مبروك .. الله يعطيكم خيرها ويكفيكم شرها
بخصوص النصائح .. تفضل :
1- يستحسن أنك ما تخلي البنغاليين اللي في الشوارع يغسلون سيارتك (يحطون فيري ويخلطونه بقاز احيانا) وأصلا طريقة غسلهم غلط لأنه يحط الفيري ويفرك الاسفنجه على بدي السيارة وهو مغبّر ! يعني يزيد الطين بله ويخدّش البوية ويخرب اللمعة (مع تكرار الغسيل بهذه الطريقة)
الأفضل يا أخي الكريم انك تروح محلات ساكو وتشتري شامبو خاص للسيارة واسفنجة خاصة ناعمة
وبعد كذا تروح مغاسل السيارات اللي تجيك في محطات البنزين .. تعطيه الشامبو والاسفنجة وتقوله يغسلها زي ما يغسل أي سيارة ثانية ..
لازم تستخدم مواد مصنّعة خصيصا للعناية بالسيارة .. موب الفيري حق المواعين اللي يطيّر لمعة السيارة بعدين !
2- تسخين السيارة مهم .. انتظر لين يخف صوت الماكينة ويطلع عداد الحرارة فوق شوي .. لا تمشي وهي باردة لأن الزيت يبي له وقت عشان يسخن ويتحرك بين أجزاء الماكينة
3- حافظ على الصيانة الدورية وتغيير الزيت في الموعد .. وينصح بتغييره عند الوكيل .. لأن محطات البنزين داجين احيانا يزود لك ربع علبة او نص علبة ويحوس الماكينة (التأثير يبين بعد فترة)
4- ضغط الكفرات شيّك عليه في الشهر مرتين .. يفضل انك تشتري مقياس ضغط أصلي وتشيك من فترة لفترة .. انخفاض الضغط حتى بشكل بسيط يسبب تآكل متزايد للكفرات ويأثر على استهلاك البنزين !
5- الدعس بقوة .. المقاومات .. التفحيط .. التنطيل .. كل الأمور هذي تقلل عمر السيارة وتطلع لك مشاكل بعدين ..
واذا تبي اي معلومات زيادة يا كابتن .. لا تتردد بالسؤال
المشاركة الأصلية كتبت بواسطة deeno
مبرووك.. ونصيحتي الوحيده
ضوابط المشاركة
رد مع اقتباس
مواقع النشر (المفضلة)