السلام عليكم ورحمه الله وبركاته

ودنا بمقارنه عادله بين الثلاثه الطحاطيح من اقوى السيارات اليابانيه .. طبعا بدون تعصب معليش شباب

لازم الكل يعرف انه ما في سياره كامله .. لو لا اختلاف السلع لبارت السلع
كل سياره فيها مميزات وعيوب .. والكمال الله سبحانه

لكن ودنا نعرف مميزات كل سياره من ناحيه
1- القوه والقومه
( راي الشخصي اقواهم الالتما 6 سلندر ثم الاكورد 6 سلندر ثمن الكامري 6 سلندر الموديل السابق اما الاروين 6 سلندر اعتقد تكون قريبه من الاكورد والالتما اقوى بكل تأكيد بفارق بسيط لا يذكر )

سعر السياره جديدة
اغلاهم التويوتا جديدة في كل فئاتها
ثمن الهوندا
وارخصهم النيسان جديدة

متعه القياده والراحة
افضلهم متعه بالقياده الاكورد وثم الالتما واخيرا التويوتا

القربعه وتحمل المطبات
اكثر السيارات هربده وتقربع بسرعه وتفكك
النيسان بشكل عام ....
والتويوتا تتحمل ما شاء الله ما تفكك بسرعه
الهوندا ما عندي علم لكن ما ضنت تتحمل مثل التويوتا اعتقد بين التويوتا والالتما

السعر بعد البيع
إلى يسمك معاه سعره التويوتا
والهوندا ايضا
للاسف الالتما ما تجيب سعر بعد البيع والنيسان عموما

قطع الغيار
ارخصهم التويوتا بكل تأكيد
اما النيسان والهوندا في قطع غيارهم اعتقد برأي الشخصي ان النيسان اغلى .. مع اني معلوماتي عن الهوندا قليله بشكل عام

التحمل
اكثرهم تحملا التويوتا الكامري
ثمن الالتما
واقلهم تحملا الهوندا معروفه انها حساسه ما هي حقت كرف ومطبات

الفخامه الداخله
اعتقد يكون لصالح الهوندا
ثمن التويوتا
ثمن النيسان

طول عمر القطع وتحمل قطعها
اكثر السيارت قطعها تعبانه التويوتا مع انها اصليه ما تستمر لفترات طويله
أما النيسان الهوندا القطع الاصليه تتحمل لكن اسعارها مبالغ فيها وخاصه النيسان من جد قطعها مو صاحية .. اسمع عن غلاء قطع الهوندا لكن ما اعتقد يوصل لغلا النيسان بصراحة

الشكل الخارجي
طبعا هذه المسأله ذوقيه بصراحة
لكن اترك الموضوع لكم ... بصراحة كلهم اشكالهم احلى من بعض

طبعا ودي الكل يقول رايه وعن كلامي
هذه رأي شخصي
لكن ودي الكل يحط العناوين الحمراء
ويطرح رأيه من غير اي تعصب .. ولا يغش الاعضاء