فجيعة صرفية البترول أكورد 2006

**هوندا كونكورد** · 02-02-2007, 06:48 AM

صبحكم الله بالخير

من اشتريت السيارة وكالة ولله الحمد وانا أعاني من صرفية البترول

كنت اعبيها فل كامل تقريبا بــ 72 درهم إماراتي او اكثر بالبترول الجديم

فهل هالسعر للتعبئة الكاملة (فل) طبيعية ؟؟

تدرون اول ما عبيت السيارة شكيت انهم معطيني 6 سلندر وانا طالب 4 :d

صرفية عجيبة وتصرف تصرف في كثير من الاوقات واقولها بكل صراحة

مرات ما اسرع واقول بتمشيني كثير واتفاجأ بأنها اتمشيني مثل لو كنت اسرع وادعس واتهور شوي بس أقل بــ 10-20كيلو

أخاف شي خُرم غائر في الخزان

الله لا يقول

وفي سالفة جدا مهمة

هل صرفية النصف الاول من الخزان نفس صرفية النصف الثاني؟

من واقع تجربتي شفت ان النصف الاول يمشيني دبل تقريبا عن النصف الثاني فهل هالشي معقول؟

يعني اذا النصف الاول في عداد البترول مشّاني 300 كيلو ( تعبئة فل) فالنصف الثاني ممكن يمشيني 170 كيلو (مجربة) ؟؟!!

300كيلو+170كيلو = 470 كيلو..... 470 في حال ترست السيارة بــ 63 درهم إماراتي بالبترول الجديد بعد!!

كرهت السيارة واصبحت ما اطلع فيها كثير من شان هالصرفية الكاسرة للظهر

موضوع أرقني كثيرا

فياريت لو أقرا آراءكم في هالموضوع

تنويه : تم التعديل بسبب وجود خطأ فكري وذلك رأفة ً بالأخوان الذين فهموا غلط بسبب تفكيري الخاطئ بعض الشيء والسموحة منهم ومنكم.

**هـ ن و السعودية 9 9 6** · 02-02-2007, 08:24 AM

الشي هذا مو طبيعي اصلا

أنا اقول تراجع للوكالة وتقولهم القصة واكييد لقون لها حل

لا تسكت ابد ترى الموضوع مش طبيعي ابدا

**BLK** · 02-02-2007, 10:12 AM

اخوي انت من أي منطقة ؟؟؟

ب 77 ريال ؟؟ هذي جمس ولا يوكن !!!!

أنا أعبيها ب 23 ريال فل و تمشيني 430 كيلو تقريباً

هذا التانكي حقك كبير أو إن المحطة الي تروحها تغشك

ياخي مو طبيعي الوضع أبد

**هوندا كونكورد** · 02-02-2007, 11:36 AM

لحظة لحظة يا جماعة الخير ؟؟؟

ترى البترول عندنا غالي بالامارات فلا تحسبون سعر البترول آسف

لكن احسبوا على عدد الكيلومرات اللي كتبتها لكم في الموضوع فوق

التانكي 2.4 لتر طبيعي وسعر البترول عندنا غالي في الامارات شي طبيعي وانتو في السعودية رخيص جدا جدا

لكن الله يخليكم شوفولي الصرفية من ناحية كم تمشي يعني هل اذا عبيتها فل قبل لا يولع الاصفر يعني على الخط الأخير في العداد بس قبل لا يولع الاصفر ..كم تمشيك لو عبيتها فل؟؟؟

**اكورد الجنوب** · 02-02-2007, 01:07 PM

اخوي هوندا كونكورد
بالنسبة لصرفية الاكورد حسب كلامكك مو طبيعية ولكن افضل طريقة انك تجرب انت بنفسك تفلل السيارة (تملي الخزان )وتصفر العدادات وتمشي طريق طويل بسرعة 120كلم في الساعة اذا مشاك الخزان الواحد من 430 كلم الى 480 كلم فسيارتك طبيعية إذ اقل من ذلك فعليك مراجعة الوكيل ببلادك
وتقبل مروري

**أكورداوي** · 02-02-2007, 01:18 PM

المشاركة الأصلية كتبت بواسطة اكورد الجنوب

اخوي هوندا كونكورد

بالنسبة لصرفية الاكورد حسب كلامكك مو طبيعية ولكن افضل طريقة انك تجرب انت بنفسك تفلل السيارة (تملي الخزان )وتصفر العدادات وتمشي طريق طويل بسرعة 120كلم في الساعة اذا مشاك الخزان الواحد من 430 كلم الى 480 كلم فسيارتك طبيعية إذ اقل من ذلك فعليك مراجعة الوكيل ببلادك

وتقبل مروري

كلامك عين الصواب ياأكورد الجنوب ,,

والله يعينك ياهوندا كونكورد على هالمعاناه الي ان شاء الله انها تنتهي بأسرع وقت وقلوبنا معك ,,

**The Stig** · 02-02-2007, 03:20 PM

اخوووي ...
حسب كلامك انت من الامارات ... بالنسبه للاسعار الجديده للبنزين او مايسمى بالبترول بالامارات ... هذا سعر جيد بالنسبه للامارات ,,,,
انا اروح دبي من فتره الى فتره ....
التويوتا برادو اللي منتشر في دبي .... كنت اعبيه ب 108 درهم .... للفل .... بالعلم ... انه البرادو السعودي خزان واحد بس...
الصرفيه قد تختلف حسب اختلاف النوعيه والجوده ... انت تعبي اي نوعيه ....؟؟؟

وانصحك تجرب اللي قاله اكورد الجنوب ....
واي سؤال انا حاضر

**The Stig** · 02-02-2007, 03:22 PM

نسيت اقول انه بالسعوديه اعبي الفل للبرادو ب 48 ريال فقط ...

**هوندا كونكورد** · 02-02-2007, 05:44 PM

والله شقول لكم

برد بشكل عشوائي وسامحوني

اللي قال انه يعبي بــ 108 في الامارات وفي السعودية بــ 48 ألاحظ من كلامه فرق السعر البترولي بين السعودية والامارات ( فرق كبير طبعا ما فيها مقارنة )

لذلك انا قلت خل انقيس الموضوع على عدد الكيلو مترات

واخوي اكورد الجنوب ما قصر والجميع ان شاء الله

اكورد الجنوب

احب اقول لك ان السيارة لو عيبتها فل تقريبا بغض النظر عن سعر البترول خلك من السعر

انا الحين اتكلم عن عدد الكيلو مترات تفويلة وقبل لا يولع الاصفر بخط واحد تقريبا اتمشيني السيارة نفس ما قلت انته بين 430-480 الحمدلله رب العالمين فهل هذا معقول ؟؟؟ ما زلت في شك من أمري

انا اعبي بترول 91 اوكتان ما ادري شو يسمونه هو اقل مستوى عندنا لكن الأكورد تستقبل هالنوع من البترول وتمشي معاه بشكل طبيعي

وشكرا

**BLK** · 02-02-2007, 08:10 PM

ايه نعم معقول من فوق ال 400 كيلو ......

**DEMON_747** · 02-02-2007, 09:58 PM

للمعلومية
صرفية بنزين (بترول) السيارة داخل البلد أكثر من أنت تكون ماسك خط طويل

**اكورد الجنوب** · 03-02-2007, 02:22 AM

اخوي هوندا كونكورد
سيارتك صرفيتها معقولة جدا
ولا توسوس ولا شي فرق السعر حسب البلاد لايعني زيادة الصرفية
وتقبل مروري

**هوندا كونكورد** · 03-02-2007, 08:08 AM

والله هو من ناحية الوسوسة ترى انا امسوس عود الشياطين ما يهدوني

على العموم

شكرا لكل من ساهم بالشماركة و طمني من اولكم لآخركم والاول والآخر هو الله سبحانه وتعالى

وبالنسبة للصرفية بين المدينة والخط مرات احس بالفرق ومرات لا

بس ف كلتا الحالتين تكون الصرفية ممتازة بالنسبة للخط وافضل من المدينة

وشكرا لكم مرة اخرى

**The Stig** · 03-02-2007, 11:10 AM

المشاركة الأصلية كتبت بواسطة هوندا كونكورد

والله هو من ناحية الوسوسة ترى انا امسوس عود الشياطين ما يهدوني

على العموم

شكرا لكل من ساهم بالشماركة و طمني من اولكم لآخركم والاول والآخر هو الله سبحانه وتعالى

وبالنسبة للصرفية بين المدينة والخط مرات احس بالفرق ومرات لا

بس ف كلتا الحالتين تكون الصرفية ممتازة بالنسبة للخط وافضل من المدينة

وشكرا لكم مرة اخرى

صاااااااااااااااااااادوه

**DuGarrY** · 03-02-2007, 11:08 AM

كل الي قلته عندي نفس الشي وفعلا شي ملاحظ النصف الاول تحس انه يقعد اكثر

مدري هذا شي نفسي ولا هذا الكلام الصحيح

**LikE.nO.oThER** · 03-02-2007, 05:15 PM

كما أرجو أن تتوقف موجة تصيد الأخطاء لما سببته من إزعاج للكثيرين
هذه هو لقرار الاداري رقم 111 بعد الالف وهو يجبر جميع الاعضاء الالتزام به

سامحوني على الفلسفه :d

**يامطنش** · 03-02-2007, 06:45 PM

اخوي انا اقولك نفس كلام اكورد الجنوب وتر النصف الاعلى اكبر من النصف التحتي عداد البنزين اذا نزل اقل من النص تزيد الصرفيه وشي معروف ذا اذا عبيت فل تقريباً تمشي 80 كيلو ما يتغير مكان العداد 450 كيلو صرفيه طبيعيه جداً بس بشرط يكون نوع البنزين المناسب