رد مع اقتباسوين الناس !
السلام عليكم ورحمة الله وبركاته
احبتي قدر الله علي واشتريت crv موديل 98 ، الحقيقه البودي حقها نظيف ووداخلها جميل ومكينتها حليلهوقيرها الأتوماتيك يمشي الحال ينتع احياناً اذا حركت وعشقت واحياناً اذا دست عليها بعد الغيار الاول او الثاني يوقف ثواني ثم ينطلق :d
الشاهد في الموضوع بعد أن مشيت فيها بعد الثمانين لاحظت وسمعت فيها اهتزاز و حنة او اصوات مزعجه بصراحة جو قيادتها في هذه السرعه وما فوق غير مريح ؟
قلت يمكن يبغا لها كراسي مكينة لكن قال لي فني هوندا في ورشة بالصناعية الكراسي مسؤلة عن الإهتزاز اذا السياره واقفه وهي فيها بصراحة هزة خفيفة وهي واقفة !
قال لي يمكن ان عامود كردان هو المسؤل إذا لم يكن مستقيماً تماماً خلنا نجرب نفكه يمكن يروح الإزعاج ، فكيناه بالورشه وجربت قيادتها وومنذ قاربت الثمانين إلا الاصوات والإهتزاز والإزعاج موجود ماتغير شيء ، رجعت للورشه واعدنا العمود لمكانه :o
وش رايكم ياجماعة الخير ماهي اسباب هذا الإهتزاز والإزعاج ؟
وهل بالإمكان ان يختفي هذا الإزعاج وتصبح قيادتها ( لينة ناعمة مرنة )؟
افيدوني بارك الله فيكم بالتفصيل الممل ماأبي احد يضحك علي من الفنيين بالصناعية وإذا فيه مختص بــ crv وخاصة القديمة من موديلاتها عطوني العنوان واسمه !
وماذا عن القير والنتعه والتوقف عن التغيير الذي يستمر ثانية ثم يغير القير هل اصلاحه مكلف ؟
وهل يمكن تشحيمها ( كود انها تلين ) وتصبح لينة يمكن انها شاقصة مع البرد !!:d
هل يكون هذا الإهتزاز بسبب تآكل الجلَد او الربل ومن المسؤل من اجزاء السيارة التي لها علاقة ؟ اسمع بالجلَد ولا ادري وين موقعها ، طيب لو غيرت ( اليايات ) ممكن تلين شوي ! معليش لاتشرهون تراني أثري
ولا برايكم ستكلفني الكثير لإصلاحها ؟ ابيعها واريح راسي رغم اني ارتحت لها وكذلك اسرتي الصغيرة انبسطت من فساحتها وارتفاعها مقارنة بسيارتي الأولى !؟
علموني ياكرام ولكم مني ومن اسرتي الدعاء بظهر الغيب لكم
افيدوني افادكم الله ووفقنا وإياكم لكل خير
تحياتي لكم
وين الناس !
هلا بك اخوووي ,,
ياخي مشكلتك كل ما اشوف موضوعك اكون حالتي حاله وعيوني مسكره :d
المهم ,, خليني اقولك شغلتين ,,
السي ار في صلبه في طبيعتها ,, ومادام بان السرعه على ال80 تعجبك ,,
اذا جربها على 140 :d على مسؤوليتك والله :d
انا مشكلتها عبيطه من الثمانين الى الميه وعشرين
الميه واربعين عليها ثبات ماتجيبه شبح
الطقطعه والربلات والشغلات هذي ,.,.
شيك على الجامبينات الاماميه .. روح الى مقدمة السياره ,, بعدين حط يدينك على اليمين وهز السياره ,, وروح جهة اليسار وهزها . شوف نفس درجة الاهتزاز او في مكان صلب ؟
بالنسبه للقير ,, صارت لي التنتيع اللي تقول عنها ,,
والحل كان بفك غطا القير من الاسفل ,, وتغيير الزيت بعد ازاله الرواسب منه ,, المشكله بانه السي ار في ماتحتوي على فلتر للقير ,, ومعظم الناس تقولك لا تغير زيت القير لا يخرب ووووو .
ونصحيه اخيره ,, انتبه تفك شي من العضلات قدام عند ورشه هبله او ماعندها خبره ,, والله بتندم !! خطا بسيط ممكن يكلفك الووف يالغلا :d
اذكر مره رحت الى ورشه وقال لي غير الجامبين ,, المهم شريته ب 1300 ووديته يغيره ,, طريقة التركيب خربت الجامبين الثاني ,, والمقابل ماتقدر تركب جديد وقديم لانه السياره راح تصير مايله خفييف ,, والنتيجه كح الافات
بس يشهد الله انها سياره ;)
بالمناسبه وش اللون اللي عندك ؟
تسلم ياطيب على تجاوبك وعلى معلوماتك الله يخليك لنا ويحفظك لعيون ترجيك
فعلاً ياخي كلامك مزبوط مره اسرعت عليها وانا على اعصابي خايف تتفكك وانا بداخلها وكنت كذلك خايف من المرور السري يكفشني ويشيلونها بسطحه
لله درك فاهم !!.. اقول لاتكون هذه سيارتك الي بعتها من زمان !! ;) ههههههههه
اخوي الكريم عاشق هوندا اكورد ما المقصود بالجامبينات الاماميه ، والعضلات ؟؟؟
علمني عنهما بالتفصيل الممل ؟ :d
وبالنسبة للقير غيرت الزيت قبل يومين للمكينه والقير وكنت ناوي احط زيت قير اسمه ديلكو او شيء من هذا القبيل اعتقد انه امريكي وقال لي الفني بالمشحمه فيه زيت ممتاز الظاهر اسمه موبيل او بترومين ماعاد اقدر اركز من كثر الإهتزاز الذي اعيشه فيها المهم انه قال يتحمل وافضل الموجود قلت حط منه وحطينا فيها اربع علب وعند الحساب طلعت العلبه بخمسة وثلاثين ريالوحنا حطينا اربع علب !!
ماعلينا كانت غلطتي ماسالت عن سعره كنت متوقع انه إذا هو غالي بيكون بخمسطعشالمهم انه بعد ما مشيت من عندهم اختفت النتعه وصار القير مرتاح في التقوميه قصدي في الإنتقال من الــ N الى الـ D وانبسطت !
واليوم رجعت النتعه او الرجفه على الخفيف سوتها معي مرتين ؟
وعندي واحد زميل يقول هذه الحركة من القير يعني فيه فضاوة لازم توظيب ؟
مارايك اخي هل افك الغطاء واشيل الرواسب ؟
علماً بانه إذا عشقت من الـN لــD3 مباشرة وتخطيت الـD4 تختفي النتعه او الفحطه او الرجفه يكون القير عادي في القومه !!
انتظرك ياعزيزي باين عليك ماشاء الله فاهم ومصحصح الله يزيدك من نعيمه ويحفظك ويبارك فيك
فينك ياعزيزي انتظرك على احر من الجمر
انت ياعاشق الله يحفظك روح المنتدى الذي يغط في سبات عميق !! :d
عسى المانع خير ياعشق هوندا !
فينك ياعم ؟
ياليت احد يتكرم ويعلمني :
ما المقصود بالجامبينات الاماميه ، والعضلات ؟؟؟
وله جزيل الشكر والإمتنان
ياخي ماقلت لك انا اذا نسيت ذكرني وارسل لي على الخاص :d
طيب .. حلو حلو حلو
الحين غيرت الزيت .. وصار كل يوم السياره ممتازه والتعشيق سلس .. وودك تمشي فيها 200 وتغير القير على الريوس وتكمل من حلاته :p
بعد فتره .. رجع لك الهباله حقت القير .. شي طبيعي
انا قلت لك لازم تغير او تنظف فلتر القير .. توديه ورشه .. يفتحه من تحت .. وينظفه .. ويركبه .. شغله بسيطه وسهله جدا .. اتوقع يحتاج قازقيت جديد بس .. القازقيت هو البلاستك الربل الاسود اللي يحيط القطعه ويحمي من التسرب ..
طيب الموضوع الاخر ..
جامبينات .. الجامبين هو الشي الذي يكون داخل اليايايت .. اليايات هي السبرنق ..
تخيل معي .. الكفر للسياره .. وراه شي دائري ... ولا تدري .. لحظه بدور صوره ..
شفت الشي المدور هذا الاسطواني ؟ هذا هو اليايات .. السسبنشن
الشي الطويل اللي جنبه هو الجامبين .. وهو شي يركب داخل اليايات .. وهو الي يمتص الصدمات ويساعد على السيطره والتحكم وهيك الله بده :d
-----
المساعدات هي الاشياء الفولاذيه الحديده اللالمنيوميه .. اللي تحت السياره بجابنت الجامبينات واليايات السسبنشنات
___
هذا والله اعلم .. وش تحتاج زياده خبرني .. ولو زاد عن 50 ساعه ولا رديت عليك .. رساله على الخاص :d
السلام عليكم
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
تسلم يالغالي كفيت ووفيت الله يحفظك ويخليك لأحبابك ..
تصدق إني حبيتك ..!!
هنيئاً لجلاسك روحك الحلوه وفكرك النير
الله يسلمك
ماعملنا غير الواجب
ولو احتجت اي شي .. لا يردك غير الرسائل الخاصه
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
صار معي هذي الرجة
مثل ما قلت لك صار معي في الام ار في وصارت المشكلة في العكوس الداخلية غيروها الوكالة وزبطت الامور..
الفرق بين الام ار في والسي ارفي ..
السي ار في ماتتحمل كثير في الطلعات ..
الام ار في كان عندنا كان قوي .. يطلع بر .. يطعس .. يحمل .. ينزل المزارع المجاوره مع العلم انها نص اسفلت ونص رمل .. يعني طرخ طرخ طرخ ..
اما السي ارفي .. مخصص الى شوية رمل بس .. يعني احلى مكان تروح له .. الشاطئ عند برج العرب في الامارات :d
اما طلعت فيه كم مره الى شوارع مو كامله سفلت .. العضلات كلها ودعت ..
وفي النهايه
... هوندا .. وقطع غيارها تكسر الظهر
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
ضوابط المشاركة
مواقع النشر (المفضلة)