المشاركة الأصلية كتبت بواسطة الاخطبوط
ماقصرت يالمباشر
الصراحه من زمان مارحت للمرور بس شكلها الاجراءات والطلبات صارت كثيره
يعني تأمين والفحص الدوري الصراحه طولوها وهي قصيره :p
على فكره اذا قدمت اوراقك عند تموين المرور اللي بعليشه بالرياض تاخذ اللوحات بنفس اليوم اهم شيء تقدم الاوراق قبل الساعه 10 الصبح وتستلمها الساعه 1 الظهر
اما اي فرع مرور ثاني بالرياض تاخذها بعد اسبوعين
أهلين أخطبوطنا العزيز :d
والله قبل مقدم على اللوحة كانت صورة الأستمارة وتعبي الطلب وخلاص بس الحين أشوف طلباتهم كثرانه من جد 
مممممممم قلت لي مرور عليشه :d << عليها سالفة
كنت في مرور الناصرية قبل أسبوع أو أكثر ناسي :d المهم وانا راز خشتي بالمرور أنتظر رقمي والا أسمع المراجعين يتكلمون بخصوص اللوحات ومن الكلام هو:
واحد يسأل الثاني ويقوله متى قالك تستلم اللوحات / رد عليه قال بعد أسبوعين
جاك المباشر راز خشته عند العسكري مع أبتسامة جميلة وكشخة مابعدها كشخة لدرجة العسكري كل كلمة يقول لي طال عمرك وطال عمرك < وصدقت نفسي :d
المهم قلت له متى الأستلام بعد الظهر :d قال لي بعد أسبوعين وانا اناظر فيه 
أسبوعين / قال نعم أسبوعين طال عمرك < دقق :d قلت له مايصير / قال يصير طال عمرك < تراك أغثيتنا ، هذا النظام الجديد ، الخلاصة يا أنه صرفني ولا النظام تغير ولا العسكري طلع نظام من عنده وللمعلومية طلب كان لوحات جديدة بدون أصفار << مايختلف شي كأني مقدم طلب لوحات طويله
وبصراحة مارحت عليشة أقرب دوار وعلى المطار ومن المطار على الشرقية .. واللوحات ان شاء الله تكون موجودة الأسبوع الجاي 
واحد يسولف وأسمعه يقول عليشه بطلوا يصدرون لوحات أو ماعندهم لوحات مخلصه أو مادري وش السالفة والمهم الرجال يقول كان عندهم وقالوا له حولنا التصدير لمرور الناصرية ؛؛<< اما الرجال نصاب وشلخها على المراجعين ولا يمكن السالفة صحيح ونحتاج تأكيد بخصوص هالموضوع
وسلامتكم : أدري طولتها وهي قصيرة والحين باقي لنا واحد يقدم على المرور ويفيدنا بالمطلوب
ضوابط المشاركة
رد مع اقتباس
مواقع النشر (المفضلة)