جنيسيس كوبيه بقدرة 500 حصان

**italian-boy** · 05-12-2009, 07:29 AM

سلام عليكم يا شباب
انا كتبت رد .. ودحين حكتب رد وما حطول فيه طبعا

بالنسبة للاخ سعيد موسى ..
اعذرني مدام انا ما ركبت سيارة هونداي جينسز حقتك حتى وهيا واقفة .. ((طبعا واتشرف اني ما اركب كوري طبعا))
حتى انا اسمحلي ما اقدر اكلم واتناقش مع انسان مالو علاقة في رياضة السيارات والتعديل !!

في حياة اول مره اشوف انسان يحكم ويقارن بين سيارتين يقلك وحده دفع خلفي والتانية (دفع امامي) اول شئ اسمها سحب امامي مو دفع يا افندي باشا

انتا تدري عامود الكردان في سياراة الدفع الخلفي يلغي كم حصان من قوة المكينة المحسوبة على الحدافة ؟؟؟ ههههههههههههههههههههه
طيب في القومة مين بيطلع الدفع الخلفي والا الامامي ؟؟؟؟

والله بتتعب معايا في الموضوع دا ترى اقسم بالله مهي مقارنة .. تبغى تقلي الجينسيز احسن من الاكورد ؟؟؟؟؟؟؟
هههههههههههههههههههههههههههه ترى الاكورد اللي في الصورة عليها توين تيربو وانتركولر قد ايش كبرو .. لدرجة مغير شكل الصدام من كبر الانتركولر .. وشورت شيفت قير .. وفوق دا كلو قير عادي .. تتوقع الاكورد ما تجيب 500 حصان مع التعديل ؟؟؟؟؟

ترى اكثر الشعب اللي يعدل .. يروح يشتري هوندا ويعدل .. ونص شعب جدة والشرقية والبحرين والامارات ...الخ معاهم هوندات قديمة وانتيقرات عشان تعدل فيها .. ليش ما اخدت هونداي اكسنت قديمة والا جديدة حتى ((ترى سعرها رخيص)) وعدلت فيها ..
والا ليش ما اخدت هونداي كوبيه قديمة وعدلت عليها وركبت تيربو وانشهرت ؟؟؟

بعدين على حكاية الاصطبات ومني عارف ايش .. ترى مهي نسخبة طبق الاصل من لمبات الضباب للبي ام 700
ترى في اختلاف كبير اللهم هوندا لو سرقت بتسرق الفكرة والمكان

مو زي جنسيز .. اصطب كاااااااااااااامل نسخة من انفنتي كوبيه .. يا راجل نفس البودي نفسووووو حتى الواجهة والله عيب اقسم بالله

تدري ليه سعر سياراتهم رخيصة ؟؟؟ ما عندهم مصممين زي الشركات التانية يصرفو عليهم .. اللهم نسخ ولصق
روح شوف داخلية السوناتا الجديدة اللي انتشرت في الايميلات .. اقسم بالله نسخة الانفنتي .. نفس ديكور الشاشة والماوس تبع الشاشة
ههههههههههههههههه ترى والله عيب يعني .. انا الى الان منتظر اسمع شكوى من انفنتي على هونداي مدري ليش الين دحين ساكتين ههههههههههههههههه

بعدين تعال تتكلم على البودي وتكتبلي وزن السيارة ؟؟؟؟؟؟؟
تدري وزن المكينة والجيربوكس والديفرنس والشاصيه كم ؟؟؟؟؟؟؟ الرقم لمن تعرفو نقصو من الرقم اللي كتبتو اللي هوا 1600 وشوف كم بيكون وزن بودي السيارة .. ولا تنسى السيارة مكينتها 8 سلندر هههههههههههههه هيا 6 سلندر 3.8 اجل 8 سلندر كم بتكون يعني مره ثقيلة

وبالنسبة للمبيعات .. وانو تبيع سيارات كثير ومن الكلام هذا .. لو بتحكم على الشركات من هذا الاساس عز الله شركة فيراري ولامبرجيني افشل شركات في العالم .. ما تبيع الا بالحبات في الشهور ههههههههههه بس ولا احد يقدر يتكلم عليهم لانو هذي شركات طايرة في السحاب

على العموم سعدت بالكلام معاك يا باشا
وما تزعلش مني ترى كنت بهزر معاك وصدقني هوندا تلعب والباقي يتعب

واتمنى اتمنى من المشرفين عدم اغلاق الموضوع لانو مافي شئ بيننا احنا اخوان ترى ما حنزعل من بعض اقسم بالله
واتمنى برضو عدم التدخل او إلغاء الردود او حذف اي حرف الا لو كان في سب بيننا وطبعا دا شئ مستحيل يسير بيننا
لانو احنا محنا صغار وكل فينا عاقل وفاهم
وخلو الموضوع بردودو عشان الكل يقرا ويستفيد
تحياتي

**أبان الطباع** · 05-12-2009, 07:56 AM

بسم الله الرحمن الرحيم
التعصب مذموم في شرعنا وهو من صفات الجاهلية، صحيح أن هذا النادي لمحبي هوندا، لكنه لم يكن يوماً من دعاة الجاهلية!، نحن نرفض أي تعصب وسياستنا واضحة.
أما بالنسبة لردود سعيد موسى فأراه قد أنصف ولم يخطئ برده، لكن خطأه كان بالخرود عن هدف الموضوع فقط، فالموضوع كان لعرض سيارة لا لإستفزاز الأعضاء.

رأيي أنا قريب جداً من رأي سعيد، شركة هونداي تحسنت جداً في الفترة الأخيرة وأسعارها منافسة جداً، وجودتها تتحسن باستمرار، وأقول ذلك عن خبرة جيدة بهوندا، فهوندا سياراتهم رائعة كما قال سعيد نفسه، لكن المشكلة بأسعارها المرتفعة (بسبب إرتفاع الين وانخفاض الدولار في الفترة الحالية)، أنا نفسي أحب هوندا ولا أستطيع إمتلاكها بسبب غلائها (والحق أحق أن يقال)، كما أن هونداي تتقدم كثيراً وتعد منافس جيد لهوندا وبأسعار جيدة، أما عن سرقتها للتصاميم، وليكن هي شركة لصة وهذا معروف لكن أسعارها جيدة وجودتها تتحسن، أما عن كون هوندا الشركة البريئة التي تخترع تصاميمها بنفسها دون اقتباس أو سرقة أفكار فهذا الكلام خاطئ، وأنا مع تلميح سعيد بأنها تقتبس من بي إم دوماً!! مع فارق أنها تقتبس من بي إم وتعدل، بينما هونداي تسرق التصيم نفسه ثم تعدل، ولا فرق بالنسبة لي طالما أن السيارة بالمجمل جميلة، وإن كانت مسروقة دون محاكمة دولية، فمالمانع؟!، وعلى سيرة الإقتباس من من شركات العالم لاتقتبس من الأخرى!، بي إم تفعل وليكزس تفعل ومرسيدس! فمن بقي؟، هونداي أكثر من البقية أنا معكم.

أما عن أن لك الشرف في ألا تركب (الفتى الإيطالي) كوري، فذلك الكلام به تعصب كبير، ومن قال لك أن الكوري نجس مثلاً، أو أنه لحثالة المجتمع، سيدي الكريم أحمد ربك على النعمة ولاتخطئ، فالسيارات كلها خير وبركة.

أما عن أن هونداي شركة تعديل، فأظن وحسب خبرتي مع هوندا، أن سياراتها معدة للتعديل وتتحمله وذلك مشهور عنها، وخير دليل السيفيك الهاتشباك.

بالنهاية الرجاء الرجاء عدم التعصب، والحق أحق أن يقال، وأرجو عدم الخروج عن الموضوع.

بالمناسبة أنا معجب بهذه السيارة من جينسيس، وإن كنت غير راض عن تصميمها تماماً، لكنها خيار جيد ، لمن أراد قيادة سيارة في الشارع بقوة جيدة، لا لمن أراد التعديل (ولا أظنها بحاجة تعديل).

بالمناسبة هل تعلمون أن نظرة آبائنا أو أجداد البعض، للسيارات اليابانية، كانت كنظرة البعض للسيارات الكورية الآن؟