اخوي الحل الصعب صباح/مساء الخير ، بعد مادخلت منتديات تويوتا العربية (منتدى اوريون) استنتج ان اكثر الاعضاء متضايقين من طقطقة الديكور داخل المقصورة لدرجة ان هناك شرح بالكامل عن طريق فك وتركيب مع الربط الجامد على الكلبسات وهذا بحد ذاته لايجود في الاكورد ولووجد راح اعطيه 10% بالنسبة لي انا اعطيه وبكل فخر 0% ، وهناك من يشتكي من عدم الثبات السيارة على السرعات العالية والإهتزاز مع الهواء , ايضاً ازيدك من الشعر بيت العزل الصوتي والهواء الكل يذمه وبقوة فكيف مانفخر بسيارة من هوندا وتحديداً اكورد ، وإذ على طاري السرعة فعندك V6 2008 منافسة قوية للاوريون إذا كان انا متهول من V6 2007 اللي معاي بصراحة نتائج مبهرة في المقاومات وعلى الخطوط السريعة , وإذا على 40الف وغيرت الفحمات ، انا على 30الف وغيرت الهوبات الأمامية تخيل هوبات بالكامل يقولون ماينفع الخرط بسبب اني دمرت السيارة بنفسي من كثر الجكر ، ومع هذا كله مااسمع صوت في السيارة ولاتنسيم إلى على السرعات العالية والسبب يرجع في بعض الاحيان على قوة اصدام الهواء بالسيارة فنحس ان هناك تنسيم وهو عكس ذلك تماماً ، حتى الشباب اللي في الموقع اكثر مشاكلهم من الكفر الخلفي الايمن وباب السائق وكلها عيوب مصنعية وطبيعي تنزل مع اول سنة لكن اللي مو طبيعي انها تستمر حتى على 2009 لأنه المفروض تتغطى بالكامل وفي الاخير هي عيوب طفيفة واكثر الاعضاء عالجها بكل اريحيه وبدون اي إستياء نفسي اوبغض للسيارة ، مافيه اي سيارة جديدة الهيكل لاتخلو من المشاكل الاكورد سيارة روعة لكن سوف نظلمها اكثر ان قلنا بأنها كاملة لأن هناك مايسمى بعيوب تصنعية مستمرة مثل طقة القير والنور المضاء في الدرج الأمامي خاصة على الجيل السابق ، لكن إذا قارنا السيارة بشكل عام مع السيارات الأخرى راح نشكر ربنا وراح نعطيها اقل حاجة 90% سيارة تستحق الإقتناء وبكل فخر ، وإذا على السرعة فمشكلتك انك ماامتلكت 6سلندر من اكورد عشان ترضي غرورك وشغفك ولو امتلكتها انا عندي قناعة تامة انك راح تنسى شيء اسمه اوريون لأن من طريقة كلامك تبين ان كلامك موجه للسرعة ، اما من ناحية المواصفات فهناك شاشة للاكورد اكيد انك دخلت على الموضوع الخاص بها وبها كل المواصفات المطلوبة والتي تحاكي العصر واكثر من ذلك بكثير وافضل من شاشة الاوريون اللي مقدمها عبداللطيف جميل من انتاجه وإخراجه :d، سالفة المواصفات انت تقدر تضيف على سيارتك مواصفات خيالية وخاصة من محلات اكسسوارات فخمة ومضمونة ، والاوريون اخوي من الداخل مثل الكامري تماماً لكن هناك كذا اكسسوار مع المحرك الفخم والتغيير الخارجي يميزها فقط ، اما الاكورد فلا مجال للتقليد لأن الاكورد شعارها دائم التميز والإنفراد سواء في الشكل الخارجي او المقصورة الداخلية والرحبه والتي من شيمها الكرم ، والتي ترحب بالضيف اشد ترحيب ، فلو نلقي نظرة على تصاميم هوندا بشكل عام لرأينا العجب والسبب ان كل تصميم يختلف عن الآخر سواء من الداخل او من الخارج هذا بحد ذاته يثير الدهشة
، اما تويوتا بشكل عام فهي التقليد بعينه من يارس إلى LS460L تلاحظ الشمعات الممتطة إلى الخلف والشبك العريض ويتوسطه شعار تويوتا يعني اقدر اقول LS460L كامري فخمة وبالأصل شعار لكزس في اليابان تويوتا وليس لكزس .
مواقع النشر (المفضلة)