشوف مع الأنوار الحااااااااده تشبه لحد كبير للبي إم << ماترك احد ماشبه علية :d

.
.

الخلفية مع الجانب الأيمن !

.
.

الإصطبات الأمامية مصممه بشكل مليء بالهيبــــــــــــــــة !

.
.

صور السياره من الداخل !

العدادات !

.
.

الديكور الداخلي !

.
.

الإناره الجانبية للأبواب !

.
.

وهوني مقارنة سريعة للي مايتسماش .. لكزس 460 !

هنا نشوف مقدمه مشدوده اكثر للأكورد مقابل مقدمه هادئة نوعا ما للكزس !

.
.

هنا نشوف مرايه تتسفط للموترين ونسبة ارتفاع اكبر للأكورد مقارنه باللكزس !

.
.

هنا نشوف الخلفية للموترين اللكزس والأكورد .. نلاحظ ان الأكورد دينيماكية بالتصميم الخلفي << ماهوب متعصب ابد

.
.

وبعد ان رأينا المقارنة سوف نذهب بكم قليلا في عالم الفيديو مباشره !

بعد مامرنتها وصارت بنت رجال ! :d

نبي نوريكم اداء السياره الأولية بعد ماسويت لها تيست [ اختبار ] .. مصورها مخصوص لمحبي هوندا !

المشهد الأول ! ;)

http://youtube.com/watch?v=O0c4R13TCHc

.
.

المشهد الثاني !

http://youtube.com/watch?v=O2P81smJk-M

.
.
.
.

بشكل عام .. مميزاتها اللي لاحظتها بقوه !

1 - مركب فخم وراقي واسلوب قياده اوربية !

2 - رساااااااااااااوه رهيبة في الخط ماشاء الله .. امشي 180 مثل 120 في سياره عادية !

3 - انوار الكشافات قوية وتغني عن الأنوار الأمامية .. وهالشي خلانس اتراجع عن قرار تركيب الزينون !

4 - وسااااااااااااااع ورحابة داخلية وهذي الميزه تميزت بفارق كبير عن الموديل الأول !

5 - نشاط اكثر من ممتاز بالنسبة لمكينه 4 سلندر !

6 - موية المساحات على شكل رذاذ !

7 - دركسون تقدر تقدمه وترجعه على كيفك ................. إلخ ...... إلخ

بعض العيوب البسيطة :

1 - لمبة الدرج ماتسكر مع تسكير الدرج ! :d

2 - الكبوت عشان يتسكر يبي له نفرين من الوزن الثقيل يجلسون فوقه ! :d

3 - الصوت اللي يطلع اذا نسيت المفتاح بالسويتس كنه صوت ساعة خراشه :d

4 - خلاص قضن العيوب بس حطيت 4 احتياط !

.
.

وياجماعة مانبي منكم إلا قوله : ماشاء الله !

والدوره ترى بعشره !