إلى أصحاب الخبره ( أنا جديد على الهوندا كلياً )

**نصر القصيم** · 13-09-2008, 12:15 PM

إلى أصحاب الخبره ( أنا جديد على الهوندا كلياً )
بسم الله الرحمن الرحيم

من حديث الناس عن الهوندا وعن قوتها

ومن مارأيته من جمال يبهر

إشتريت مساء أمس هوندا كورد 2009 سبيشال

السياره لازالت في المستودع

ولكني محتاج أعرف منكم أعزائي وش الأشياء الأساسيه والمهمه اللي تحتاج لرعاية في الهوندا

لإني ناوي أستخدم ومطول وأبي أحافظ على السياره قدر المستطاع

أغيّر زيت بعد ألف كيلو في الوكاله أو أي بنشر

أشغل المكيف عادي أو أنتظر لين تخلص ألف كيلو

زيت القير يتغير بعد الألف كيلو أو لا

تنصحوني بالتشييك مع الوكاله كل 10 آلاف مستقبلاً ؟

لاتبخلون علي ياإخوان الله يجزاكم خير

**A C C O R D 0 8** · 13-09-2008, 12:18 PM

اللله يبارك لك فيها ان شاء الله ..

سو بحث بنفس طلبك في المنتتدى وان شاء الله تحصل اللي تبيه ..

مواضيع كثر الدنيا ومايهم الواحد الا ينزل موضوع مباشره ..

طيب يبوي سو بحث واذا ماحصلت اللي تبيه انت على العين والراس ..

وسلامتك ..

**gogo** · 13-09-2008, 02:49 PM

بسمه تعالى :

أولآ نبارك للمنتدى من مؤسسين و أعضاء هذا التطور المذهل على مستوى أغلب منتديات هوندا قاطبة لا الحصر ^__________^

ثانيآ نبارك لك أخي الكريم إمتلاك المارد الياباني و تشريفك عضوآ فاعلآ و أحد مالكي الأكورد الجدد ^__^

ثالثآ مراجعة الوكالة للتشيك و غيار الزيت لأول 1000KM هو ن الضروريات لفحص مستويات الزيت و الماء و أي عيوب أخرى قد تظهر بعد الإستخدام و هي الطريقة الأكثر ضمانآ لراحة العميل مستقبلآ ... و يمكنك تشغيل المكيف عند قطع أول 1000 km و بسرعة التمرين بين 100 إلى 120 km بدون أي تأثير على المكيف ....و زيت القير يحتاج إلى مسافة نهاية الضمان لتغييره و لا يحتاج التغيير أول الألف كيلومتر ..... و أنصحك بالتشييك بالوكالة بعد قطع مسافة أول 10.000km و ال 20.000km و مضاعفاتها لوجود بعض القطع التي تحتاج إلى تغيير بعد قطع هذه المسافات بالرغم من الأسعار الباهضة قليلآ و لكنها تستحق العناء لضمان راحتك و راحة السيارة مستقبلآ ... و شكرآ .

**wahd** · 13-09-2008, 04:14 PM

السلام عليكم

مبروك الله يعطيك خيرها ويكفيك شرها

إذا تبي تحافظ أول شيء أرفق على المطبات

وغير الزيت كل 4000 أو 5000 عند البنشري مايخالف

ودها الوكاله عند 1000 و5000 ولاتودها إلا 60000 وبعدها 100000

والمكيف تشغله عادي

وإن شاء الله أني أفـتــك

**أكورداوي** · 13-09-2008, 05:02 PM

المشاركة الأصلية كتبت بواسطة wahd

السلام عليكم

مبروك الله يعطيك خيرها ويكفيك شرها

إذا تبي تحافظ أول شيء أرفق على المطبات

وغير الزيت كل 4000 أو 5000 عند البنشري مايخالف

ودها الوكاله عند 1000 و5000 ولاتودها إلا 60000 وبعدها 100000

والمكيف تشغله عادي

وإن شاء الله أني أفـتــك

عندي تعليق بسيط على ردك أخوي ..

أولا تغيير الزيت عند الوكاله أفضل بمليون مره من البناشر لعدة أسباب .. أولها أنها أرخص .. ثانيا تضمن جودة الزيت والسيفون .. ثالثا انهم يشيكون لك على عدة نقاط في السياره مجانا .. رابعا تحتفظ بالفاتوره وعند التغييره السادسه يعطونك كرت تغير المره الجايه زيت وفلتر وتربيط للسياره ب 20 ريال فقط ,,

وبالنسبه للصيانه ..

أنا أفضل أولا انك تسوي صيانة 1000 و5000 كم .. ثم 40000 كم مباشرة لأن الي بينها استنزاف فلوس ع الفاضي لكن عند ال 40000 كم تحتاج تغير كم شغله مثل البواجي وزيت القير .. ثم 80000 كم و100000 كم لأنها مهمه ..

وان شاء الله ربي يكتب لك الي فيه خير

ويعطيك خير السياره ويكفيك شرها وشر العيون