ليش شريتها كامل المواصفات ؟؟؟؟؟؟

**BLK** · 30-09-2006, 01:11 AM

السلام عليكم و رحمة الله و بركاته

كيف حالكم يا أحلى أعضاء

الصراحة من زمان ما شفنا موضوع يحلى فيه النقاش .... و أتمنى أوفق في طرحي لهذا الموضوع .....

و هو بخصوص المواصفااااات ؟؟؟؟

و لن نسرح بعيداً بخيالنا إلى مواصفات الأكورد الماليزية أو الأوروبية أو الأمريكية ... خلنا على السعودية و عبدالله هاشم <<<< يحب بلده :d أقصد قنوع ;)

نبدأ بسم الله الرحمن الرحيم :

ليش شريت السيارة فل كامل ؟؟؟؟ و ليش ما أخذت السياحية ؟؟؟؟

هل تستحق الفل كامل السعر الذي دفعته في مقابل المواصفات ؟؟؟

و لماذا لم توفر ذلك المبلغ و تدفعه في تعديل سيارتك يعني بصريح العبارة تسويها بإستايلك ؟؟؟

أتمنى يا شباب التفاعل في الموضوع ..... بغض النظر عن نوع السيارة ....

**دحوم** · 30-09-2006, 03:59 AM

بالنسبة لي شريتها فل كامل لكي ارتاح من التعديل والتضبيط فيها مع ان اخواني من البداية قالوا لي اشتر اللي تجي بالطيس لكن قلت فل وريح بالك .

لكن للأسف فيه مواصفات كثيرة كنت اتمنى تكون بداخل الاكورد لان الاكورد على شكلها تستاهل مواصفات هي الآن ناقصة لكن في الخارج كاملة بس وش نقول لعبدالله هاشم .

بصراحة تعبنا معاه .

**Blue Love** · 30-09-2006, 04:47 AM

صراحة انا كنت ابيها اللي تحت الفل اوبشن بس للاسف انحديت للفل لانه مافية الا هي :(
طبعا الست سلندر ..

اما التعديل والتضبيط فهذي اشياء بالنسبة لي اعتبرها ثانوية لان الاهم تشتري المهم .. وانا كان المهم عندي المكينة الستة ...

**حياتي كلها اكورد** · 30-09-2006, 03:45 PM

انا ابوي شراها لي وحطاها لي بالحوش وغطاها بـ البطانية وقال لي عندي مفأجاه وقفلت عيوني ومسك يدي ووداني للحوش وقال لي افتح عيونك يا عموري وفتحتها ولقيت السياره

وهذا اللي صار بالحرف الواحد

**أبـوسعـود** · 30-09-2006, 05:37 PM

هع هع هع ...

اانا اهم شي عندي المكينة هع هع ..

وعشان كذا ابلشت الوالد لين شريتها هع هع قال ايش قال خذ كامري هع هع ...

.

**أكورداوي** · 01-10-2006, 01:41 AM

الفرق شاسع بين الفل وبين السياحي من ناحية مواصفات ومن ناحية سعر ...

كثير من الشباب يهم بس الشكل الخارجي .. يعني يشتري سياحي بفتحه ويركب جنوط ويصبغ الزوايد على لون السياره .. لكن من داخل في فروقات شاسعه .. وهي الي خلتني اشتري الفل بدون تردد ..

1- مثبت السرعه وهو شي ضروري بالنسبه لي لأني ماسك خط الدمام الحساء طول وعرض اسبوعيا .. وبصرااااحه مرتاح لأبعد درجه ..

2- الجنوط وهي الي محليه السياره .. صحيح في جنوط تجاريه وتعطي نفس المنظر لكن يبقى الأصلي أصلي ..

3- نوع الكفرات (( ميشلان )) من أفضل الأنواع اذا ماكان الأفضل ويهمني بعد في الخط ..

4- التحكم الثنائي للمكيف ويفيدني كثيييييييير اذا ركب معي الوالد ;) ..

5- التخشيب أعطى السياره فخامه من داخل ..

6- نظام مانع التماس العجلات المتوفر في الفل كامل فقط ..

هذي الأسباب الي خلتني اشتري الفل ولو كان مستعمل ولا أشتري السياحي ولو كان جديد ..

**الماستر حنوم** · 03-10-2006, 09:01 PM

صراحه الاكورد ماتستحق ادفع فيها اكثر من 720000 وهذي الصراحه
انا اخذتها باهم شيين الي هو الفتحه والغير وركبت الجنوط وصبغت الصاجات وركبت جلد وما كلفني كل ذا الا تقريبا 3000 ريال يعني طلعت علي ب 75000
ويضل مبلغ مرتفع

**أكورداوي** · 03-10-2006, 11:59 PM

المشاركة الأصلية كتبت بواسطة الماستر حنوم

صراحه الاكورد ماتستحق ادفع فيها اكثر من 720000

كلنا ندري الشي هذا ... احطي لي 370000 على رنج أطلق لي ...

راااااااااااااااحت عليك ... يالشاطر ...!!!:p

**الماستر حنوم** · 04-10-2006, 12:41 AM

المشاركة الأصلية كتبت بواسطة أكورداوي

كلنا ندري الشي هذا ... احطي لي 370000 على رنج أطلق لي ...

راااااااااااااااحت عليك ... يالشاطر ...!!!:p

انا كند اقصد 720000 ليره سوريه
خخخخخخخ
عاش مصرف

**H 4 EVER** · 04-10-2006, 03:02 AM

انا شريتها سياحي بدون فتحة بعد(2003)

بصراحة سعرة كان حلو 56000 ريال بس والفل كان 72000

**accord-se** · 04-10-2006, 01:44 PM

لما تشوف الأكورد السياحيه وتشوف الفوول بتعرف ان السياحي قرعه مع إحترامي

عندك ازرار كثيره بالفوول غير موجوده بالعاديه و كلكم تعرفوها ولله الحمد

كذلك جنوط الوكاله تتحمل الصدمات اكثر من غيرها

وبالنسبه لتعديلك الخاص الي بتعمله على السياحي ممكن بعد التعديلات تاخذ عليها مخاله من الشرطه الكريمه اقل شي مخالفه كذلك راح تصرف وقت ومال وجهد ووجع راس وممكن النتيجه غير مضمونه مثال لو تبي تركب مسجل الفوول شوف الصعوبات الي بتواجهك . مثبت سرعه . ازرار التحكم بالمسجل . جنوط اصليه . مكيف دبل . جلد . تخشيبه

لو تجي تحسبها ممكن تكون أنت موفر فلوس و كذلك وقت وشغل نظيف لأن الفرق تقريباً 12 ألف او شيئ كذا وأنتم أخبر
...... إنشاء الله مافي أخطاء إملائيه:d
في النهايه كل واحد ورغباته

**اتــشـــــ** · 05-10-2006, 05:36 AM

شريتها كاملة المواصفات ؟

لاني انسان احب الكمال ( والكمال لله )
ومع ذلك مااعتبر نفسي شاري فل :o
والسبب

:
لايوجد نظام ملاحة
لايوجد زنون
لايوجد تبريد وتسخين للمقاعد
لايوجد حساسات للصدامات
لايوجد حساس لدرجة الحرارة
لايوجد تحكم في الصوت من الدركسون
لايوجد مساعدات لحمل الكبوت
لايوجد ستارة خلفية
لايوجد ستريو MP3
لايوجد تكييف خلفي
لايوجد لمبات تحذير في الابواب الخلفية
لايوجد طفايات سجائر في الابواب الخلفية
لايوجد كشافات ضباب
لايوجد تحكم كهربائي لكرسي الراكب .

بس خلاص يكفي :d

**ن ك د السـعــــوديه 3 5 7** · 05-10-2006, 11:25 AM

اما انا بصراحه شريتها فل لاني مااحب شي اسمه سياحي ولا احب كثرة التضبيط

احب تكون السياره توب التوب

**حياتي كلها اكورد** · 05-10-2006, 11:43 AM

المشاركة الأصلية كتبت بواسطة ن ك د السـعــــوديه 3 5 7

اما انا بصراحه شريتها فل لاني مااحب شي اسمه سياحي ولا احب كثرة التضبيط

احب تكون السياره توب التوب

ياعيني على توب التوب:d

**ن ك د السـعــــوديه 3 5 7** · 05-10-2006, 12:26 PM

ياعيني عليك انت

اقول ودي اشوفك اليوم

**حياتي كلها اكورد** · 05-10-2006, 12:31 PM

حدد موقعك
و اجيك لاكن انا الحين مداوم وما اخلص الا الساعه 7 المغرب واول ماروح للبيت اقابل ابوي المدلع باسم ((شريخان)) عصبي 24ساعه :d وانام وبعدها اكيد اني اقوم الصبح ثاني يوم لاكن لو تخليها يوم السبت وبراحتك

**ن ك د السـعــــوديه 3 5 7** · 05-10-2006, 12:43 PM

خلاص السبت بس تراني ماشي يوم السبت بالليل تقريبا 12 الليل

او كي ؟

**حياتي كلها اكورد** · 05-10-2006, 01:32 PM

اوكي :d

**BLK** · 06-10-2006, 02:47 AM

ما شاء الله كلكم تحبون الفل ...

و صحيح الفل فل و توب التوب :d

أقول اتش ..... الحمدلله .....

**A C C O R D** · 06-10-2006, 01:06 PM

والله انا كنت ناوي الفتحه وطيس والباقي تركيبه علي مثل الجنوط والتخشيب وغيره

لكن جتني السياره هديه من الوالد لأني كنت ناشب له في الاكورد وكنت متوقع انه انه اذا بغا يشتريها بيقولي لكن مادريت الا السياره في البيت ((سياحي))

والحمد لله المهم انها اكورد ....., ولا جا شي ثاني

**H 4 EVER** · 07-10-2006, 08:39 PM

يا شباب
احترمو مشاعر اصحاب السياحي شوي:(

**JUVENTUS** · 09-10-2006, 10:49 AM

:d :d :d أنا بصراحة كنت أبي السبشل في الوكالة ركب أبوي السبشل وإتفقنا على السبشل أن وياه:d :d :d

قعدنا عند موضف المبيعات

محمد العليان

أفضل شخص شفته بحياتي وقال لأبوي ليش ماتشتري فل أبشن أحسن مواصفات وفخامة وكلام واجد يدوخ الراس.!.!.!.
:p :p أبوي على الطول وافق:p :p
;) وهذي قصتي;)

**H @ Z ! M** · 12-10-2006, 07:25 AM

أكيد الكل يبغى الفل لأنه يفرق عن السياحي بمميزات كثيره حلوة

وأنا الوالد كان ناوي يشتري لي سياحي لكن سبحان الله راح يغسل سيارته في المغسلة وشاف راعي أكورد يغسل سيارته ومنزل طيسها الله يجزاه بالخير <------- الين ذحين ادعيله :p
وماعجبته جنوطها السودا عشان كذا قلي أصبر ياولدي شهر وخذ لك فل كامل وما كان مني الا اني صبرت شهر كامل والحمد لله اخذتها بس بدون جلد وهذا كان بأختياري

وطبعاً ما قصر الموظف هو الي زاد على الموضوع وأكده

ومشكوور يا بلاكي عالموضوع

**accord 06** · 12-10-2006, 09:15 AM

فرق المواصفات يستاهل فرق السعر و زياده

و الحمد لله كان فرق السعر متوفر فأخذت الفل

**الاخطبوط** · 13-10-2006, 12:16 AM

الفرق بين السياحي والفل كبير

وانا انسان احب الفل >>>>> ولايهون الحمص :d

خصوصا فرق السعر ليس بكثير ويستاهل الزياده

ولولا ان السته سلندر كانت بـ 99 الف كان اخذتها لكن سعرها كان زايد جدا جدا جدا

وسعره المفروض يكون 90 الف على الاكثر لان الاختلاف الابرز هو في الماكينه فقط

والاربعه سلندر المفروض يكون الفل 83 الف على الاكثر

والحمد لله على كل حال

(الشباب ماخلولان شي نقوله)