في البدايه ملاحظ اغلب الشباب طلعو عن محور الموضوع واللي هو القومه

اللي قال فخامه واللي واللي

مدري مصدقين المقطع

والله مايخش العقل ياناس

واللي مجرب الاكورد انا متأكد انه يعرف هالشي

لا تخافون الاكورد يمديها تكسر راس الالتيما او على الاقل تمشي معها

اما عن المقطع فـ مشكوك فيه واذا صدق يا في سواق الاكورد بلاء او الاكورد نفسها فيها بلاء

الاكورد جابت الميه معي في 8.4 اما الالتيما معروفه انها تجيب الميه في 8.5 ( هذا للأوتو ) بتقنعني ان المقطع اللي حاطه دليل قاطع على مستوى الاكورد مع الالتيما

لا يكون الالتيما طياره وانا مدري

وبالنسبه للعادي اذكر مره مع واحد من الشباب اكورد 2004 قير عادي ( اضعف من 2008 ) وفي واحد راعي التيما قير عادي ابتلشنا فيه يبي يقاوم ودسنا معاه وكسرنا راسه مع اننا 2 بالاكورد والالتيما لحاله وهي اخف


عزيزي تدري لو مشت الاكورد مع الالتيما او لو قامت الالتيما بشي بسيط لا زال هالشي في صالح الاكورد والسبب الوزن

تعرف وزن الالتيما ووزن الاكورد

تعرف كيف يأثر الوزن بالتسارع

وفوق هذا كله شوف شكل الالتيما رياضي بحت

اما الاكورد سياره ثقل وزانها وفخامه

يعني هوندا يوم صنعو الاكورد ما كان اولى اهتماماتهم انها تقوم على هذي ولا هذيك

ولو حطو هالشي براسهم كان تبطي اشطر التيما عليها

ولك مثال في مكاين السيفيك تايب ار



اقتباس المشاركة الأصلية كتبت بواسطة محايد مشاهدة المشاركة
الاكورد بكل موديلاتها ثقيله واتت 2008 وزادت الطينة بله
وش الفايد اشتري سيارة بـــ 92 الف ريال وعزم الكورلا افضل منها
ولامواصفات ولا شكل ولا قوة اللهم لك الحمد مغترين فيها ومصدقين انفسكم
وملاحظ عليكم تعصب شديد لا صحاب الاكورد بكل المنتديات تقل معاكم بي ام
ماتدرون انها سنتين وتبدا الخرابات والمشاكل بالاكورد الي اننم مشلغينا فيها
ومن زين الطبايع تعال شف قطع الغيار اسعار نار وبعد فترة بسيطه تنتهي واكبر مثال الفحمات كثير من اصحاب الاكورد يشتكون من الفحمات (( القماشات ))


لك من اسمك نصيب :d

مع ثقل الاكورد الا وانها تقوم على كامري عادي وهي اوتو ( على ماذا يدل ؟ )

المواصفات الترفيهيه موجوده بس ابيك تركز على المواصفات الاهم من الترفيهيه وهي مواصفات السلامه وقارن مع غيرها هذي المواصفات اللي المفروض الفاهم يبحث عنها اصرف من بعض المواصفات الترفيهيه اللي ماقصر فيها ابو جميل بجده ( تلفيق )

انا ما ابي مواصفات ولا اخذ لي شي ملفق ,,, مصيبه والله الواحد ياخذ له سياره جديده بحكم ان ما احد لمسها ولا لعب فيها واخرتها مفككه في جده لين قالت بس

بالنسبه للشكل ( كيف حال ذوقك )

بالنسبه للخرابات ترى انت مضيع يابو

تبي تعرف الجوده

سكر باب الاكورد وقارنه مع اي سياره في فئتها

امش بالاكورد في شارع مكسر وشوف كيف المتانه العاليه اللي فيها

سياره جامده بمعنى الكلمه وقارنها بالكامري ( مضرب المثل بالجوده ) << سابقاً طبعاً :d