السلام عليكم وحمة الله وربركاته..
اولا احب ان اشكر اخوي بو جواد على هذا الموضوع الرائع..
واقول هذا ليس جديد على شركه عريقه كهيونداي..
ثانيا: بالنسبه لك اخوي SAMI
الكوري طيب وبيبقى طيب الشركه هذه تعدت شركة هوندا في مبيعاتها بمراااحل
وهذا يعود لعدة اسباب منها أن هوندا وصلت اسعارها الى غير المعقول والانحدار في الجوده بدأ في الظهور..واذا منت مصدق رح قسم الصيانه اللي هو صار اكثر قسم شغال الايام هذه.
هيونداي هذه اللي ماهي عاجبتك هي الرائده في صناعة البواخر والناقلات العملاقه وكذلك من اكبر الشركات المصنعه للمعدات الثقيله وتركت صناعة الدبابات لهوندا فكيف لشركه استطاعات ان تكون رائده في الصناعات الثقيله ان لاتسطيع ان تصنع مجرد سياره.
اما بالنسبه لك اخوي AL_ADMIRAL
انا شايف ان الدركسون شكله عادي لكن اذا تبي تعرف وش اللي شكله غلط..روح شف قيور سيارات هوندا اللي عليها اماكن واشكال خنفشاريه مادري وش تبغى..ثانيا العبره ليست بالدركسون ولكن العبره بالوحش المختئ خلف غطاء المحرك...
اما بالنسبه لك اخوي الابيض:
اولا كيف حكمت ان بوديها كرتون وزنتها ماشاء الله عليك..السياره وزنها ياحبيبي من مجلة سعودي اوتو يبدأ من 1600 كيلو جرام لمحرك V6.. وما ادري من الاصل كيف تتكلم عن البودي انه كرتون..روح شف صور لحوادث الاكورد وفي منتداكم هذا شف كيف صارت..بالله في سياره تنقسم نصفين وش نقطع بصل احنا..
اما بالنسبه لك اخوي Accord Loly:
اشكرك لردك بدون تعصب او حياديه واللي يبرد القلب..
اما بالنسبه لك اخوي italian-boy :
اولا اذا إنا بنتكلم عن الحراميه فتصميم الاكورد الجديده كله سرقه في سرقه..
شف الخلفيه حقت الاكورد 2010 v6من الجنب سرقه من الفئه الخامسه ومن الخلف الفئه السابعه.للبي ام دبليو..وانت بنفسكم ذكرتم الكلام هذا....وليش ماقلتم ان البي ام الفئه السابعه الجديده سرقت اسطبات اللكزس اللارج الخلفيه وليش ماقلتم الن المازدا 6 الترا سرقت شكامين اللكزس اللارج والا بس هذه عشان انها كوريه بديتم تعذربون
ثانيا هذي مايسمونها سرقه..هذه يسمونها اقتباس التصميم مع تعديله جوهريا..وهو حاصل في كل الشركات العالميه..
.
بعدين بالنسبه لصور الاكورد هذي حاطها..شكلها جميل مانقول فيه شي ولا راح نصير متعصبين زيكم
لكن وش فايدة سيارة سباق بدفع امامي..مقارنة بالجنسيس اللي هي دفع خلفي..
وليش انك ماتقارن الجنيسيس بالهوندا..الجنييسيس ياحبيبي قورنت باسماء اكبر من هوندا وتغلبت عليهم لتصبح سيارة السنه لعام 2009 وذلك بتصنيف من اكبر خبراء السيارات في العام مو من كلام واحد ماقد حتى ركبها وهي واقفه
وليش ارفع راسي لان معي هوندا تراها هوندا ماهي بنتلي والا رولز والا مازيراتي لكن للاسف الغرور عمى قلوبكم على لا شي..ووصولتم لحد الغلو في سيارات هوندا ..
اما بالنسبه لك اخوي MA6ANSH:
فانا اقدر الناس الي زيك مو عشان انك مدحت لا لكن لانك غير متعصب ونقلت تجربه رأيتها من غير تعصب..
اما بالنسبه لك اخويlonly style:
فليتك ماكتبت اخر كلامك..لأن هذا هو ماقصدته في الغلو لسيارات هوندا..
#12
02-12-2009, 01:20 PM
lonly style
اما بالنسبه لك اخوي A.E.A:
انا اعرف ناس معاهم سيارات نيسان وتويوتا وضبوا على اقل من المشي هذا..
وبالنسبه للسوناتا 2005 و2006 هذه شي معروف فيها لأن كان فيها خلل مصنعي في طرمبة البنزين هو اللي سبب الشي هذا..واللي استجاب لتحذيرات الوكاله وغيرها ماجاه شي.. والخلل المصنعي وارد في كل سياره.
وفي الاخير انا ادري اني طولت عليكم....لكن انا اعرف المنتدى هذا من تاريخ اول معرفه لي ليساره من هوندا عام 2005 االي هي سيارة اخوي..انا كنت اعشق هذه السياره وماكنت احلم بغيرها..وكنت اركبها واحس ان راكب لكزس.من زود حبي لها.. وبعدها اقتنى ابن عمي اكورد موديل 2007..وزاد حبي لهذه السياره..وقد عزمت ان لا تكون سيارة المستقبل لي غيرها..ولكن عند وصول 2008 تفاجأت بسعرها الغير معقول,,وقلت مواصفاتها..فاضطريت الى التفكير بغيرها..واشتريت ازيرا فل 2008 سته سلندر وبسعر معقول..ولم اندم لحظه واحده على اقتنائها واحمد ربي عليها فقط وصل ممشاها الى 89000 بدون اي مشاكل تذكر..
وفي الختام لم اكتب موضوعي هذا للتعصب لهيونداي.. او كرهي لهوندا فانا اكن الحب والتقدير لكتا الشركتين فهوندا تضل عشقي الاول ولكن هذا المنتدى اصبح متعصب بشده لسيارات هوندا وكانه لايوجد غيرها وحتى مع المبالغه في اسعارها..التي وصلت حد الجنون..وانت وصلتم في الغلو فيها لحد الجنون..
واسف على الاطاله
رد مع اقتباس
المشاركة الأصلية كتبت بواسطة سعيدموسى
مواقع النشر (المفضلة)