تبي الصراحه أخي الغالي
ما أنصحك تشتريه لا شكل ولا حجم مناسب
أنصحك تشتري أرمادا وبس
تبيه كشخه خذ ماشاء الله
تبيه في البر ولا سرعه خذ ماشاء الله
تبيه كحجم ماشاء الله وسيع جداً
أرمادا وبس
السلام عليكم ورحمه الله وبركاته
هذه اول مشاركه لي واول موضوع واتمنى لكل اعضاء هذا المنتدى الكرام الصحه والعافيه ....
يقال ان اكرام النفس هواها ولولا اختلاف الاذواق لبارت السلع وهذا مقولات جاءت من واقع تجارب وتعايش
مالكم بالطويله
في الفتره الاخيره ونظرا لاحتياجي لسياره اكبر وعائليه وتنفع في االمدينه وفي البر (بالعربي سياره دفع رباعي )
قمت ابحث وادور بهالجيبات من اللاند الى اليوكن الى البرادو الى الباترول الى الاكاديا ..... الخ
وفجاه شفت البايلوت بالصدفه ...... رغم اني كنت شايفه مطلع 2009 وما عجبني شكله ..
ما ادري شنو فرقت هالمره عن اول مره شفته فيها يمكن اني ماكنت ناوي على جيب في هذيك الفتره او يمكن كان شكل
جديد وجاه ما يجي اي شكل جديد تشوفه اول مره ....
المهم السياره عجيتني رغم ان الكثير ممن شافوها وعرفو سعرها فضلو البرادو الجديد عليها ...
لكن صاحبكم قاطع على رايه
نهايه يالبربره ....
اتمنى منكم تشورون على والي عنده معلومه لا يبخل على والله يرحمه ويرحم والدينه
1 - هل البايلوت 2010 يفرق عن 2009 بشي .. مع العلم ان البياع الي بالوكاله يقول انه مايفرق بولا شي
لكن البايلوت 2010 راح ينزل بعد شهر وانا خايف ان الحلو يبي يبيع وخلاص
2 - اتمنى من الي جرب البايلوت 2009 يعطيني انطباعه او انطباع اي شخص يعرفه عنده بايلوت
لان البايلوت سياره نادره ولم يشترونها الناس بكثر لم اجد احد جربها او يمتلكها
اتمنى اني لم اطل وشكرا جزيلا على المرور
تبي الصراحه أخي الغالي
ما أنصحك تشتريه لا شكل ولا حجم مناسب
أنصحك تشتري أرمادا وبس
تبيه كشخه خذ ماشاء الله
تبيه في البر ولا سرعه خذ ماشاء الله
تبيه كحجم ماشاء الله وسيع جداً
أرمادا وبس
هلا
انا ركبتها و عجبتني و صراحة انا من مقتني البايلت و انصح بها
http://piloteers.org/forums/
و هذا منتدى انجليزي خاص بمقتني سيارة هوندا بايلت و تقدر تدخل و تشوف كلام الكل الكل يمدحها لكن بصراحة في البر ما تنمدح بتاتا صحيح انها دفع رباعي لكن مو ذيك الدرجة في الاستعراض ما تستعرض لكن تدخل بر
و انا انصحك و بشدة اليها كسيارة عائلية فخمة و للطرقات لا سيما و انظمتها حلوة و ثبات في الطرقات
انا كتبت موضوع لك في الرابط الي فوق نفس سؤالك لكن اكيد بانجليزي و ان شاء الله اذا جاوبوني بعطيك الجواب
اخوي بايلوت لاهنت على الاضافه المفيده واتمنى تزودني بردود المنتدى الانجليزي لان اللغه مش ولا بد
بصراحه انا بعد البحث والتمحيص ماشوف ممكن يجاري البايلوت (من وجهه نظري البسيطه) الا البرادو الجديد
وسبب دخول البرادو على الخط سببين الاول سعره بعد الشراء يضل ثابت وهذي ميزه فيه مالها حل والثاني تفوقه الواضح في البر
لكن للاسف هالميزتين الي في البرادو ماني مهتم فيهم فانا لا شريت ما افكر ابيع ولا ني من محترفين البر
البايلوت يتفوق على البرادو كونه هوندا وايضا اوسع من البرادو بمراحل ووكالته ماهي مزحومه نفس التويوتا وايضا تحس انه مميز مو لا طلعتلك طلعه شفت نص الشارع يسوقون نفس سيارتك
انا لو اشتر جيب باخذ بايلوت
شي طيب انك اخترت الهوندا و مقارنتك و تحليلاتك قبل الشراء حلوة الله يوفقك
الردود يناقشون بعضهم و في النهاية استفدنا ان ما في فرق غير رفع السعر و تغيير طفيف في الألوان
There's not a whole lot of difference. The '09 model was a major redesign/refresh so maybe there were a few small quirks and fit issues that are worked out in the '10 model, but I don't think there's a lot of evidence to support this assertion yet as I haven't read a detailed '09 / '10 comparison.
الخلاصة كلام الي في الوكالة صحيح ما في تغيير فقط مراوغة في القانون لرفع سعر السيارة 2009 = 2010
مثل السيارات الاوديسي 2003 و 2004 نفس الشي ما زاد ولا شي
و بايلت 2004 , 2005 نفس الشي لدرجة ان الجنوط نفسها في كل السيارات المذكورة
و كان في جزء من المناقشات مقارنة بين الهوندا بايلت و الارمادا و فازت الهوندا بايلت ^_^ ما اتوقع تحتاجها لهذا ما ترجمتها
=======
لو سمحت اذا قررت تاخذها فأولاً الف مبروك و الله يعطيك خيرها و يكفيك شرها و لو سمحت اذا فيها نافيقيشن السيارة و لها سيدي خرايط للمملكة من نفس الشركة الهوندا خبرني
و شكراً
و الله ولي التوفيق
والله الواحد يحتار لما يدور سياره جديده
لانها مثل ما تشوف كلها ممتازه واسعارها متقاربه وكلها مريحه وقويه
ونصيحتي لك
شوف السيارات المنافسه للبايلوت
مثلا : ( فورد اكسدبشن - نيسان ارمادا - شفروليه تاهو - تويوتا اسكويا - جي ام سي يوكن ... الخ )
و اعمل بينهم مقارنه واختار الافضل بالنسبه لاحتياجاتك و على قد فلوسك
واهم شي لا تنسى العامل النفسي >>> يعني شوف اللي ترتاح له :d
والله يوفقك ... ومبروك مقدما
دايما وفي كثير من السيارات ذات الشكل الجديد توجد فيه اخطاء مصنعيه تتلافاها الشركات بالاشكال الجديده وهذه نظريه موجوده عند اغلب الناس انهم مايشترون الشكل الجديد في اول سنه ينزل
بحثت عن اختلاف بين الموديلين ولم اجد شيئ يذكر لكن في شي محيرني وهو مادام مافي اختلاف بولا شي ليش تغير السعر رغم ان السياره ما لقت رواج كبير يخلي الشركه تتشرط على كيفها وايضا تكاليف التصنيع قلت في الوقت هذا عن الفتره نفسها من العام الماضي وبتالي المفروض تقل الاسعار عشان تقدر تنافس السيارات من فئتها خاصتا مع نزول البرادو الجديد وارتفاع سعره الي اصبح مقارب للسعر الجديد للبايلوت ومالدى البرادو من سمعه وتاريخ من شانه ان يقتل البايلوت الجديد على الساحه لما يتمتع به البرادو من مميزات عديده وانتشار
انا اتوقع انه في زيادات في السياره حتى لو ما اعلنت عنها الهوندا وممكن تكون الزيادات في التقنيه الغير مرئيه (يعني مو في الشكل) وهي المكينه او استهلاك الوقوت خاصه اني قرات ان تقنيه مكينه البايلوت الي تشتغل بشكل متنقل مابين ال 3 سلندر وال5 وال 6 سلندر لم تساهم في توفير الوقود كما كان متوقع لها او ممكن يكون التغيير في قدره الفور ويل درايف الي اثبت انه ليس فعال في الطرق الوعره او اي شي من هذا القبيل يعني بالعربي تطوير المميزات الموجوده وليس تعديلها او اضافه عليها
المشكله الي اواجها انه البايلوت الجديد راح ينزل اواخر شهر واحد ويمكن نص شهر اثنين ( صج ماعندهم سالفه موتوني قهر ) وانا مالي خلق انطر ومشحون عليها
والشي الثاني ان البياع كل يوم يدق علي ويوعدني بخصم على البايلوت ال 2009 الفل ما احلم فيه (الالحاح هذا مخوفني حيل )
بالنسبة للبايلوت عند عمي وحدة جربت سواقتها حلوه ومريحة في الخط وما اشتكى منها لدرجة ترك اللجيند وصار بالجيب
السلام عليكم ورحمة الله وبركاته
كنت اليوم في وكالة هوندا وطبعاً البايلوت في بالي قابلني مسؤل المبيعات هندي محترم جداً احسن من بعض الجنسيات الي تسوق للسيارات :d اعطاني معلومات قيمة عن السيارة وقالي لازم تجرب سوقتها فعلاً طلعنا على بايلوت ابيض فل ابشن عجيب سيارة قوية راسية في المنعطفات هدوء مقبول جداً في الداخل. في طريق العوده الى الوكالة كان الخط مزدحم قررنا سلوك طريق اخر وعر شوي والسيارة حقيقة ثابته راسية ما ودك تنزل يعني تشجعك على المشاوير.
مافيه فرق بين 2009 و 2010 الا في شكل اللمبات من الداخل واكيد بعض العيوب المعدلة اذا كان فية عيوب. صحيح 2010 بيكون افضل من 2009 لان السيارة مجربة لاول مرة في 2009. على فكرة هذي السيارة رقم واحد مبيعات في امريكا حتى انها اصبحت تصنع هناك تحت اشراف هوندا.. نعم يباني لكن صنع امريكي. عملت مقارنه بينها وبين السيارات المشابها لها في موقع امريكي مثل اكاديا وترفيرس وبرادو وغيرها اجمالاً هي الافضل.. بايلوت 2009 منها فئتين فل اوبشن فتحة اسيات جلد كاميرا في المرايه توضح ما يجري خلفك حساسات انذار في الامام واليمين واليسار من الامام وفي الخلف. والعادي منها بدون ما ذكرت قيمة الفل 14000 ريال والعادي 123000. 2010 بيكون فيه مع الفل فئتين اسيات قماش طبعاً مع فتحة واسيات قماش بدون فتحة سعر الفل 2010 145000 تقريباً. 2010 بايلوت بيكون افضل اذا عملو فية تعديلات لاحضوها على 2009. السيارة أعجبتني كثير مميزة ولناس الفاهمين
وصدقني السياره على صاحبها. اذا تبي سيارتك تبقى على افضل حالاتها لاتتعدى 120 في السرعه الي يقول لازم تجيب طبلون السيارة او لازم تمرنها غلطان وأيضاً عدم استعمال البريك بلا مبالة. حافض على الصيانه قدر المستطاع وخل عنك البر. لو تجيب بورش كيان وطعس فية تفكك. البر والمناطق الوعره عند الضروره والسواق ذوق وفن... انا ناوي على البايلوت ان شاء الله ودعواتكم.
يا شباب ابي رايكم ايش أحسن لون على البايلوت علماً السياره الوانها محدده تقريباًثمانية الوان...
ياراعي البايلوت 2010 نبي رايك وأن شاء الله نطلعها سوى يمكن يعطونا تخفيض.....
الله يوفقك كانك ناوي عليها انا حجزتها والبشاره جتني انه راح يوصل بعد عشر ايام ومثل ماهو مبين الظاهر مافي تغيير
يذكر .......... البياع الي بالوكاله عنده بايلوت موديل 2007 والرجال كانه صادق يقول مابيدل حتى سفايف
السعر راح يفرق تقريبا وبشكل مبدئي 500 دينار (يعني 10500 كويتي مقارنه ب 9800 لل2009 ) لكن ما رسيت
على سعره النهائي وبنشب بحلوقهم عشان اخذه بسعر اقل ما راح اخلي واسطه الى وادخلها ...
انا محتار باللون بين الكرزي والذهبي
والله يوفق الجميع
تصدق يا محترم أنا و الله كان ودي في نيسان باترول أو سيارة سبورت صغيرة أو شي قديم له هيبة و يمين يسار فوق تحت تجيك التعليقات و الأفكار نيسان باترول محرقة بنزين و مي كشخة للعائلة و أفكر في كم سيارة جيب ما تصلح لخطوط أرجع للسيارات الصغار أخاف من المخالفات و شوارعنا و لا يناسبوا بر أو شوارع مزارع كشخة فاضية فكرت في شي قديم و هيبة أو ونيت ما تناسب طالب جامعي و وين ما أضربها عوية و تالي أجبرت أخذ البايلت و كرهت أمها و تجيك عين تضرب أم السيارة ما تهنيت أبد كرهتها زيادة و مع الزمن شوي شوي قعدت أهون السالفة و كذا و ترجع نفسيتي لها فساعات أسب إلي اخترع الهوندا و ساعات أقول ما قصر لكن كسيارة فخمة خراباتها قليلة بل نادرة جدا و تناسب العيله و مريحة لا سيما أنظمتها و الحماية إلي فيها تكفي أنك تمتلكها و كما كل سيارة هوندا دلوعة البايلت دلعها و لا تكرفها في البر الا في الضرورة و لا تخلي أحد يؤثر عليك في إتخاذ قرارك
يعجبك والله لونك عندي بالكويت كان ضبطتك ...
الله يوفقك ياخوك والالوان والله اني محتار مثلك بس انا شفت كل الالوان عليه بالوكاله وبره بالشارع وبصراحه
كل الالوان عليه حلوه انا حصرتها بالكرزي والذهبي لانه ابي الداخليه بيج ... الابيض والاسود والسلفر داخليتهم رمادي
وفي لون رمادي غامق من داخل بيج هم هذا مو هين
^^^
الذهبي أحلا مررررررررره
أنا سيارتي سوداء و داخليتها بيج ( مواصفات أمريكا ) لكن في الجديد أنا حبيت العنابي و الذهبي ما عجبني كثر العنابي لا سيما و لمعته عاطية شكل حلو
لو تتاح لي فرصة رش السيارة بالكامل كان يا كحلي أو عنابي كرزي و الأقرب أني آخذ كرزي و إختياري للأسود كان خاطئا نوعا ما هيبه ملكية و لمعة و حركات و أيام الغبار تروح و اللمعة كل شهر شهر و نص تقريبا و ع كل حال أهم شي الواحد يحافظ ع السيارة و لا يقول هذا هوندا أو هذا بورش أو هذا بايلت أو هذا كرسيدا حافظ ع السيارة تدوم
يعطيكم العافية جميعاً
فعلاً اللون الاسود لمعته ما تدوم على السيارة أنا شفت اللون الابيض خطير على البايلوت بس هذا اللون أصبح تقليدي.. ما عندنا في السعوديه اللون الذهبي وشكلها يا كرزي او موكا.. يا شباب ترو البايلوت عندنا نزلت لاول مرة في 2009 بس سابقاً كانوا يسمونها mrv
على العموم البحث في النت عن عيوب السيارات ومحاسنها مو مئئة في المئة صحيح هناك أشياء مشتركة في العيوب مثل ما قال اخونا بايلوت 2010 النيسان ارمادا وسيارات النيسان بشكل عام غالية ومعروف ان الموتر يتفكك ومشاكل في المحرك حتى بودي السيارة ويطعج بسرعة مثل التايوتا راقب هذين الفئتين من السيارات وخصوصاً الصدامات الخلفيه. الهوندا صراحة بودي قوي وسيارة تشعر وانت تسوقها مميز...ويا سلام لو عندك سيارة ثانية بسيطة حقت المشاوير السريعه راح تحافض على هذة الجوهرة الثمينه
ترو البايلوت عندنا نزلت لاول مرة في 2009 بس سابقاً كانوا يسمونها mrv
=========
وش رايك ان مواصفات البايلت افضل من مواصفات الـ mrv ( نفس الشكل صحيح و لكن البايلت ليست الام ار في )
و انا عندي بايلت 2004 جايبنها من امريكا و تقدر تقارن بينهم بتشوف تفوق البايلت
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\
و شكرا
اوافقك الرئي اخوي بايلوت 2010 البايلوت اعطى هوندا سمعة. كل الوكلات عندهم جيوب وفئات مختلفه بعد الا هوندا. بعد نزول البايلوت الوضع تغير ويمكن ينزلون جيب منافس لبعض الجيوب مثل انفنتي واودي وغيرها. على العموم ماني مستعجل خلني استمتع بالتفكير في البايلوت وبعدين اروح الوكالة واقول لهم بكل ثقة الحين ابي السياره وانا جالس اشرب شاي بعد..
مواقع النشر (المفضلة)