الموضوع: عبارة قوية جدا في موقع Ford !!!!

المشاركة الأصلية كتبت بواسطة Mr.CaR

أجل ليش مُلاكها و اللي ركبوها سمّوها ملكة الخط ؟ ..

والله انا عندي قاري مثلا واسميه الحوت .. بكيفي خخخ بس ما بيتحول الى حوت مثلا وفجأةً ؟؟ كذلك الفورد ما بتتحول الى ملكة الخط خخخخ .. ملك الخط بلا اي منازع ولحد يفكر ينافس .. الألماني وبس

وكيف 8 سلندر و ممشاها خرطي ؛ ويكفيك إن السيارة على القفلة - 180 - وضغط المكينة 3 ؟ .. آخر راحه

فكّر شوي بعدين رد ..

الا ممشاها خرطي !
بالنسبة للقوة طبعا << وهذا اللي اتوقع يقصده الاخ
لأن عزمها ماااااش وتدعس ع الاخر ويالله تمشي وتدف حالها
بالاكورد السابقة كم وكم امرمط عيشتهم قومة وخط !
واذا ضغطها ع 180 ع الـ3 .. ترى الأكورد وهي نص مكينة الفورد ع 180 الضغط اقل من 3.5 :d

وبالنسبة للراحة صح مريحة ..بس على سرعة 120 وتحت .. من تتعداها تصير تناقز كأنك جالس في سفينة فووووق تحـــــــــت حشى موب سيارة حتى مرة ركبت مع واحد رايح الجامعة ونسرع 150 جاني دوار البحر من كثر ما تناطط :d

الشّكل مرغوب بقوة ؛ و زور لك أقرب وكيل لها و راح تشوف الناس كيف تشتري فيها

وكأن السيارة شكلها جديد و أوّل مره تنزل ...

اي شكل مرغوب اسمح لي قبل ما افهم شي بالسيارات وانا احس ومتأكد ان شكلها قمة في الفشل وقمة في غباء التصميم
أجل سيارة هذا حجمها من برا ومن داخل الأكورد أوسع بشكل واضح؟؟ شوف الكابرس كيف التصميم الكشخة وهيبة برا وداخل وسيييع تمد رجلك لين تقول بس

وشسمه ..

عرفت ليش الناس إلى اليوم ومازالت تشتريها جديده بالرغم من مرور أكثر من 10 سنوات على نفس الشكل و المواصفات ؟

اسمح لي الناس هنا اغلبهم معميين بالتقاليد ابوه عنده فكتوريا يروح ياخذ زيها لأنها مريحة :p
يكفيك انها في امريكا انقطعت من الوكالات بداية عام 2008 صارت سيارة بالطلب بس للدوريات المرور والتكاسي لأن مبيعاتها شبه انمحت <<< شفت الشعب اللي يفكروا كيف

الـ خمس نجوم في إختبار السلامه ؛ وين راحوا ؟

خمس في التصادم الامامي
اربع في التصادم الجانبي للسائق والراكب :o

....

.........
بالنهاية / إمتلاكك لسيارة ؛ لا يعني أنّها الأفضل

فعلا فعلا مقولة صحيحة :d
طبعا كلامي كله عن الفورد كراون فكتوريا وما ليي شغل بالموستنق 2003 على سبيل المثال :d

على كلامك هذا ؛ حتّى الأكورد اللي يسمونها ملكة ممكن هي بالأصل في مستوى قاري

والهوندا ماهي قاري ..

ولا الفورد قاري ..

ومستوى الألماني معروف ..

مع إنّنا نتكلم عن سيارات وما أدري إيش حشر القواري بالموضوع ...

اي يمكن الاكورد بمستوى قاري ما تدري كل شي يجوز .. عاد شوف حزتها سياراتـ(ن) أخرى بمستوى وشو

يا غالي قصدي واضح .. فلانٌ .. وللا جماعةٌ من الناس اطلقوا اسم على شي معين .. ما يعني ولا يفرض صحته ولا يعتبر دليل بأي نسبة
وللا على كذا ما بنخلص لأن الكامري معروف بـ ملك الخط :d والاوريون يسموها الاميرة خخخخ و الخ الخ ..
وأنا من الناس اللي ما العب على روحي واسمي (أكورد) بـاسم (ملكة) لأن أدري انها تبطي .. والملك كان ولا يزال وفي المستقبل ايضا .. الالماني

عندك علم إن وزن الفورد 2500 ؟ ;)

ولا تنسى .. قير الأكورد 5 تعشيقات .. والفورد 4 بس ..!!

والكابريس اللي مكينته 5.7 .. مايمديه يجيب الـ ممشاه ع الضغط 3 - 170 - ...

وحجم مكينة الفورد 4.6 ؛ والأكورد 2.4 ؛ يعني مابعد وصلت الضعف ..

والفرود أنواع ؛ فيه المايع و فيه القاسي .. ؛ وأشوف كل واحد و ذوقه ..

إركب الفورد السبورت و إحكم ..

غلطان يا مستر .. وزن الفورد في حدود 1870 كيلو فقط .. تخيل 2500 كيلو عاد :d
مكينته هالـ4.6 المنتهية قوتها 224 حصان فقط لا غير يعني لو وزنها 2500 خلاص اغسل يدك منها :d
اما عاد 2500 كيلو قوية خخ .. البي ام الفئة السابعة 760i موديل 2010 وهو وزنه 2250 كيلو فقط لا غير من موقع وكالة البي الام الرسمي ;)

أما الكابرس الـ5.7 لو سمحت لا تغلط على الخروف الاسترالي تراك ما تعرفه زين :d
كان عندنا 2001 ال تي زد واذكر ع الـ200 الضغط حول الـ3 :o
لومينا صاحبي 6 سلندر ما اذكر كم الضغط فيها بالضبط بس اللي متأكد منه مليون في المية انه كان اقل من ضغط الاكورد على الخط

دورت في النت وما حصلت صورة لكن شفت هالموضوع عن عداد لومينا 6 سلندر كان فيه صورة بس الظاهر انمسحت .. لاحظ الرد رقم 4 والرد16

http://www.assayyarat.com/forums/showthread.php?t=40208

فـكيييف يعني بيصير الـ5.7 ضغطه 3 ع 170 ويييييييييييييين

بالنسبة لحجم المكاين طيب ما وصلت للنصف بس وش بقى يحسرة :p 0.2 يعني اقل من علبة سن توب ابو نص:d

بالنسبة للفورد السبورت والله يمكن كلامك صحيح بس لسة ما جربت

إنت تعبّر عن رأيك هنا ...

ويكفيك إن السيت الأمامي للراكب في الفورد يشيل 2 بالراحه ..


نفس السابق .. إنت تعبّر عن رأيك ..

الأكورد تعيش 500.000 كيلو بدون ماتضرب المكينة أو القير .. ونحوه ؟

فعلا رأيي انت مو ملزم به ..

بالنسبة للممشى ..
مو كل فورد تعيشها .. تماما زي ان مو كل اكورد تعيشها ;)
وترى اعرف واحد عنده كيا اوبتيما 2002 ممشاها فوق الـ400,000
واعرف واحد ثاني للآن موضب مرتين والسيارة ماشية 103,000 !!
يعني القصد مو على السيارة بس على العناية والسواقة

والله لو تعطيني فورد واستخدمها مثل اكوردتي (لأني ادري ان كلامك ضربة لي) كان اوعدك ان محركاتها بتدق قبل ما تكمل عندي سنة ;) <<< تراك ما تدري كيف كان استخدامي اليومي :o
في هوندات طقت 600,000 ميل في امريكا واحتفلوا بهم <<< يعني مليون كيلو تقريبًا :o