الموضوع: الهيئــة العليــــا للسياحـــــة

أخوي اتش مشكور على ردك وانا بصراحة نظامي مثل نظامك بالضبط من البيت إلى الشغل ومن الشغل إلى البيت وماقصر مع الأهل إذا ارادوا مني شغلة معينه او إذا كان عندي شغل ضروري وهذا طريقتي لأن الرياض بصراحة مدنية عمل زي ما قلت يعني بصراحة اللي يداوم دوامين في اليوم او يشتغل في بنك عادي بالعكس عز الفلة راح يروح وقته زي السلام عليكم لان مثلي دوام حكومي يعني ماتجي الساعة الثالثة بالكثير إلا وانا في البيت واحياناً الساعة 2.30 تصدقون ياجماعة إني وقت الخميس والجمعة اشتاق للشغل واقول متى يجي السبت خصوصا إذا كنت فاضي يوم الخميس والجمعة وانا غالبا مااكون فاضي لكن مليت بصراحة من النظام اللي انا عليه يامقهى شيشة او مقهى كافي وشارع التحلية وزحمته اعوذ بالله هذي الأماكن اللي غالبيت شباب الرياض يقصدونها لكن المشكلة اني بصراحة مليت مليت مليت لدرجة اني بعض الشباب احيانا يقولون لي نطلع نتمشى اقول اختار يانجلس في بيتكم اوفي بيتي نسولف او نروح مقهى يعني الآن عندي سياسة (لا للدوران ) طفشنا من الشرطة ومن الزحمة ومن نقاط التفتيش تلاقها في كل محل كل شرطي يبغى يخلص دفتر القسايم بأي وسيلة والسطحات على جنب ومناظر بصراحة مؤسفة لكن وش نقول الشكوى لله .

اخوي Neo Fox انا معك ان هناك شباب وكثيرين حقين غزل لكن لازم نرضخ للأمر الواقع يعني نحبس الأهل في البيت هل هذا يعقل اللحين المشكلة اي مكان تروح له فيه غزل ممكن تلقى الترقيم في داخل الحي ممكن عند خياط نساء ممكن في بقالة في اي مكان واللي ينفس للشباب اكثر الله يهديهم بعض البنات ياإشارة باليد او بغمزة او شيء من هذا القبيل الدعوة الآن العكس شوف كبت البنات في البيوت وين وصل إذا كل واحد يبي يحبس اخته عشان ماتروحل مكان تسوق او شيء من هذا القبيل فقول هذا اكبر غلط (الضغط يولد الإنفجار) وإذا زاد الشيء عن حده انقلب ضده وانتبهوا ياشباب ياللي راصين على خواتكم وحارمينهم الطلعات طلعوهم معكم ليكونوا طوال الوقت بأمان وبحشمة وبمحافظة على العفة يعني بإختصار انت (البودي قارد ) للأهل , اما بالنسبة لراي اخوي Neo Fox كلامك سليم لكن وش نسوي حتى لو ماكان الأهل رايحين يتمشون راح يروحون للسوق للشراء الملابس والفساتين الخاصة بالعروس وغيرها هل يعقل ان نمنعهم مستحيل زي ماقلت لازم نرضخ للأمر الحاصل الآن والذي هو عليه اكثرية الشباب وصدقني كل هذا من الكبت وعدم توفر الأماكن المناسبة للشباب واللي يسوون الشباب ردة فعل عكسية وآسف على الإطالة ومشكور على مرورك .

اخوي دحوم
انت سالفتك سالفه ؟
انت لا بدا الصيف شف لك وقت مناسب وخذ لك اجازة ومرني بابها وافرجك المكان الزين عندنا
وفلها يارجال .
بس ارجوك من اللحين لا تطلب نقل أبهـــــــــــا فاقعدلك على جميع الشوارع
هههههههههههههههههههههههههه
وتقبل مروري