أهلا حبيبي وشاكر لك في البداية على هذا الموضوع الحساس الذي لو اطلع عليه الوكيل من الممكن أن يقوم بتغيير سياسته من ناحية الصيانة وقطع الغيار .

في إجابة عن التساؤلات التي طرحتها ..........
1- أنا احتجت الضمان في مشكلة ليات الدريكسون و مشكلة فيوز مضخة البنزين و أيضا أقفال الأبواب الأمامية .
2- سويت الصيانة هذي وكلفتني أعتقد 55 ريال أو 65 ريال ما أذكر بالضبط لكن الضمان لايسقط إذا ماوديت سيارتك الصيانة .
3- صيانة الـ 5000 حسب معرفتي وكلام أحد موظفي الصيانة وهو صاحبي قال إن صيانة 5000 هي مجرد تغيير زيت وفلتر لا يكلف في الوكالة أكثر من 80 ريال في الخدمة السريعة أما إذا طلبت لها صيانة حياخذوا منك 250 ريال فأنا ماسويتها .
4- الصيانات إللي سويتها :
1000 كلفتني 65 ريال .
10000 كلفتني 350 ريال .
20000 لم أقم بعملها والسبب أني أدخلت السيارة صيانة الـ 10000 وكانت ماشية 16500 فقالولي وأنا بأستلم السيارة لاتجيبها صيانة 20000 وحتى لما وديتها صيانة 20000 وأنا قاعد على المكتب أمام المهندس وهو يراجع سجل سيارتي على الكومبيوتر فقال لي سيارتك مافيها شي أتوكل .
30000 كلفتني 515 ريال وفيها قمت بتغيير الأقمشة الخلفية .
40000 كلفتني 1700 ريال ( تقريبا ) وأعتبرها أهم صيانة للسيارة لأنه كان فيها تربيط كامل للسيارة و تغيير فلتر المكيف ( تصور ياخذون على تركيبه 300 ريال وحتى دقيقة ماياخذ ) وغير أيضا الأقمشة الأمامية وطبعا البواجي وتنظيف البخاخات يعني السيارة ماشالله رجعت جديدة .
50000 ماكان فيها شي مهم يتغير كانت مجرد تشييك لا أكثر ولا أقل .
60000 حاليا السيارة في الوكالة و بكرة يوم الإستلام وكلفت السيارة حتى الآن 930 ريال وطلبت فيها تغيير المساعدات الخلفية لأنها بدأت تطلع أصوات وتغيير الأقمشة الأمامية والخلفية مع الهوبات و وزن السيارة بالكومبيوتر بسبب الحذفة وطبعا هم يشيكون تشييك كامل على السيارة جزاهم الله خير .
5- أنا أعطيه جيد جدا و لو إنهم غاليين شوي لكن السيارة تستاهل خصوصا إذا إنت راعي خطوط و خصوصا إن سواقتي فيها شوية دعس و إنشالله بأكمل معاهم بس كل 20000 كلم .
6- و الله أنا عن نفسي إقتنعت إن سيارتي مايعرف لها إلا من صنعها لأني تعبت و تعبت السيارة من شغل الورش الخارجية إللي يتعلمون على سيارات الناس ويصلحون شي ويخربون ألف شي عشين كذا حتى لو كانت التكلفة غالية فالأغلى هي سلامتك بالسيارة .

شاكر لك مرة أخرى إثارتك لهذا الموضوع وإنشالله بنستفيد من خبرات بعضنا .
تحياتي لك
أخوك : خالد .