الموضوع: افيدوني يا اصحاب الـ Odyssey الله لا يهينكم ...

السلام عليكم ورحمة الله

كيفكم يا شباب .. ان شاء الله تمام

اول شي اهنيكم على المنتدى الجبار وماشاء الله .. والله انو من افضل المنتديات خاصة قلة تعصبه

ويكفي انو رافع شعار هوندا فووو >>>> لا يكثر

اممم بس عندي كم استفسار يخص هوندا اوديسي 2005 ( الشكل الجديد ) واتمنى انكم تجاوبوني عليها

1 / هل انوار الطبلون حقت القير والمكيف والمسجل .. والازارير اللي على يسار الدركسون حقت ( التنده وو ..)

تجي كامله ولالا ؟؟ وسواء كانت كامله ولا لا من فين اشتريها ؟ وكم سعرها ؟ وكيف افتح الطبلون عشان اغيرها ؟؟

وابغى اعرف كمان كيف اغير لمبات الدركسون حقت المثبت وباااقي الازارير اللي جمبه ؟؟

2 / عندي الار بي ام ما يتحرك يعني ( تحت الصفر ) بس لمن امشي 200 يطلع على 3 المهم ابغى اعرف

هل طريقة تصليحه سهله ولا معقده ؟ ويرييت لو احد يدلني على مكان تماااام في جده عشان هادي المشكله ..

وانا لقيت كذا محل بس بعض الناس نصحوني اني ما اصلحه في اي مكان لانو الشغله على

حسب ما سمعت كمبيوتر وشغله طويله عريضه ؟ فيريت تفيدوني ؟؟

3 / ابغى اعرف فين الاقي كشافات وريموت للاوديسي لاني رحت الشركه وقالولي الكشافات بـ 1900 ريال

والريموت بـ 700 ريال !! يعني والله اسعارهم خنفشاريييه الله يعين على عبدالله بس

4 / ابغى عنوان او ارقام لاي محل قطع غيار هوندا في جدهـ واهم شي انو اسعاره تكون مناااااسبه و بسس

ومعليش اني كثرت استفسارت بس ماليا غيركم بعد الله ..

والله يعطيكم الف عافيـه ..