ابقول لك سالفة بس لا تعلم ابوي //

الوالد - حفظة الله - السيارة عندة عبارة عن تغيير زيت فقط ، والفرامل ... ( عبارة عن وسيلة نقل )
ما يسرع ابد ، اذا لف لفتة عادية وكبيرة <<< لفة تريلا ..

الزبدة اني خذيت الموتر منة وانا انسان اقدر الدفع الخلفي ومن النوع اللي يكسر الطارة في اللفة لين تسمع ( طق ) ..

اليوم الثاني راكب مع ابوي وهو اللي يسوق وفجأة ابوي يقول وش فية الدركسون صاير ثقيل ؟؟ <<< هوز الدركسون مدري المهم انة شي متعلق بالدركسون انفصل مدري انخلع مدري وش صار فية المهم انة خرب لأنة متعود على سواقة ابوي الهادئة جداً وجيت واحتفلت بالموتر ...

-------------------------

سيارتي البيضاء السابقة اكورد ٢٠٠٦ شريتها مستخدمة ماشية ٥٠٠٠ كيلو فقط من شخص كبير وعاقل وابو عيال ومحافظ على سيارتة جداً وتعتبر سيارة الدوام .. << شريتها من الشرقية ويجب انها بعد ما تصير بأسمي ارجع للرياض مباشرة .. اقسم بالله اني طفشت لين عديت الـ ١٣٠ ، عزم الموتر ميت لأنة كان مع هالشخص اللي معود موترة على هالسرعة ،، قعدت بعدها حول شهر ويتنشط الموتر ويرجع للحالة الطبيعية ..

الحالة الطبيعية // اول موتر شريتة الاكورد السودا .. من يوم ماطلعت من الوكالة هو بس دق الجوال واناظر للطبلون الا اني امشي ١٦٠ !! <<< السيارة توها ما مشت ٥ كيلو !! وما شاء الله الموتر كان صاروخ قد ما تعطية يعطيك ،، الدائري كان يشتكي قبل المرور السري ..

يعني // حسب تجربتي //

تشتري الموتر ،، تدلعة .. ما تستخدم الـ ٣٠٪ من قدرات المكينة والقطع الميكانيكية لسنتين مثلاً ، يجيك يوم من الايام ظرف طارئ جداً ( ولادة - وفاة - تأخر عن الدوام ) واستخدمت السيارة على غير المتوقع لها بكامل قوتها ١٠٠٪ وكرفتها كرف لمدة ساعة واحدة بعد سنتين من الدلع .. اتوقع انها بتقلب عليك قلبة شنيعة لأن كل شي بالسيارة كان متعود على نمط معين ،، <<< وهذا بالتمام ما حصل مع سيارة ابوي لما خرب الهوز ، سيارة ابوي الحين عزمها مدري وش يبي ..