لا حولا ولا قوة إلا بالله

الله يعوضكم بأحسن منها ومن ناحية السرقات بدأت تنتشر بالفترة الاخيرة ولكن بالرياض موجودة من زمان
واحد من أخوياي يقول اعرف واحد طلع كامري 2004 اول ما نزلت وكان برمضان وطلعها الرجال وتوها بقراطيسها وراح لمحلات الزينة يبغا يركب ريموت للموتر والظاهر انه خلى الموتر شغال ونزل يشتري الريموت وعلى شان يركبونه
المسكين قاعد يشتري وقال له العامل وش السيارة قال كامري 2004 شفها برا ويطالع إلا الموتر مب موجود بغا ينهبل يدور وطلع يشوف بالشارع مالقي للموتر اثر راح بلغ وماطلوا فيه من قسم إلى قسم فشف يعني الموتر تقريبا ما مشى إلا 20 كيلو بالكثير وينسرق وهو توه مطلعها من الوكالة و الله شيء يقهر والغلط منه إنه مخلي السيارة شغاله ونزل

وهالحين الواحد حتى وهو موقف سيارته عند البيت خايف عليها ولكن أحفظ هالدعاء اللهم اني استودعتك سيارتي أو مالي او نفسي يعني تستودع شيء لك و إن شاء الله يكون في حفظ الله

ويمكن يوم انسرق الموتر فيه خيره لكم يعني مثلا لا سمح الله يصير حادث لكم بالموتر أو شيء
وتذكر يالغالي ( وعسى أن تكرهوا شيئا وهو خير لكم ) أي شيء يصير لك فأعرف إنه فيه خير لك

والحمد لله على كل حال و الله يعوضكم بأحسن منها

وسلامتك ،،،