.
أخوي الكريم Honda
تقديري لروحك العالية وتفاؤلك اللا محدود مع هالوكيل ..
أردت أن أرد للتوضيح فقط ..
يا أخي ..
حط نفسك مكاني .. لو بغيت أغير زيت لسيارتي ( بس زيت مو فلتر ) لازم أنتظر أكثر من ساعة ونصف .. وإن كان التغيير مع الفلتر يبغالك ساعتين .. وبعدين يقول لي الله لايهينك ادفع 60 ريال ..
والله لو قال 100 بدفع .. ما في أحد يودي سيارته الوكالة ويمسك على جيبه ويقول السعر غالي .. لكن المرمطه في الانتظار انا مسؤول عنه ولا المهندس مسؤول عنه ولا مدير الفرع مسؤول عنه ..
من وجهة نظري إدارة الشركة هي المسؤولة .. لأنها ما تواكب القفزات الهائلة في المبيعات بين 1400 و 1427 .. ولا تحسب حساب لثقافة العميل اللي صار مقتنع تماما بأهمية خدمات ما بعد البيع .. اللي مع الأسف أبغاك تذكر لي تطوير واحد حصل فيها عند عبدالله هاشم ..
أقسم بالله .. ما نبغى تسحب الوكالة من عبدالله هاشم .. وأصلا من أحنا حتى نضره أو نضر أنفسنا .. لأن البداية من الصفر صعبة .. وإذا كان هذا الوكيل من سنين خدماته قريبة من الصفر معناته الوكيل الجديد راح يكون أسوء ..
لكن نبغى تغيير .. وين العيب لو صار في قسم يدقق وراء رغبات العملاء .. يشوف الشكاوي اللي تحصل ..
آمنا بالله القطع خلها غالية والصيانة خلها غالية واسعار السيارات خلها غالية ..
لكن اهتم بالعميل وتأكد العميل اللي يرتاح من هوندا ما راح يبعد عنها ..
نبغى خدمات صيانة راقية .. مو خدمات بنشر راقية ..
نبغى توسعة شاملة للفروع وزيادة عددها ..
وطريق الألف ميل من خطوة .. مو من تأجيل هذي الخطوة كل سنة .. والاهتمام بالمبيعات بس .. واهمال خدمات ما بعد البيع ..
أخوي Honda
يا أخي انت راضي عن الوضع الحالي .. عن التطنيش .. عن الاهمال من إدارة الشركة .. لا تقول لي نصبر ولا تقول الشركة راح تسمع لنا .. ولا تقول الوضع متحسن .. أبغاك تحدد لي جوانب التحسن والتطوير اللي تقولها ..
أشكرك أخوي Honda
مواقع النشر (المفضلة)