عدة معلومات حلوة :
1-نظام الـvsa موجود في الأكورد من موديل 2003 لكن بس في الـv6.
2-بعدها النظام صار موجود في الأكورد الـl4 الفل فقط والـv6 في موديلات 2006-2007.
3-في أمريكا النظام هذا موجود في الأكورد في كل الفئات حتى الستاندرد (أعتقد من موديل 2003 الى الآن).
4-هالنظام ممتاز وشغلته مهمة وهوندا جالسة تحطه في كل سياراتها تقريبا حتى السيتي ... لكن هالكلام مو في الخليج.
5-في الخليج بشكل عام والسعودية بشكل خاص الوكلاء يلعبوا لعبتهم ويجيبوا السيارة وبمواصفاتها لكن بالأقساط ... تلاقيهم كل سنة او سنتين يضيفوا شي موجود في امريكا من زمان ... مثل ما عملوا ألحين مع الأكورد والسيفيك 2009 لما حطوا هالنظام فيهم.
6-الـvsa نظام مهم جدا ومفيد جدا وما أحد منكم يقدر ينفي هالشي .... صحيح الواحد يتوكل على ربه في كل مشوار وان شاء الله ما يصيبه شي .... لكن هالنظام يعتبر هو (العمل بالأسباب) يعني الشخص تصيبه مواقف غصب عنه مثلا تتجاوزك سيارة فجأة أو تدخل دوار وتتفاجأ أن فيه مويه ...أو أي شي ... فاللي يسويه هالنظام أنه يحوس في البريكات بطريقة الكترونية فتوزن السيارة الى ان تصير مستقيمة ... وبصراحة الثبات في الأكورد 2008 صفر عالشمال .... أي منحنى أو بريك بقوة تسمع صوت الكفرات ولو تزيد السرعة تزيح علطول ... وثقل الوزن يعتبر عيب في المنعطفات خاصة اذا كانت السيارة تخلو من انظمة الثبات وخاصة ان كفرات الاكورد الميشلان سيئة جدا جدا وما فيها ثبات ابد ... وأنا مجربها على سيارتي وحسيت بالفررررررررق عن البريدجيستون ادرينالين ...

الزبدة : أنا ما عندي Vsa لكن أعترف أن هالنظام مفيد جدا وترا هوندا ما حطوه علشان يعبوا الفراغ حق الزر الفاضي .... أدري أنه حسره عليكم يا راعيين ال2008 لكن خلكم واقعيين ولا تقولوا كلام فاضي وبطيخ ومدري ايش

سلااااااااام ..