السلام عليكم يا شباب
عساكم بخير
بدخل بالموضوع على طول
انا عندي اكورد سبيشل 2008
وهي اول هوندا اشتريها وطبعا نظام تأجير منتهي بالتملك
ومنتظم بالأقساط صارلي سنتين بالضبط وباقي عليي 3 سنوات ان أحيانا الله واياكم
وكلشي تمام بس صراحه مليت الاربعه سلندر وودي أغير
وودي اجيب 6 سلندر
أمس رحت وكالة هوندا اشوف الكروستور الجديد
صراحه سياره خياليه وعجبتني مرررررررررره خصوصاً انها دفع رباعي
وجاي فيها مواصفات مهي موجوده بالفل الاكورد بس سعرها احححححح يلسع
كاش بـ 136 الف ريال يعني لو ابي اخذها على نفس نظام سيارتي تأجير بتطلع عليي بمبلغ كبير
وا حسافه
المهم وانا طالع من المعرض شفت عندهم كوبيه فل كامل 6 سلندر 2009 وسعرها 99 الف
وبصراحه انا من عشاق الكوبيه واللي خلاني اشتري سيدان بحكم اني متزوج وعندي طفله بس قلت عادي لان طول عمري اركب سيارات كوبيه انا مستعد للتضحيه براحة الدخول والخروج من السياره
بس اللي جاي استشيركم فيه هو اني لو رجعت سيارتي للبنك الاقساط اللي انا دافعها كلها بتروح عليي وبجلس اقسط من اول وجديد وصرت دافع حوالي 50 الف وباقي حوالي 70 الف طبعا هالسعر شامل التأمين الشامل.... فا ايش رايكم ارجع سيارتي للبنك واصك الكوبيه ولا اهجد وارقد وخل عني الهوجاس والحتسي الفاظي ؟؟؟ مشورتكم تكفون